Ok góð spurning. Sko þegar maður er að æfa í æfingahúsi þá gengur þetta yfirleitt svona fyrir sig. Trommurnar eru hljómmesta náttúrulega hljóðfærið. Gítarinn söngurinn og bassinn eiga ekki séns. Svo að það fyrsta sem þið gerið er að magna þá hluta upp þ.e. gítarmagnari, bassamagnari og söngkerfi, þannig að þeir hlutar séu á sama leveli og trommurnar.

Nr.1 Gítarmagnari, þarf að vera nógu kröftugur (50W magnari yfirleitt nóg) til að þú getir keyrt hann á fullu og gítarinn sé auðheyranlegur.

Nr.2 Bassamagnari, til að magna upp bassann og að hann skíni í gegn. 100W bassamagnari ætti að vera fínt. Annars duga 50W kannski líka. Veit það ekki alveg.

Nr.3 Söngkerfi, það sem þú þarft er mixer, kraftmagnara, og hátalara (hægt að fá hátalara með innbyggðum magnara) og svo monitora ef þú vilt. Allir tónleikastaðir eru með söngkerfi. Þú tengir síðan míkrófón í mixerinn og þá heyrist söngurinn alveg jafnvel og hljóðfærin. Svo er líka gott að tengja hljómborð og svoleiðis í mixerinn og láta hljóðkerfið sjá um það líka.

Nr.4 Ef þú vilt geturðu mækað allt upp og sett í hljóðkerfið. Til þess þarftu stóran mixer með nógu mörgum rásum og nóg af míkrófónum. Þá er einn míkrófónn fyrir sönginn, míkrófónar settir fyrir framan speakerinn á gítar og bassamögnurunum (einn á hvern magnara) og svo nokkrir á trommusettið. Þá heyrist allt draslið í gegnum hljóðkerfið og þá er tilvalið að lækka jafnvel í mögnurunum og vera ekki að yfirkeyra þá (nema þú viljir hafa hljóðið svoleiðis) og jafna allt út í mixernum. Þegar verið er að æfa í litlu æfingaplássi c.a. 15-20 fm þá er þetta ekki nauðsynlegt. Trommurnar sjá oftast um sig sjálfar og góða og kröftuga magnara þarf ekki að mæka upp. Það eina sem þarf að mæka er þá söngurinn. Hins vegar á tónleikum ertu oft með stóran sal og þá er allt mækað upp þannig að á sviðinu heyriði bara úr mögnurum, trommurnar sjálfar og svo úr monitorum. Hljóðmaður stjórnar svo hvernig heyrist út í sal og sér um að allt saman fari vel með eyru áheyrenda.

Sem sagt ef þið eruð að fara að æfa í smá plássi þá er nóg að finna sér eitthvað lítið söngkerfi. Aðalreglan er að allir heyri vel í sjálfum sér og allir heyri vel í hvor öðrum. Það er yfirleitt trommarinn sem er fyrstur til að kvarta undan því.

Svona til frekari fróðleiks um bassa þá eru bassamagnarar ekki alltaf mækaðir upp heldur er notað svokallað direct box þannig að bassinn fer beint í hljóðkerfið en ekki í bassamagnarann og þaðan í hljóðkerfið.

Það dugar ekki að vera með 20W gítarmagnara og 250W bassamagnara og ætlast til að gítarinn geti verið á sama leveli og bassinn. Það sem maður sér oftast eru 100W gítarmagnarar. Það er alveg meira en nóg.

Og til að svara síðustu spurningunni þá eru gítar- og bassaeffektar yfirleitt box sem sitja á gólfinu og eru ræst með því að stíga á takka. (ég efa að þú sért kominn út í rack dæmi ennþá). Allir venjulegir gítar- og bassaeffektar eru með in og out jack. Þú tengir einfaldlega úr gítarnum/bassanum í in og úr out í magnarann og voila.

Það sem ég mæli með fyrir bassaleikara er equalizer. Fyrir gítarleikarana er kannski skemmtilegt að fá sér overdrive og wah pedal eða delay fyrst. Ef þú ert alveg nýr í þessu þá mæli ég með boss sd-1 sem fæst í rín eða electro-harmonix big muff, fuzz effekt sem fæst í tónastöðinni. Fínir effektar til að byrja á. Svo fer þetta allt eftir því hvernig tónlist þið spilið. En mitt ráð er að verða sér úti um góðan gítar og magnara áður en þú ferð að sanka að þér effektum. Það er ekkert spes að eiga fullt af flottum effektum og ömurlegan magnara svo effektarnir fá ekkert að njóta sín.

P.S. Ég er nýkomin úr skólanum og leiðist ógeðslega. En ég vona að þetta hjálpi og endilega spurðu frekar. Kannski fleiri lumi á einhverjum góðum ráðum eða geti leiðrétt eitthvað hjá mér.