ég á Line6 bassa, hann hljómar mjög vel og ég er mjög kátur með hann, afturámóti hljómar tildæmis alvöru Fender Jazzbassi mun betur að mínu mati en eftirlíkingun sem Line6 bassinn er með og ég er alveg viss um að það sama á við með allar eftirlíkingarnar í Line6 bassanum, hinsvegar er bara alls ekki praktískt fyrir mig að eiga marga mismunandi bassa þar sem ég á ekki ótakmarkað af peningum og hefði hreinlega ekki pláss fyrir marga bassa heima hjá mér.

Mig dauðlangar í Line6 gítar því að þó ég eigi tildæmis Gibson Les Paul sem myndi klárlega hljóma miklu betur en Les Paul eftirlíking úr Line6 gítar þá býður Line6 gítarinn upp á eftirlíkingar af hinu og þessu sem ég á ekki og tekur að auki mun minna pláss en 24 mismunandi hljóðfæri.

Digital tæknin á langt í land með að ná analog tækninni, sæmilegur lampamagnari hljómar mun betur en bestu digital magnarar, það er ein ástæðan fyrir því að lampamagnari er dýrari, eyrun mín segja mér að digitalmagnarar séu komnir kannski 60% af leiðinni í það að ná hljómgæðum lampamagnara en þessi 40% sem upp á vantar eru næg ástæða fyrir mig til að sniðganga line6 magnarana.

Tónastöðin var að selja 150 watta line6 spiderII magnara fyrir 25 þúsund kall þegar spiderIII kom á markaðinn, ég hélt að þetta gætu mögulega verið góð kaup og fór og prófaði svona Line6 magnara og hann var bara alls ekki málið, hann hljómaði einna skást þegar sándið var mjög bjagað en það er sándið sem ég hef minnst not fyrir, ég prófaði lítinn Crate lampamagnara í Tónastöðinni á sama tíma og hann gjörsamlega reykspólaði yfir Line6 magnarann í hljómgæðum.

Það er alveg ástæða fyrir því að Line6 magnarar eru hlutfallslega ódýrari en allt annað en kannski Behringer magnarar, þeir eru bara ekki meira virði en þetta, þetta eru ágætis byrjendamagnarar og henta mögulega þeim sem spila metaltónlist og sækjast eftir mikilli bjögun en fyrir aðra myndi ég alls ekki mæla með þeim, ég myndi ekki einusinni nota svona magnara þótt einhver gæfi mér hann.

Nei, reyndar ekki… en þetta er bara það sem mér finnst.