Undanfarna daga héf ég verið að skoða topplista á youtube og get næstum aldrei verið mjög sammála þeim(enda hlusta þeir líklegast ekki á það sama og ég) þannig að ég ákvað að gera minn eigin lista.

Þetta er aðalega rokk og metall þó nokkrir þarna spila jazz.

Fyrir þá sem eru ósammála sem vilja hafa ákveðin trommuleikara ofar þá er líklegast skýringin fyrir því að ég hef ekki hlustað á hann eins mikið og þið. Og fyrir þá sem vildu fá ákveðinn trommuleikara á listann hef ég 3 ástæður:
1: Fíla hann ekki eins mikið og þið
2: Heyrt lítið eða ekkert í honum
3: Kemur fljótlega eftir.
Og ef það vantar einhver bönd sem trommuleikarinn hefur verið í þá hef ekki hlustað á það nógu mikið.

Svo kem ég með góð lög eða myndbönd sem mér finnst sýna tækni þeirra vel.

So enjoy.


20: Ginger Baker(Cream)
Mjög þéttur og góður trommari með mikil áhrif frá jazzi með blúsrokkinu. Mikill áhrifavaldi hjá mér á yngri árum og einn fyrsti trommuleikarinn sem ég heyrði spila polyrhythmic.
Gott lag: Toad


19: Gene Hoglan(Dark Angel, Death, Dethklok)

Mjög öflugur trommuleikari. Hann spilaði á tveimur bestu Death-plötunum að mínu mati og hefur þar að auki undanfarið verið mjög mikið að vinna sem session-spilari fyrir bönd eins og The old man’s child, Strapping young lad og Daemo. Hann spilar núna með Pitch Black Forecast. Mjög góður, mjög góður trommuleikari.
Gott lag: Crystal Mountain


18: Mitch Mitchell(The Jimi Hendrix Experience)

Án efa einn skemmtilegasti trommuleikari síns tíma. Allir þrír meðlimirnir voru verulega góðir á sín hljóðfæri og var Mitch engin undantekning. Því miður dó hann síðasta nóvember.
R.I.P. Mitch Mitchell. Þín verður sárt saknað.
Gott lag: Fire


17: Dave Lombardo(Slayer)

Besti thrash metal trommuleikari sem ég hef heyrt. Kraftur í manninum er rosalegur. Þegar ég heyrði fyrsta lagið mitt með honum var ég dolfallinn. Ég var nýbyrjaður að spila á trommur og tók strax eftir því að hann var góður. Hef samt aldrei mikið verið að spila lög með honum.
Gott lag: Raining Blood


16: Vinnie Paul(Pantera, Damageplan)

Hvað getur maður sagt? Þéttleikinn er góður hjá trommuleikaranum, bassatrommurnar verulega skemmtilegar og groovið er frábært. Hann og Dimebag eru bestu hljóðfærabræður sem ég veit um.
Gott lag: Becoming


15: Romain Goulon(Disavowed, Necrophagist)

Vá tæknin í manninum er rosaleg. Ótrúlegt hvað hann getur verið rólegur meðan hann er að spila(sjáið bara myndbanið). Það er auðvitað miklu betra að vera rólegur við settið, en miða við hraðann og tæknina getur það verið erfitt.
Hefði verið hærra hefði ég heyrt meira með honum.
Gott myndband:
http://www.youtube.com/watch?v=zdgkzYOYUp0


14: Clive Burr(Iron Maiden)

Ekki sá hraðasti eða tæknilegasti, en sumir taktarnir hans er bara svo verulegagrípandi og eftirminnilegir. Ef Nicko McBrain er settur á einhvern trommulista á youtube kemur nær alltaf Run to the hills(stundum reyndar The Trooper), stúdíoútgáfan en Clive Burr spilaði á þeirri plötu og tveimur öðrum. Mjög góðurn
Góð lög: Running Free, Run to the hills, Tranzilvania


13: Bill Bruford(Yes, King Crimson)

Yes var eitt af fyrstu progböndum heimsins. Trommurnar hjá Bruford eru vel skipulagðar og útlagðar. Yes var þar að auki eitt af fyrstu böndunum til að spila frekar löng lög og sýndi Bruford að hann gat verið vel fjölbreyttur. Hann spilar þar að auki jazz.
Gott lag: Starship Trooper


12: Nicholas Barker(Dimmu Borgir, Cradle of Filth)

Frá því að ég heyrði í honum fyrst hefur hann alltaf verið uppáhalds feiti trommarinn minn. Hann létur þyngdina samt ekki stoppa sig við að vera verulega hraður. Uppáhalds tímabilið mitt með Dimmu Borgir var einmitt þegar hann var í bandinu.
Gott lag: Blessings Upon The Throne Of Tyranny


