Þú berð þetta ekki saman við notaðan bíl… Aldur hljóðfæra skiptir engu máli um söluverðmæti, öllufremur útlit og ástand.

Ekkert að þessu verði ef gítarinn er vel með farinn og í góðu standi.

Bætt við 12. janúar 2008 - 22:09
Bara sem dæmi, þá keypti ég fyrir einhverjum árum síðan Ibanez JEM gítar á 20 þús. kr. Þýðir það þá að allir slíkir gítarar eiga að seljast á því verði bara vegna þess að ég gerði þvílík reyfarakaup á einum slíkum?

Þetta er bara gott dæmi um hvað maður getur verið heppinn og ná að gera góð kaup en ekki einhver regla um endursöluverð.

Þú hefur verið mjög heppinn með söluverð á þessum Godin, það er í raun eina sem þitt comment segir mér.

Ég hef bæði keypt og selt notaða gítara á huga, og les langflesta söluþræði, enda er það inni í “starfslýsingunni” sem stjórnandi hérna að reyna að komast yfir að lesa allt það efni sem hingað kemur inn, og nei ég sé ekki hvað þú átt við.

Gítarar (og flest önnur hljóðfæri) fylgja ekki sömu lögmálum um ferðfall og t.d. raftæki eða bílar. Falla um þessi eðlilegu upprunalegu 20% við fyrstu kaup (enda virðisauki yfirleitt aðeins greiddur af upprunalegum seljanda, nema þá kannski varan fari aftur í sölu gegnum verslun), eftir það er það bara spurning um hversu vel er farið með gripinn. Gætir átt 30 ára gítar sem sem alltaf hefur verið passað uppá og ekki sæist á rispa og fengið þín 80% fyrir hann, jafnvel meira ef um er að ræða merki sem eldist vel, gætir líka verið með illa farinn ársgamlan gítar sem rétt slefar í 50%.

Ef seljandinn væri að fara fram á verð hærra en upprunalegt verð án virðisauka gætirðu rifið kjaft, en þar sem svo er ekki í þessu tilfelli er það besta sem þú getur gert að reyna að prútta verðið niður um sanngjarna upphæð (ef þú á annað borð hefur áhuga).