Actívir bassar eru með lítinn innbyggðan magnara sem magnar upp merkið áður en það fer frá bassanum yfir í aðalmagnarann. Actívir bassar gefa þannig mikla möguleika á að stilla sándið á bassanum sjálfum. Auk þess hafa actívir bassar hærra output en þeir sem eru passívir. Það hentar sérstaklega vel þegar spilað er á tónleikum og ef notuð er löng snúra á milli bassa og magnara því merkið dofnar yfirleitt eitthvað við að fara um snúru. Active stilling á magnara (stundum takki, stundum sér input) virkar yfirleitt þannig að hún minnkar næmni magnarans þannig að ekki verði hætta á að skemma magnarann með því að setja of hátt input inn á hann frá bassanum.