11: Buddy Rich

Að mati margra besti trommuleikari sögurnar. Ástæðan fyrir því að hann er ekki það ofarlega er því ég hef ekki heyrt mikið í honum. Meðan hann var upp á sitt besta þá er engin spurning að hann sá besti. Frábær jazztrommuleikari. R.I.P.
Gott myndband(Þurfti bara að hafa þetta):
http://www.youtube.com/watch?v=erE8WTngaAY


10: René Creemers og Wim De Vries(The Drumbassadors)

Ég hef bara séð myndbönd með þeim, en vá hvað þetta er flott hjá þeim, hef aldrei neitt þessu líkt. Trommudúett með frábærum töktum og laglínum.
Gott myndband:
http://www.youtube.com/watch?v=9v1IGIiR748


9: Keith Moon(The Who)

Einn áhrifamesti trommuleikarinn minn. Elskaði hvað hann var brjálaður og kom stuði í lögin. Pictures of Lily settið hans er eitt sérstakasta litað flottasta sett sem ég hef séð. Synd að hann dó aðeins 32 ára gamall.
Góð lög: Who are you, Won’t get fooled again


8: Jojo Mayer(Nerve)

Af einhverjum ástæðum sé ég hann næstum aldrei á toplistum á youtube, enda er hann reyndar ekki sá þekktasti. Hægri fóturinn hans er ótrúlega góður og sólóin hans eru með þeim bestu sem ég hef heyrt.
Gott myndband:
http://www.youtube.com/watch?v=Gr8KYnEW-7Y


7: Tony Royster Jr.

Hver hefur ekki séð myndbandið af honum þar sem hann lét alla vera orðlausa þegar hann tók eitt melódískasta sóló sem ég hef heyrt, þegar hann var 12 ÁRA. Síðan þá hefur hann bætt sig á ýmsum sviðum(t.d. moeller technique). Hann á bjarta framtíð fyrir sér, enda er hann aðeins 24 ára.
Góð myndbönd:
http://www.youtube.com/watch?v=WPncumXZExo
http://www.youtube.com/watch?v=oGsd1kiwZ38


6: Neil Peart(Rush)

Á mörgum listum sé ég hann í efsta sæti. Hann er að sjálsögðu góður trommuleikari og mjög proggaður, en ég hef hann samt í 6. sæti. Mjög fjölbreytilegur og frumlegur og þótt sólóin hans séu ekki með þeim bestu, eru þau verulega skemmtileg.
Góð lög: 2112, YYZ


5: Thomas Lang(Session)

Ég hef ekki mikið verið að hlusta á stúdíóplöturnar sem hann hefur spilað á, en þetta er án efa skemmtilegasti trommari sem ég veit um. Alltaf eitthvað að leika sér meðan hann spilar. Og tæknin er frábær.
Góð myndbönd:
http://www.youtube.com/watch?v=UEEtVJRC_4Y&feature=related
http://www.youtube.com/watch?v=r9bFPsVtXgY&feature=related


4: Danny Carey(Tool)

Einn frumlegasti trommari síðari ára IMO. Polyrhythmicið í sumum lögunum og progguðu taktarnir eru frábærir. Notar mjög mikið pákurnar í töktunum. Eina slæma sem ég hef að segja um hann er að hann hefur stundum leiðinlegt snerilhljóð á plötunum.
Gott lag: Lateralus


3: John Henry Bonham(Led Zeppelin)

Eini trommarinn sem hefur alltaf verið einn uppáhalds trommuleikarinn minn. Hann hefur aldrei áður verið svona neðarlega. Stórgóður trommuleikari sem hafði fjölbreytta takta án þess að nota 2 bassatrommur eða doublekicker(Og ég held að það séu 4 trommarar á þessum lista sem eru þannig). Moby Dick er og verður alltaf besta trommusóló EVER þá sérstaklega þessi útgáfa:
http://drummerworld.com/Videos/JohnBonhammobidick.html
R.I.P


2: Mike Portnoy(Dream Theater, Liquid Tension Experiment)

Eftir að ég hlustaði á Images and Word fyrir nokkrum árum fór þessi trommuleikari að heilla mig og er núna með stærstu áhrifavöldunum mínum. Skemmtilegir taktar, góð fill-in og frábært band.
Gott lag: Acid Rain


1: Tomas Haake(Meshuggah)

Það tók mig einhvern tíma að venjast þessum trommuleikara, en sú bið var svo þess virði. Polyrhytminn í lögunum hættir næstum því aldrei(Með undantekningu af fyrstu tveimur plötunum), stórgóðir fætur og fill-in tæknin sem hann notar stundum er frábær.
Góð lög: I, Pravus, Perpetual Black Second

Ég vona að margir séu sammála mér og að þetta hafi verið áhugaverð lesning.

sabbath