bara svona til að vera aðeins með, þá fannst mér nú Viðar bara standa sig ágætlega í þessum leik, ekki nema kannski nokkur atriði sem ég var ekki sammála með eins og er bara oftast ef ekki alltaf.
En mig langar einnig til að benda á að mfl fær þá allavega dómara sem er með dómararéttindi. Mér finnst alveg fáranlegt að til dæmis mfl kvenna fái það ekki, þá er ég að tala um seinasta leik!
Allavega held ég að flestir mfl í flestum íþróttum myndu ekki sætta sig við að dómari sem er að dæma sé ekki með rétt dómararéttindi.

En já svona er þetta auðvitað..lítið land…

Massi minn er það rétt að Snorri hafi verið á leikskýrslu Bjarnarins, Mér þætti gaman að sjá þá skýrslu, ég veit ekki betur en að hann hafi verið settur á blað sem aðstoðarmaður á bekknum. (vatnsberi, liðstjóri) ég veit ekki til þess að þessi regla sem þú ert að vitna í útiloki hann frá dómaramálum og að félagið þurfi að sækja um undanþágu fyrir hann til að dæma í deildinni. Því að hann er ekki þjálfari og ekki leikmaður og hann er ekki foreldri neins í MFL. Var þér sagt þetta eða sástu skýrsluna ??? mér er spurn því að ég er búin að heyra svo margar lygar frá sumum fulltrúum SR-inga nú í vetur að ég er hættur að trúa nokkrum sköpuðum hlut sem Viðar, Gústi og fl.. segja. Það var td gott hjá Gústa að ljúga því til að Gummi BJ hafi verið aðal maðurinn í þessum svo kölluðum slagsmálum fyrir utan ísinn á Akureyri um daginn, það hentaði honum vel þar, alveg eins og þegar hann hoppaði inn á ísinn þegar Helgi lenti í því vera checkaður þannig að það brotnuðu tvær tennur hjá honum. Þá var það Gústi sem rauk í dómara leiksins og sagði honum að það hafi verið Gummi sem gerði þetta og þess vegna var honum hent út af. Menn virðast vera tilbúnir til að ljúga til um allt sem gerist svo lengi sem þeir hagnist vel á því, það er ekki mikið til um sanngirni og sannleika í þessari hreifingu. Og viðrist vanta allan vilja hjá mönnum sem stjórna að reyna að setjast niður og ræða málin niður í kjöl og vinna þetta sport upp á við.

Ég vil líka benda þér á Massi að þessar sögur sem fóru á kreik um það að Snorri hafi verið að öskra á dómarann í þessum leik sem menn eru að tala um er alrangt og var hann einn af fáum sem var salla rólegur og meðal annars var að reyna að róa menn á bekknum, hann var bara að reyna að fá útskýringu á því hvað var verið að dæma á þegar dómari leiksins Snappaði og dæmdi á björninn hverja 2 mín refsinguna á fætur annari eins og hann væri að henda nammi í börn. Dómarinn var búin að missa sjálfan sig í tómt rugl og vissi ekki hvað hann var að gera lengur í þessum leik. Sem dæmi þá endaði leikurinn aldrei, því að það þarf að framkvæma fullt af hlutum í réttri röð þegar svona kemur fyrir.

Eitt enn finnst þér ekki stangast á að formaður sambandsins og formaður dómaranefndarinnar sem er búin að lýsa því yfir við alla í stjórn sambandsins að hann sé þar fulltrúi SR og vinni fyrir þá, sé dómari Narfa ??? ætlar hann kanski að sækja um sem blaðafulltrúi SA eða sækja um hjá Birninum sem Þjálfari ??? er þetta ekki komið út í algjört rugl og er ekki kominn tími til að stöðva svona vitleysu.

Þú segir að kvörtuninn hafi borist seint. Það er ástæða fyrir því, Viðar setti sjálfan sig á leikinn með mjög skömmum fyrirvara og gat björninn því ekki sent kvörtunina fyrr inn. Ekki þó nema að hafa samband við Þórhall miðil og ath hvort að hann sjái ekki fyrir um það hvernig þessum hlutum sé háttað hjá okkur. Það hefur ekki verið mikill tími hjá félögum til að bregðast við neinu í vetur leikjum er hent á með skömmum fyrirvara, dómarar eru settir á leikina rétt fyrir leik, dómurum hefur jafnvel ekki verið tilkynnt um það að þeir séu á leikjum fyrr en sama dag og leikur á að vera. Landsliðið sem á að fara út eftir áramót ??? hvernig er staðan á því, ég veit ekki til þess að það sé búið að velja í liðið hvað þá að velja þjálfara fyrir ferðina og svo má lengi telja….

Það er kominn tími til að gera eitthvað í þessum málum, og þá er ég að tala um öllum málum sem snúa að Íslensku hokkíi. Ég held að Helgi SR yrði góður til að hrista svolldið upp í þessu hann hlustar ekki á neitt rugl og er sanngjarn drengur, og það sem meira er að hann lætur engan draga sig áfram á asna eyrum og lætur heyra í sér. Hann hugsar líka hvað er best fyrir sportið og það er það sem skiptir máli.

Ég hugsa að betra væri að við fengjum okkur öllara saman og skiptumst á sögum í stað þess að eyða löngum tíma í að pikka svona pistla LOL

Það er ekki ætlun mín að móðga neinn með þessum pistli, ef það aftur á móti er málið þá bið ég viðkomadi afsökunar á því en það er nóg komið af óheiðarleika og leiðindum í þessu hjá okkur. Ef menn ala á þessu til lengdar þá verður ekkert hokkí hérna eftir nokkur ár því foreldrar barnanna sem öll félögin eru að reyna að ná til sín hleypa þeim ekki til félaganna.