Ég á orðið töluvert safn af hljóðnemum sem ég hef hirt héðan og þaðan í gegnum tímann sem myndu kannski ekki teljast beinlínis “góðir” en eru alveg vel nothæfir í hitt og þetta, oft fylgdu tildæmis hljóðnemar með stereógræjum eða segulbandstækjum á árum áður, stundum finnur maður svoleiðis í geymslunni hjá foreldrum sínum eða í góða hirðinum.

Í mörg ár tók ég upp kassagítara og söng með hljóðnemum sem fylgdu fermingargræjunum mínumm, upptökurnar hljómuðu býsna vel, ég hef líka notað hljóðnema sem fylgdi gömlu reel to reel segulbandi til að taka upp munnhörpur og sá hljóðnemi er betri en allt annað sem ég hef prófað að nota í munnhörpuupptökur.

Góð regla er að hirða bara alla mæka sem maður finnur og prófa þá tildæmis singstar mæka eða mæka sem fylgja karaokegræjum, ég er með alveg haug af mismunandi þannig hljóðnemum og á bara eftir að skipta um plögga á endanum á sumum þeirra og þá ættu þeir að virka fínt.