Allavegana þegar ég tek gítarsóló (sem ég spynn oftast samstundis en sem þau ekki fyrir fram), þá byrja ég á að finna hvaða skala ég get notað og spinn svo sólið með nótum úr þeim skala. Oftast getur maður valið um nokkra skala sem hafa allir sinn blæ og þannig getur maður gert sólóið fjölbreyttara og skemmtilegara.

Það eru til margar aðferðir til að læra skala, það er örugglega best að byrja á að fingrasetningu fyrir skalann sem þú ætlar að læra. Þú getur byrjað á því að spila skalann upp og niður alla fingra setninguna (það er ekki vitlaust að nota taktmæli ef maður nennir) svo getur maður æft allskonar “pattern” til dæmis 123 234 345. (1 þýðir fyrsta nóta í skalanum 2 þýðir önnur nóta í skalanum o.s.fr) eða 13 24 35 46 57.

Svo er æskilegt að kunna fleiri en eina fingrasetingnu fyrir hvern skala.

Ég reyni oftast að sjá skalan fyrir mér sjónrænt á fretbordinu.

Það er líka gott að kunna skala ef maður þarf að spila laglínu sem maður hefur aldrei spilað/æft áður. Þá finnur maður í hvaða skala laglínan er og spilar laglínuna einungis með nótum úr þeim skala (ef það kemur fyrir nóta í laglínunni sem er ekki í skalanum þá lærir maður með tímanum að heyra það á laglínunni hvenær hún fer út úr skalanum) þannig er maður fljótari að pikka laglínuna upp.

Svo er líka gott að kunna skala ef maður er að lesa nótur (ef maður kann það). Þá getur maður byrjað á að sjá í hvaða tóntegund stykkið er og svo finnur maður sér viðeigandi fingrasetningu.

Gangi ykkur öllum vel að æfa ykkur.