Lol, nei, reyndar ekki svo, hef bara lesið fjórðu bókina þrisvar held, en ég get haft ágætt minni fyrir smáatriðum ef svo ber undir og ég hef velt þessu töluvert fyrir mér.

Já, svo er það náttúrulega möguleiki líka, að Karkaroff sé sá sem Voldemort grunaði að hefði yfirgefið sig fyrir fullt og allt, en Snape sá sem Voldemort taldi of blauðan til að snúa aftur til sín.
Þegar ég hugsa út í það nánar, finnst mér næstum líklegra að það sé þannig. Fyrst fannst mér það ekki geta verið, því að:
Nr.1: Karkaroff sagði til hinna eftir að Voldemort hvarf, svo Voldemort hefði ekki vitað það. Án þess að vita það, hefði hann líklega ekki álitið Karkaroff svikara og þar af leiðandi ekki verðan lífláts.
Nr.2: Við vissum að Karkaroff var of blauður til að snúa aftur, svo að ég dró þá ályktun að Voldemort ætti við hann með þeim ummælum.
Nr.3: Mér fannst líklegra að Voldemort myndi vilja drepa svikara sem gekk til liðs við óvini sína (Snape) heldur en “svikara” sem sendi félaga sína í fangelsi til að geta sjálfur leikið lausum hala (Karkaroff), en hann sagði einmitt að sá sem hefði gegnið úr þjónustu sinni fyrir fullt og allt yrði drepinn.
Nr.4: Voldemort sagði um þann sem hafði verið of blauður til að snúa aftur til hans, að hann myndi gjalda þess. Aftur hélt ég að hann væri að meina Karkaroff, því ég taldi að Voldemort myndi líta það alvarlegri augum ef einhver úr hans liði gengi til liðs við óvini sína og njósnaði um hann fyrir þá, heldur en ef einhver lætur senda annan stuðningsmann hans í varðhald til að halda sér sjálfur þaðan, þar með missti Voldemort bara einn mann en fékk annan í staðinn (það var aðeins einn af þeim drápurum sem Karkaroff sagði til, sem hafði ekki þegar verið tekinn höndum, drepinn, eða sýknaður, en það var Rookwood (sem ég er reyndar ekki viss um að hafi heldur farið til Azkaban, heldur finnst mér líklegt að hann hafi borið því við að hafa látið stjórnast af stýribölvuninni og því haldið frelsinu og, það sem meira er, starfinu í “department of mysteries”)).
Því hélt ég að hann myndi heldur vilja drepa Snape og refsa Karkaroff, en þar yfirsást mér sú staðreynd, að það er ekki víst að hann hafi vitað að Snape væri svikari.
Það er reyndar líklegra að hann hafi einmitt ekki vitað það, fyrst Snape heldur áfram að njósna um hann í lok fjórðu bókarinnar (eins og ég geri ráð fyrir) og snýr aftur á lífi, að ég tali nú ekki um hvað hann aðhefst í fimmtu bókinni.

Mótrökin eru einmitt eftirfarandi:
Nr.1: Það eru ýmsar leiðir til þess að Volemort hafi vitað að Karkaroff sveik málstaðinn. A) Peter Pettigrew dvaldi hjá Weasley fjölskyldunni árum saman í líki rottu og gæti hafa komist að svikum Karkaroffs þaðan, ef þau hafa þá á annað borð vitað um þau. B) Bertha Jorkins gæti hafa vitað það og veitt Voldemort þær upplýsingar, ásamt öðrum mikilvægum upplýsingum. C) Bartemius Crouch yngri gæti hafa komist að því af alvöru Moody, þegar hann veiddi upp úr honum upplýsingar nauðsynlegar til að geta þóst vera hann, það er einmitt frekar líklegt því Moody átti að vita um svik Karkaroffs, því hann var viðstaddur réttarhöldin. D) Enn fremur gæti Voldemort hafa veitt þessar upplýsingar upp úr Barty Crouch eldri, sem sá einmitt um réttarhöldin.
Nr.2: Voldemort vissi náttúrulega ekkert um samtöl Karkaroffs og Snape eða áhyggjur Karkaroffs, svo hann hafði ekki þá ástæðu til að álíta hann huglausan, þó að hann hafi alveg getað látið þau orð falla um Karkaroff af þeirri einföldu ástæðu að Karkaroff var ekki viðstaddur þetta kvöld.
Nr.3 og 4: Ef Voldemort veit ekki að Snape sveik hann og veit af svikum Karkaroffs, þá er líklegra að það sé Karkaroff sem hann vill drepa, en Snape sem hann ætlar að refsa.