Tjörnin er í fínu formi ég persónulega ætla að kíkja og vona að sem flestir hokkímenn sjái sér fært að mæta. Mummi ég tek með mér markið (ég SKAL muna það í þetta sinn).

Tekið af heimasíðu Reykjavíkurborgar.

Nýskafið og slétt skautasvell á Reykjavíkurtjörn

Í kuldanum undanfarna daga hefur myndast traustur og sléttur ís á Reykjavíkurtjörn. Svellið hefur dregið til sín töluvert af skautaáhugamönnum undanfarna daga þrátt fyrir mikla kulda og napra vinda. Í dag er veðrið hins vegar mun betra og í morgun var svellið skafið þannig að aðstæður gætu varla verið betri. Sólin skín og það glampar á svellið. Veðurspáin fyrir morgundaginn er svo frekar óhagstæð þannig að þeir sem ætla að skauta á tjörninni ættu að drífa sig strax í dag og nota þennan fallega dag. Við hvetjum alla til að njóta tjarnarinnar í dag því þrátt fyrir allar skautahallir er skautasvellið á Reykjavíkurtjörn alltaf mest spennandi.
<br><br>„We are all in the gutter, but some of us are looking at the stars.“

„Jesus is coming, look busy“