Ég held nú að það sé bara persónubundið…
Kannski er einhver rosalega taktviss án neinnar æfingar og bara meðfæddir gítarhæfileikar :D.
Það yrði til dæmis erfiðara fyrir mig að æfa horn en píanó…

Ég er nokkuð viss um að það sé ekkert eitt hljóðfæri sem erfiðast er að spila á. Þau eru
öll erfið að einhverju leyti.

Ég spila á trompet, og þó að ég geti og þurfi bara að spila eina rödd með þremur puttum
þarf ég að blása til þess að búa til tóninn. Það tekur langan tíma að ná góðum tón og
góðri fingra- og tungutækni. Góð samhæfing er lykilatriði.

Gítar er létt hljóðfæri að því leytinu til að ef þú kannt einn dúr og einn moll tónstiga,
þá kanntu þá alla. Þetta er samt aðeins öðruvísi í klassískri gítartækni, held ég. En gít-
arinn er erfiður þegar kemur t.d. að nótunum. Það er hægt að spila eina nótu á svo mörgum
stöðum. Er þetta ekki annars rétt hjá mér? Ég kann nefnilega ekkert á gítar.

Á píanó þarf maður ekki búa til tóninn sjálfur. En hins vegar þarf maður að hafa rosalega
góða fingratækni eins og sjálfsagt á öllum hljóðfærum. Að spila flókinn kontrapúnkt getur
verið alveg hrottalega erfitt. Hendurnar þurfa að vera „sjálfstæðar“. Sama gildir um slag-
verk.

ég spila á gítar og ég get alveg sagt að það taki smá tíma að samhæfa hægri og vinstri hönd. Og sum sólóin krefjast að maður þarf að spila mjög hratt. (hjá sumum gítarleikurum lýtur út fyrir að þeir spili á ljóshraða).
Svo eru allskonar öðruvísi hlutir eins og hammer-ons/pull-offs bending og þannig stuff svoltið strembið

Það er erfitt að segja hvaða hljóðfæri er erfiðast að spila á. Það fer eftir ýmsu… t.d. hversu mikið og erfitt þú ert að spila. Ég held að öll hljóðfæri geta verið skít létt, en líka alveg ótrúlega erfið….

ja ég held að gítarinn sé auðveldastur af þessu trommurnar þar á eftir og svo píanó og hornið erfiðast. Þar sem eg spila á gítar og finnst það nú ekkert svo erfitt nema að það sé um eitthver flókin sóló að ræða þa held eg samt að gítarinn sé auðveldastu

Það er ekkert hægt að segja hvað er erfiðast að spila á það er bara mismunandi
en ég held að það sé ekkert auðveldast að spila á gítar það eru mörg solo alveg þvílíkt hröð og gegt erfitt að spila það

sídu

Ég verða að vera sammála flestum hér og segja að það sé í raun ekki hægt að velja ,,erfiðasta" hljóðfærið, og hvort erfitt sé að spila á eitthvað hljóðfæri er í raun afstætt, því að það fer eftir reynslu og kunnáttu hvers fyrir sig.

Sjálfur spila ég á gítar, og það getur verið auðvelt…en ef maður vill verða virkilega góður þá útheimtir það mikla vinnu, rétt eins og hvert annað hljóðfæri, hvort sem það er horn eða píanó.

Ég æfði á fiðlu og fannst það mjög erfitt en það er kannski bara ég.

Ég mæli með því að allir reyni við fiðlu áður en þeir útnefna “erfiðasta” hljóðfærið.

Annars eru ekki hljóðfærin sem eru erfið, það sem er erfitt er að galdra fram tónlistarhæfileikana ;)

Mér finnst mrekilegt hvað það eru margir sem segja að það sé auðvelt að spila á gítar.
Það er ekkert að marka einhver 5-6 grip sem fólk kann eða dúr og moll tónstiga og þá kanntu bara allt. Það er mjög erfitt að samhæfa hendurnar í að ná upp tækni, úlnliður hægri handar á móti fingrum vinstri handar og sex strengir…..you do the math.

En auðvitað er ekkert hægt að segja hvað sé erfiðasta hljóðfærið. Sumir geta verið píanósnillingar en gersamlega taktlausir á meðan aðrir geta verið gangandi takmælir en gætu ekki flautað lagstúf þó þeir fengu borgað fyrir það.

