Nah, það er líklega rétt að nær ómögulegt sé að pikka upp Mozart eftir eyranu. Það kallast heldur ekki að ráðast á garðinn þar sem hann er lægstur :)

En það sem ég á við er að maður getur lært mjög mikið á fiktinu einu saman og á því að byrja smátt og einfalt, byggja góðan grunn. Alveg eins og ef þú værir að byggja hús, væri ekki gott að flýta sér gegnum grunninn, stefna svo á að byggja rosahátt hús sem stendur svo valt vegna þess hve grunnurinn er óstöðugur, ef þú skilur hvað ég meina.

Ég er kannski enginn píanóleikari, og voðalítið að lesa og spila eftir nótum, en ég get spilað heilmikið bara vegna þess að ég lærði hvar c var og hvar d var og svo framvegis á píanóinu, lærði svo nokkra einfalda hljóma á það og prófaði mig áfram :)

Það er allavega mjög mikilvægt að mínu mati að festast ekki alveg í kennslubókunum þegar það kemur að hljóðfæraleik. Ég þekki td marga fiðluleikara um tvítugt sem byrjuðu kannski 4-5 ára að spila, en hafa bara lært að spila eftir nótum upp úr bók og gætu ekki improvisað eða leikið sér á hljóðfærið til að bjarga lífi sínu ;)