ég er allveg sammála þér…. en ég verð að spurja, hvar kemur það framm að þegar varúlfar eru menn þá eru þeir sterkir og með gott liktar skin?….. allaðena kemur það ekki framm í bókunum… er ég allveg viss um…… þú sagðir það í sögunni þinni en ég er allveg viss um að það sé ekki sagt í bókunum svo hvernig vistu?….. ég veit að það er í sumum myndum en ekki í bókunum…<br><br>~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Hæfileiki Voldemorts felst í að skapa sundrung og fjandskap meðal manna. Við getum aðeins barist gegn því með því að sýna styrk okkar í að viðhalda vináttu og trausti okkar á milli.
–Dumbledore

Ég er venjulega ekki sú manneskja sem fríkar út yfir breytingum á söguþræði á milli bóka og mynda. Ég var t.d. fullkomlega sátt við LOTR myndirnar, líka þá parta sem ekki eru eins og bækurnar (nema reyndar endinn en ég lifi í voninni að hann verði bættur í special eddition).
Ég var líka nokkuð sátt við fyrri myndirnar tvær Viskusteininn og Leyniklefann en ég er hreint ekki sátt við þessa mynd.

þú segir 1. gert til að gera byrjunina kúl… það er einmitt vandamálið. Þessi mynd gengur að miklum hluta út á að gera hana kúl sama hvað það kostar. Að mínu mati er borgað of hátt verð með því að fórna söguþræðinum.

2. Vitsugurnar fljúga ekki. Þær eru alltaf á jörðinni, þær líða jú áfram en þær fljúga ekki. Ef þær gætu flogið hefði Sirius ekki getað sloppið burtu á Grágoggi.

3. jú, það var rétt hjá þér, hann hljóp ekki í burtu sjálfviljugur eins og mig minnti. Siriusi tókst að flæma hann burt. Mér fannst engu að síður hann ekki vera nógu úlfslegur að sjá (þó að margir séu ósammála mér en ég vildi hafa hann úlfslegri). Mér fannst þetta atriði bara mjög ótrúverðugt. Allt í lagi að hafa það kannski ekki alveg 100% eins og í bókinni en ég er bara ekki að trúa því að varúlfur myndi sleppa því að éta ungan varnarlausan unglingspilt bara af því að einhver feikaði varúlfsvæl og eins fannst mér mjög ótrúverðugt þegar þau földu sig bak við tréð og hann virtist ekki átta sig á því hvar þau voru.

4. Ok, sammála þetta var mjög mikið smáatriði og skiptir ekki öllu máli. Var bara orðin frekar pirruð (er mjög slæm í baki og átti erfitt með að sitja út myndina og fannst þessi mynd alls ekki þess virði að liggja í rúminu hálfan daginn í dag, það hafði kannski sín áhrif á gagnrýnina ;P) ég skal leyfa þessu að sleppa.

5. Hann sagði hluti á þá leið að Lily hafi verið sú eina sem sá fegurðina í honum, jafnvel þegar hann sá hana ekki sjálfur. Að Lily hafi verið hans besti vinur og hjálpað honum við erfiðleika sem aðrir hefðu ekki vitað af. Ég hélt að James, Sirius og Peter hefðu verið þeir sem hjálpuðu honum hvað mest, en hey… kannski er ég bara að rugla. Það kemur aldrei fram í bókunum að Lily hafi vitað að Remus Lupin hafi verið varúlfur og miðað við það sem við fengum að vita í fimmtu bókinni voru þau ekki einusinni vinir fyrr en í fyrsta lagi á 6. ári. Þarna er verið að senda skilaboð um allt annað en Rowling hefur gefið uppi.

7. Hárið á Lupin er farið að grána vegna þess hve erfið æfi hans hefur verið. Það er ekkert smá álag á líkamann að breytast í varúlf einusinni í mánuði. Öllum áhugamönnum um Harry Potter ber saman um að James og Lily Potter hafi verið fædd í kring um 1960. Mér skilst að þetta hafi komið fram í viðtali við Rowling, en síðan sem flestir vitna í liggur niðri núna svo ég get ekki staðfest þetta fullkomlega. Miðað við það ártal ættu þau að vera í kring um 34 ára. Þú spyrð: “Áttu WB að neita góðum leikurum á þeim forsendum að þeir væru of gamlir til að mömmur gætu slefað yfir þeim?” já, það finnst mér, þeir hafa nú selt sig ódýrara en það. Þeir leyfðu Harry að brjóta eina af mikilvægustu reglunum til að gera kúl byrjun… afhverju ættu þeir ekki að gera þetta fyrir okkur mömmurnar? Auk þess sem mér fannst Remus Lupin ekkert sérstaklega vel leikinn. Alan Rickman aftur á móti finnst mér vera að standa sig mjög vel, en það hefur alltaf pirrað mig að hann er of gamall.
Peter Jackson byrjaði á að ráða of ungann leikara í hlutverk Aragons, góðan leikara. Hann sá samt að aldurinn gekk ekki upp og þess vegna skipti hann um leikara á síðustu stundu. Það er ekki bara einhver einn sem er góður og enginn annar. Hluti af því að vera góður leikari er að passa hlutverki sínu vel. Ég gæti t.d. aldrei leikið fertugan ítalskan karlkyns glímukappa en ég gæti kannski staðið mig ágætlega í að leika 25 ára gamla móður sem er alger tölvunörd.

9. Í bókunum er hundinum Siriusi líkt við bjarndýr. Þessi hundur var allt of væskilslegur til að vera nokkurntíman líkt við bjarndýr. Og hvað var málið með það að láta hann gelta illilega á Harry í byrjun myndarinnar?

Ég segi það enn og aftur, ég varð fyrir miklum vonbrigðum. Ekki út af því að myndin er ekki nákvæmlega eins og bókin, síður en svo. Mér fannst t.d. allt í lagi þó að það væri Harry sem sá Peter Pettigrew á kortinu þó að það hafi aldrei verið í bókinni. Það var bara ágætis leið til að koma mikilvægum upplýsingum til skila.
Það sem mér fannst verst var að myndin segir ekki rétta sögu og getur engan veginn staðið ein án þess að fólk hafi lesið bækurnar. Það er allt of mörgu ósvarað.

Tzipporah