Það er ekki spurning um að það sé persónubundið, eins og þú segir að systir þín er góða á blásturs en þú á píanó o.fl, sumir er góðir á strengjahljóðfæri, aðrir á áslátturs. Svo er líka sprning hvað maður hefur áhuga á að læra ef maður hefur áhgua á þessu, fer maður að læra á það og leggur sig meira fram við það.

Og aftur er það bara einstaklingsbundið hvaða hljóðfæri er erfiðast, svo eins og fyrir mig t.d. þá kann ég ekkert á píanó, trommur, fiðlu og svoleiðis, kann bara á gítar(eitthvað smá amk :I)
þannig að ég held að það sem er erfiðast fyrir mig er það hlóðfæri sem ég kann ekkert á.

Segir sig nokkurn vegin sjálft. ;I

ég veit ekki. Ég held að það sé mismunandi.
Ég hef æft á fiðlu og píanó og það er bara of ólíkt til þess að bera það saman. Og svo spila ég líka á slagverk í lúðrasveitinni (tabúrínu, kúabjöllu, wood-block, symbala, klukkuspil og þríhorn) en ég held að það sé erfiðast. Kannski af því að ég er að spila með öðrum og er ekkert sérstaklega taktviss. En annars finnst mér auðveldast að spila á píanó af þessum hljóðfærum enda komin lengst á því á svo stuttum tíma!!!!

Að sjálfsögðu er það matsmál hvað er feriðast að spila á en ef maður ætlar að vera góður á hljóðfærið þá er að sjálfsögðu erfiðast að spila á blásturshljóðfæri, sérstaklega brasshljóðfæri.
Tónmyndun er alveg 70% af því að vera góður á hljóðfæri og á piano 6 gítar t.d. getur maður sleppt allri æfingunni í það og einbeitt sér að hinum 30% ;)
Sjálfur spila ég á trompet og gítar og það þarf náttúrulega að halda takti á öll hljóðfæri þannig að það gerir trommur ekki sérstakar. Samt myndi ég segja að erfiða á trommur sé að slá mismunandi takt á sitthvora hönd (eða fót).
Það er eitthvað sem ég get mjög erfiðilega.

Allavega myndi ég segja að hljóðfæri sem þarfnast tónmyndunar séu strembnust að verða góður á.

básúna eða fiðla eða selló eða stöngin(stick) minnir mig að það heiti. annars er það, eins og margir hafa bent á , að það er persónubundið.

ég held etta sé mjög mikið bara hvað hverjum finnst…

Enn ein hljóðfæra umræða sem ekki er um gítar sem breytist í gítar umræðu….
og nei það er ekki auðvelt að spila á gíta

OK. Alveg sleppa því að minnast á strokhljóðfærin. Hnuss! Þar þarf að hlusta VEL!! Bæði á inntónunina og hreinleikann. Passa bogann, passa vinstri hendina, fylgjast með nótunum og einbeita sér að því hvernig maður situr. En ekkert erfiðara en t.d. túba held ég. Æfingin skapar meistarann.
Hibi

Ég mundi giska á fiðulu, selló eða kontrabassa. Allt er þetta bandalaust og á fiðlu og sello er notaður bogi til að knía fram tóna.

Og svo með gítarinn þá eru ekki bara til grip á gítar, gripin eru það auðveldara við gítarinn.

Sko…það er bara staðreynd að erfiðasta hljóðfærið er þríhorn. Til að geta spilað á það þarf maður geggt tóneyra og frábæra taktvissi…

svarið er einfalt the stik það er 12 strengja hljóðfæri sem að það er að spila með báðum höndum ekki ósvipað og píanó en þetta hengur á manni og tónbilin og skalar eru ekki endurtekning eins og á píanó (milli átunda) heldur eins og á gítar svo er mar að gera hammeron og pullof með einni svo það sama með vinstri nema þá er mar að spila bassan miklu fleirri frats en á gítar og mun fleirri strengir svo að þetta er eins og að spila á bassa og gítar samtímis (bókstaflega)

mitt svar er trommmur .það er bókað að .það er erfiðast eða alla vegna með þvi erfiðara sem hægter að spila a eg gafst strax upp maður fæðist með takkt :S:S:S:S:S:S:S

ég held að það hljóti að vera erfitt að spila á hörpu, saxafón og þverflautu. Veit samt ekki þetta er auðvitað út frá því sem ég held, kannski er það auðvelt fyrir einhvern þó svo að mér finnist það líta út fyrir að vera erfitt. Annars verður maður að hafa tilfinningu fyrir hjóðfærinu sínu hvort sem það er piano, rödd, gítar, harpa eða hvað. Röddin getur verið erfitt hljóðfæri, má ekki fá kvef eða svoleiðis þá getur hljóðfærið orðið vanstillt.

