… sem…

'Harry Potter and the Half-Blood Prince'.

Eftir smárugling eftir að einhver prakkari bjó til þann orðróm að titillinn væri ‘Harry Potter and the Pillar of Storgé’ sagði JK sannleikann, eins og sjá má á hinni stórskemmtilegu síðu hennar, www.jkrowling.com, þar sem finna má margt skemmtilegt varðandi bækurnar.

Hún sagði jafnframt að ‘The Half-Blood Prince’ væri hvorki Voldemort né Harry, sem bendir til þess að þetta sé nýr karakter. Þessi titill átti víst upprunalega að vera titill bókar 2, en prinsinn góði virðist hafa verið tekinn út og geymdur þar til núna, og nafnið ‘Chamber of Secrets’ kom í staðinn.

JK hefur oft talað um að bók tvö sé lykill að seríunni… það er spurning hvort svarið liggji þar? Ekki getur prinsinn verið Tom Riddle, þar sem hún neitaði að sá konungborni væri Voldemort…

Einnig kemur fram á síðunni að upphaf bókarinnar sé kafli sem hún hafi reynt að troða inn í ‘Philosopher’s Stone', ‘Prisoner of Azkaban’ og ‘Order of the Phoenix’ en hann hafi aldrei passað, en nú muni hann vera. Hún talar einnig annarstaðar á síðunni um opnunarkafla fyrir ‘Philosopher’s Stone' sem höfðu ekki verið notaðir, en þeir voru mismunandi frásagnir af kveldi morðs Pottershjóna. Í einum sjáum við Sirius og Death Eater að nafni Pyrites hittast og tala saman fyrir utan hús þeirra, og í öðrum sér faðir Hermione sprengingu frá eyju sem þá var heimili Potter-fjölskyldunnar (þessu var svo breytt) og róar í átt að eyðileggingunni; og finnur þar lík foreldra Harrys. En það sem ég tel líklegast að sé lausnin sé enn önnur útgáfa þar sem við sjáum Voldemort sjálfan fara inn og drepa Pottershjónin og reyna að drepa Harry… þetta gæti vel gerst vegna sambandsins milli Harrys og Voldemorts.

Dettur einhverjum frekari kenningar í hug?