Tónlistarsköpun er ekki fyrir þá sem nenna ekki að spila. Mitt ráð er að leita þér að öðrum til að stofna hljómsveit með. Það er kannski harkalegt að koma þannig fram við vini sína en ef þeir eru ekki að nenna þessu þá til hvers að gera þetta. Svo er ekki auðvelt að finna hóp af fólki sem vill spila sömu tónlistarstefnuna. Oft þarf maður að beygja sig undir þá staðreynd að mennirnir eru ólíkir innanborðs. Ef ykkur tekst ekki að halda friðinn innan hljómsveitarinnar vegna þessa og gera málamiðlun þá er hún dauðadæmd frá upphafi. Það leiðir bara til þess að sá frekasti tekur völdin og hinir verða óánægðir. Ef þú vilt spila grunge ráðlegg ég þér að leita að einhverjum sem fíla að spila grunge. Það er samt mjög líklegt að þú eigir eftir að þurfa að spila aðrar stefnur í bland. Það er hlutur sem þú verður bara að sætta þig við! Þú verður líka að átta þig á því að flestir flakka milli hljómsveita í byrjun þar til þeir finna sína réttu. Þetta er ekki algilt en búðu þig undir það. Haltu samt í þennan metnað en mundu að þetta er samvinna en ekki einræði. Málamiðlanir eru nauðsynlegar. Ef þú vilt ekki gera málamiðlanir þá legg ég til að þú hefjir sólóferil.

Gangi þér vel
Dojo