EF þessum 4….. pottþétt hornið hin 3 eru öll drullu auðveld hljóðfæri

Stick… frekar flókið…… kannið það á www.stick.com

Engin leið að segja, heimskulegur ágreiningur, nærri því eins vitlaust og að metast um hvaða hljóðfæri hljómi fallegast. Það skiptir engu máli þótt þú notir bara þrjá fingur við horn, eða önnur hljóðfæri, það getur verið alveg eins erfitt og hvað annað.

Sumir hafa betri samhæfingu en aðrir milli útlima og geta því kannski auðveldlega spilað á trommusett/píanó með talsverðri samhæfingu án mikilla vandkvæða.

Það er t.d. örugglega erfiðara að spila sum lög á horn en píanó og öfugt.

Það sem mér finnst hinsvegar píanó og gítar og þess háttar hafa fram yfir t.d. flest blásturshljóðfæri o.þ.h. er að þau eru polítónísk og geta því myndað hljóma og eru í raun hljómsveitir út af fyrir sig. Þó vildi ég nú ekki að heimurinn væri án blásturshljóðfæra…

Erfiðast og erfiðast. Þú þarft að æfa þig til að ná tökum á hljóðfæri sama hvaða hljóðfæri það er og það eru erfið atriði við öll hljóðfæri.
Þetta er eins og að spurja hvort það sé erfiðara að æfa frjálsar eða fótbolta.

Það er heldur ekkert svo erfitt að spila þvergrip á gítar miðað við mörg önnur tæknileg atriði í hljóðfæra leik. Það er miklu erfiðara að en að spila tvígrip eða víbrató á fiðlu.

Það er líka mismunandi hvað maður gerir á hvert hljóðfæri. Það er kannski erfiðara að spila “góða mamma” á horn heldur en píanó en þú spilar heldur aldrei píanókonsert á horn.

Ég spila á blásturshljóðfæri (gettu hvað ?! ;) og er í 7.stigi og svo er ég líka með 4. stig á flautu og saxafón (frá Tónó, ekkert svindl stig) og get spilað eina og hálfa áttund á trompet, kann vinnukonugripin á gítar, get spilað upp í 4. stigs verk á píanó þó ég hafi bara lært í eitt ár, ég á líka fiðlu og kann alveg að spila/ískra lög á hana í nokkurn veginn réttum tónbilum. Þannig að ég hef nokkuð breiðan skilning á þessu og hef oft verið að spá í hvaða hljóðfæri sé erfiðast. Hér er minn listi:

Málmblásturshljóðfæri: Það er auðvelt útaf bara þrem tökkum en margar nótur hafa sama gripið og maður þarf að hafa gríðarlega gott vald á vörunum og að hitta akkúrat á g' en ekki c' eða c“ er alls ekkert auðvelt. En svo er aftur á móti hægt að spila á flest hin brasshljóðfærin ágætlega ef maður kann á trompet.

Tréblásturshljóðfæri: Margir takkar en á td. klarinett lærir maður tólfund, e til b' og þá kann maður næstu c” til c''' en svo verða gripin líka frekar flókin og mismundandi hvaða grip henta eftir hljóðfærinu sem maður er að spila á. Svo er það blaðið sem skiptir öllu máli, það er ekki hægt að spila vel á lélegt blað og oft eru ekk nema 3-4 af tíu sem virka. Á flautu og saxafón er það áttund sem gildir, á saxafón er bara einn takki sem breytir um áttund en á flautu þarf maður að yfirblása og það getur verið erfitt. Óbó er drulluerfitt að geta blásið og fengið fallegan tón, tekur nokkur ár að ná því. Svo við tölum ekki um loftið, það er einna erfiðast að blása því það þarf svo lítið loft en mikinn stuðning og oft er nú grínast með það að allir óbóleikarar séu svona skrítnir því þeir fái loftbólur á heilann því loftið sem þeir anda að sér komist ekki út og fari í hina áttina. Fagott er erfitt sökum þess að þumalputtarnir vinna mestu takkavinnuna og fólk þarf að þjálfa það mjög vel til að ná færni. Svo er auðvitað málið með blaðið, á óbó og fagott þarf maður að smíða blöðin sín sjálfur að mestu leyti og er það mjög flókið að ná góðu blaði og oft er eitt blað gott fyrir staccato en annað gerir fallegan tón og ömurlegt staccato. Og svo er það blokkflautan sem flestir halda að sé bara fyrir forskólakrakkana en nehei. Sumir læra meira og þá getur það orðið mjög erfitt.

