Jæja nú er gaman íslenskt hokkí er að verða óbærilega spennandi.

Tekst þjálfara Akureyringa að vekja þá af Þyrnirósarsvefninum eða munu heitir Bangsar ná að halda íslandsmeisturunum undir sæng???

Gaman gaman, nú eru allir leikir í deildinni nánast úrslitaleikir og skipta allir miklu máli fyrir liðin. Íslandsmeistararnir SA þurfa nauðsynlega að vinna þennan leik til að ná forustu á SR og Björninn þarf líka að vinna til þess að halda í við hin félögin.

Norðanmenn eru núna búnir að tapa tveim leikjum í röð og þurfa á því að hysja upp um sig brækurnar, ja eða bíta í skjaldarrendur. Þeir hafa ekki verið mjög sannfærandi í síðustu tveim leikjum.

Bjarnarmenn unnu síðasta leik á móti SA og vita því að þeir geta þetta, þeir verða alveg óðir eftir rassskellinn frá SR í síðasta leik.

Þetta verður gríðarlega spennandi. Tekst Sigga að vekja sína menn eða verða Zak og Breki búnir að stilla skotin áður en leikurinn hefst???

Ég segi bara: Meira hokkí meira fjör.