Ég fann þennan grip hvorki meira né minna en í kolaportinu sjálfu og ákvað að kaupa hann (þrátt fyrir að maðurinn sem var að selja hann varaði mig við því að hann væri “bilaður”) ég fór með græjuna heim, skipti um reimarnar í græjunni, þreyf hana og lóðaði nokkra víra.

Eina sem er enn bilað í henni er að annar hátalarinn í græjunni er með ónýtum tengjum þannig það er ekki hægt að hlusta á stereo nema þú tengir græjuna í annan búnað og einnig þá telur teljarinn í öfuga átt enn það er bara því ég snéri reiminni öfugt fyrir teljarann.

Annars svo ég kynni græjuna smá, þetta er Siera 9317 sem er eftirlíking af Philips N4407 (og þetta er mjög nákvæm eftir líking). Gaman að segja frá því að inn í græjunni voru teikningar af Philips N4407 græjunni.

Þetta er 2 rása upptöku tæki (með 4 inputum, þar af 2 pre-ampar, en aðeins hægt að taka upp á 2 rásir í einu) 3 hraðastillingar, 2 hausar, hægt að tengja 2 auka hátalara við hana en hún er með 2 innbygða hátalara og 2 VU-mælar.

Í raun má segja að allt með lömpum eða tape-i heillar mig þannig að þessi græja er enn ein viðbótin í safnið.

Maður á eflaust eftir að nota þetta eitthvað í einhverjar skemtilegar upptökur. :)