Slagverk: Er nú bara eitt það mikilvægasta fyrir hverja hljómsveit með stjórnandanum. Og ímyndið ykkur ábyrgðina að allt liggur á þér varðandi að halda hraðanum og þú berð mesta ábyrgð á ritardando og accelerando og allar hraðabreytingar liggja undir þér. Svo er auðvitað frekar erfitt að gera flókna takta og þyrftu þeir stundum að hafa þrjár hendur til að ná því fram sem tónskáldið vill hafa.

Strengjahljóðfæri: Það er auðvitað erfitt að spila vel og að læra hvar nótan er akkúrat rétt, ekki fölsk og á strengjasveitaæfingum fer mestur tíminn í að hreinsa hljóma. Svo tekur oftast langan tíma að ná að gera vibrato, flestir vilja hreyfa báðar hendurnar en ekki bara aðra.

Píanó: Margir eru þeim misskilningi haldnir að píanó sé mallet, það er að maður ýtir bara á takka og þá komi tónninn. En það er svo ekki satt. Maður þarf að æfa lengi að ná upp færni í báðum höndum, að gera eitt með annarri hendi og annað með hinni, það er ekki eins auðvelt og mætti halda. Að ná fram réttum blæbrigðum er bara býsna erfitt oft og oft eru píanóleikarar að spila margar nótur í einu og þurfa að æfa hvert verk vel, hvaða fingur sé best að nota á hverja nótu og þar fram eftir götunum.

Gítar: Þar finnst mér erfiðast að halda inni strengjunum, öll þessi grip sem teygja á fingrunum og svo þau þar sem maður þarf helst að hafa sex til átta putta.

Bassi: Því miður veit ég ekkert um bassa. Sorrý.

Söngur: Röddin er auðvitað hljóðfæri líka. Þar þarf maður fyrst og fremst að hafa góða rödd, vera lagviss og nú til dags þarf maður að hafa eitthvað nýtt. Flest er til og til þess að verða eitthvað þarf maður að koma með eitthvað nýtt.

Auðveldasta hljóðfærið: Að mínu mati held ég að tölvan sé auðveldasta hljóðfærið. Það getur nefnilega hver sem er keypt sér laimass tónlistarforrit í næstu búð og þóst vera að semja tónlist. Ekki eins margir geta tekið upp hljóðfæri og spilað eitthvað af viti.

Erfiðasta hljóðfærið: Er bara öll hin, ef maður ætlar að verða eitthvað góður þarf maður að hafa þolinmæði og einbeitni og nógan tíma til að æfa sig. Það er hægt að taka upp hvaða hljóðfæri sem er og spila á það ef maður kann nokkurn veginn basic stöffið eða hefur einhverjar leiðbeiningar (gripatöflu fyrir gítar td eða … och jag bækurnar fyrir blásturshljóðfæri)


Svo að mitt svar við hvað sé erfiðasta hljóðfærið að æfa á er bara þau öll !!!

gítar er varla erfiðasta hljóðfærið, þess vegna er hann svona vinsæll. Fiðla er miklu erfiðari. Píanó er samt alls ekki erfiðasta hljóðfærið.

Trompet rúlar ef enhver böggar trompet og segir að það sé erfiðara að spila á gítar er sá hinn sami fíbbl. kann á gítar og trompet trompet 10 x erfiðari

ok það er fleira en þvergrip sem er erfitt á gítarnum,

Ég er að æfa á bæði trommur og píanó og mér finnst sonna svipað erfitt að spila á þetta. á píanói þarf maður alltaf að hitta á réttar nótur og á trommum verður maður að hafa góðann takt í sér (sem ég er með) og geta haldið honum í sirka 3-5 mín ég á t.d. einn frænda sem langar að fara að æfa á trommur en hann hefur prufað að spila á trommur og hann var ekki með neinn takt í sér, hann er 9-10 ára gamall. annað en litlibróðir minn sem er að verða 7 og er að æfa á violu er með helmingi betri takt í sér. semsagt þetta fer kannski eftir hæfileika í því sem maður er góður í því maður á að velja sér eitthvað sem manni finnst passa vel við sig.

