ekki kaupa gítar í gítarinum þeir eru krapp

Ég keypti nýlega Hohner stálstrengjagítar í Tónabúðinni til að gefa byrjanda. Gítarinn kostaði um 18.000 kr og er ótrúlega góður, hljómar vel, er gott að spila á og helst vel stilltur. Ég tek það fram að ég er búinn að spila á gítar í 19 ár og er gítardellu á háu stigi, og geri miklar kröfur til gítara. Þessi kaup eru líklega þau bestu sem ég hef gert þegar litið er til verðs og gæða.

Ég prófaði gítar í sama verðflokki í Tónastöðinni (man ekki hvaða tegund) og var hann ekki nærri því jafn góður (erfitt að stilla og ekki jafn gott að spila á).

Þetta þýðir samt ekki að Tónabúðin sé bara með frábæra gítara og Tónastöðin með lélega. Gítarar geta verið svo misjafnir þó þeir séu framleiddir í sömu verksmiðjunni sama daginn. Það verða alltaf einhver vel heppnuð eintök og önnur síðri. Maður þarf bara að prófa og finna gott eintak. Það gæti vel verið að næsti 18.000 kr Hohner sé rusl en ég mæli a.m.k. með því að þú tékkir á þeim og skoðir líka í fleiri verslanir (Tónastöðin og Tónabúðin eru með bestu þjónustuna að mínu mati).

Kveðja,

Leak