Hey Cliff Burton gamli MetallicA bassaleikarinn var geggjaður, tékkiði á Cliff ´Em All og sjáið svalan bassaleikara.

Hér eru engin óefni Dilli (má ég ekki annars kalla þig það krókodill hehe), enda bara umræður í gangi.

Ég skal alveg fúslega viðurkenna að það að vera tæknilega góður á hljóðfæri er spurning um að vera vel æfður og það ættu allir sem áhuga hafa að geta gert. Það er náttúrulega skuldbinding sem tekur mörg ár að fullkomna og því ætti vissulega aldrei að gera eitthvað lítið úr henni (ekki þó að þú hafir eitthvað verið að gera það).

Svo kemur hitt… og það er hæfileikinn að skapa eitthvað, að búa til lög, að semja tónlist, já eða að semja bassalínu við eitthvað lag.

Hér er það sem hinn subjectívi smekkur kemur til sögunnar. Bassalína sem ég fíla, gæti verið eitthvað sem þér finnist ekkert sérstök, alveg óháð því náttúrulega hversu vel hún er framkvæmd tæknilega. Slíkar umræður eru einskik virði, þ.e. það er ekkert voðalega gáfulegt að halda því fram að smekkur eins sé betri en smekkur annars. Lagið sem ég fíla er betra en lagið sem þú fílar!! hehe - Tímasóun.

Þú segir að það sé erfitt að breyta pörtunum hans, því þá hrynji lagið… er það ekki þín subjektífa skoðun á hinu nýja lagi? Gæti hugsast að þú værir einfaldlega búinn að heyra lagið með Queen svo oft að það er erfitt að gera eitthvað nýtt, því eins og er með flest nýtt að þá þarf að venjast því.

Ef að John Deacon hefði upphaflega fundið upp á bassalínu sem hljómaði öðruvísi en sú sem hann fann upp á, jafnvel einhverja sem hljómaði eins og þá sem þú varst að fitla við, gæti þá verið að þú værir að segja nákvæmlega það sama núna?

Þú segir jafnframt:
“Því spyr ég - hver er erfiðleikastuðullinn á því að finna *nákvæmlega* - upp á hár - rétta bassapartinn? Hvernig meturðu það tæknilega? Það er erfitt að blanda saman og gera einhvern absolút ‘besti bassaleikari í heimi’ - skala.”

Ég reyni eftir fremsta megni að skilja að hversu vel ég fíla eitthvað lag og hversu góð mér finnist hljómsveitin vera á bakvið lagið. Hvort að hljómsveit sé góð er í mínum skilningi hugtak yfir það hversu *tónlistarlega góð* hún er, þ.e. hversu (tæknilega) góðir eru hljóðfæraleikararnir, hversu góður er hljómurinn, hversu þétt er hljómsveitin, hversu vel samstillt og þar fram eftir götunum. Málið er nefnilega að ég treysti mér, upp að vissu marki, til að dæma um slíkt fyrir hönd aðra enda eru þessir eiginleikar tæknilegir eiginleikar alveg óháð því hvort að þau lög sem þeir eru að spila séu að gera eitthvað fyrir mig eða ekki. Slíkt er nefnilega smekksatriði og þar sem smekkur manna á tónlist jafnt sem öðru er æði mismunandi og ógerlegt að tala um hafa góðan eða lélegan smekk, eru skoðanir mínar þar að lútandi ekki mikils virði, nema fyrir þá sem þekkja minn smekk og geta þannig e.t.v. fundið einhverjar hliðstæður.

Þannig myndi ég skilgreina það að finna bassapart sem smekksatriði og mjög erfitt að skilgreina einhvern erfiðleikastuðul á því.

Ertu einhverju nær, eða ertu búinn að tapa þræðinum í löngu babbli mínu um hugtök og tónlistarlegt ágæti?

Þorsteinn

Gleymdi að haka við að láta þig vita að ég væri búinn að svara… ignore this…