Akkúrat :)

Hvað er hún að pæla að koma með svona spoilera og eyðileggja alla von…

Persónulega trúði ég alltaf að Snape væri 100% Dumbledores maður.
Þar til ég las annan kaflann í HBP.
Þá datt ég niður í svona 10% óvissu… ennþá samt 90% viss um að hann væri góður.
Í enda bókarinnar eftir allt sem gerðist þá er ég komin í 10% pælingar um að hann sé góður.
Mér finnst ákveðnir hlutir sem hann hefur ekki komið með útskýringar fyrir sem varpa efa á það að hann sé virkilega að vinna fyrir Voldemort.
T.d. Afhverju sendi hann Fönixreglumenn á staðinn þegar Harry var farinn í galdramálaráðuneytið í lok 5. bókar ef hann vildi að drápararnir fengju sínu fram? Hann hefði alveg geta þóst ekki skilja hvað Harry var að tala um þegar hann sagði að “Snuffles” væri í hættu á staðnum hjá dyrunum… eða hvernig sem hann orðaði það. En hann stóð við sinn part, kom því til leiðar að Voldemort fékk ekki að vita afganginn af spádóminum og drápurunum mistókst.
Eins líka þá sagði hann að Dumbledore hefði lent í einhverju smá slysi vegna þess að aldurinn væri að ná honum, hann væri orðin hrumur og viðbrögðin stæðu á sér. Þess vegna væri höndin visin. Nú vitum við að svo var ekki og við vitum að Snape vissi að svo var ekki. Snape vissi að það var út af álögum. Ég er ekki viss um að hann viti hvað það var sem Dumbledore var að vesenast með en hann vissi að það voru álög því hann hjálpaði honum.
Að einhverju leiti held ég að Snape hafi gert mistök þegar hann gerði þetta “Unbrakable wow” fyrir Narsissu. Hann vildi ekki gera þetta en fannst hann ekki hafa leið út. Eftir það varð hann að standa við það eða deyja.

Ég held einna helst að Snape hafi verið að leika tveimur skjöldum allan tíman og hreinlega ekki verið viss sjálfur hvorum hann vildi fylgja. Hann hafi blekkt alla og verið enn að velja sér hlið. Draco er það næsta sem hann hefur komist því að eignast sinn eigin son og hann lítur þannig á hann. Þegar Draco var svo í hættu valdi hann sér þá hlið að vernda hann.
En kannski er ég bara að bulla og hann er bara pure Evil… hver veit
Mér þætti þó gott að trúa þessu í bili.

Hvað Draco varðar þá hefði hann án efa gengið til liðs við Dumbledore ef hinir drápararnir hefðu ekki birst. Hann er ennþá bara strákur, spilltur strákur, en engu að síður strákur sem þekkir væntumþykju og er ekki illur þó hann sé svolítið illa upp alinn. Hann vildi ekki drepa Dumbledore en þorði ekki annað en að hlýða. Í fyrstu fannst honum þetta kúl að fá verkefni frá Voldemort sjálfum en svo þegar á hólminn var komið var þetta hreint ekki kúl og hann vildi helst bara fara heim til mömmu.
Hann vissi að Dumbledore væri mjög máttugur og trúði því að hann gæti hjálpað honum. En núna þegar hann er farinn þá er enginn eftir sem Draco gæti hugsanlega treyst í liði góðu gæjanna. Því dreg ég það í efa (þótt ég hundsi orð Rowling því ég vili ekki heyra svona spoilera frá rithöfundinum sjálfum) að hann svíki Voldemort nokkurntíman úr þessu.

Ég efast um að Harry noti Avada Kedavra. Ég veit ekki hvað hann gerir en einhvern veginn efast ég um að það verði leiðin.