Nú um helgina leggur ungmennalandslið Íslands, skipað leikmönnum 18 ára og yngri, upp í langferð. Stefnan er sett á heimsmeistaramót sem að þessu sinni er haldið í Peking í Kína. Um er að ræða tæplega þrjátíu manna hóp. Liðið er að þessu sinni í riðli með Tyrkjum, Suður-Afríku, Nýja-Sjálandi, Spánverjum auk heimamanna. Hér vinstra meginn á síðunni má sjá tengil sem er merktur U-18 og á honum munum við reyna eftir fremsta megni að skrifa fréttir af gangi ferðinnar og framgangi okkar manna á ísnum.