Kv steina

Klarinett er erfiðasta hljóðfærið. Það er erfitt að ná tón, það eru allt of margir takkar og nóturnar eru mismunandi eftir áttundum.

Gítar: Þvergripin eru erfið
??vútt?? hvaða hálfviti sem er sem hefur æft á gítar í svona 2mánuði getur gert þvergrip

Annars er ALLS ENGINN leið til að finna út hvað er erfiðasta hljóðfærið

Fagott og túba er þokkalega málið fyrir fólk sem vill vera svalt. Því að spila á það er peace of cake.

það fer rosalega eftir manneskjunni… fólk sem er með langa putta á léttara með að spila á gítar og píanó og fólk með sterk lungu góð á blásturshljóðfæri etc

Það hefur oft verið sagt að þverflauta sé með erfiðustu hljóðfærunum. Þar þarf maður að vera með góð lungu, beita vörunum rétt, halda rétt á hljóðfærinu (þá er ég að meina að vera ekki alltaf að síga niður og þannig, og að vera bara rétt með hendurnar), svo er þetta bara drulluerfitt :S ..spila á þverflautu svo ég veit hvað ég er að tala um..

Allavegana hef ég lesið um þetta og kennarinn minn hefur líka sagt þetta.

Annars er þetta bara mismunandi..

Ég hef sjálf spilað á klarinett í 11 ár (ekki komin með nógu mörg stig í samræmi við það) og get glamrað á píanó ef ég hef nóturnar fyrir framan mig. Ég hef verið í lúðrasveit og það er MJÖG persónubundið hvaða hljóðfæri er erfiðast. Stúlka sem ég var með á tímabili var snillingur á þverflautu eftir tvö ár, með náttúrulega hæfileika býst ég við, en að sjá hana spila á píanó eða trompet var brandari. Hún gat ekkert. Ég ætla ekki að tjá mig mikið um trommuleik en veit að það er erfitt að halda takti fyrir heila hljómsveit.
Það sem mér finnst samt erfiðast er að standa upp á sviði, með píanóleikara ef ég er heppin, fyrir framan fullan sal af fólki og spila eitthvað af Mozart eða Beethoven á réttum hraða eða án þess að klúðra nótu. ´
Það er líka mjög erfitt að stjórna hljómsveit. Maður þarf að fylgjast með mörgu í einu, passa að halda taktinum með prikinu og hlusta á hvort einhver sé falskur. Þetta er flókið og þarfnast mikillar þjálfunar.
Ég get glamrað eitthvað á gítar en hann er ekki fyrir mig né mikið af öðrum strengjahljóðfærum fyrir utan píanó.
(Hvað vissu margir að píanó er samanbland af ásláttar- og strengjahljóðfæri??) :)

Kv. Kata

ég spila á bæði blásturshljóðfæri og píanó og mér finnst mikið erfiðara að spila á blásturshljóðfærið.

Ég er komin með gjörsamlega upp í kok af því að allir halda að píanó sé auðveldasta hljóðfæri í heimi. Sumir halda að þeir séu þvílíkir snillingar ef þeir kunna örfá lög, þá bara með einni hendi. Mér þætti gaman að sjá þá ef þeir þyrftu t.d. bara að lesa nóturnar!!!

Ég hef spilað á bassa í eitt ár og allir halda að það sé rosalega auðvelt. Sumir halda að maður geti bara skellt bassanum á sig í fyrsta skipti og byrjað að rokka…segja: Hvað, þetta eru bara 4 strengir, ekkert mál. Auðvitað eru strengirnir bara fjórir en hægt er að spila hverja nótu á 8 mismunandi vegu (á við 24 banda bassa - 20 banda bassar eru algengir og þá er auðvitað ekki hægt að spila alveg allar nóturnar á 8 vegu). Hálsinn er langur og neðst á honum er langt á milli banda svo maður þarf oft að teygja fingurna vel í sundur til að ná að fretta þar. Auk þess eru strengirnir sverir svo maður þarf að fretta nokkuð fast til að tónarnir hljómi rétt. Allavega fékk ég fyrst blöðrur á fingurgómana á vinstri höndinni (fretthöndin) sem svo breyttust í sigg sem er fínt því það auðveldar mér að fretta. Svo er bara nokkuð mikil tækni að spila á bassa svo vel sé og oft þarf maður að spila mjög hratt. Svo þarf maður auðvitað að halda takti og halda laginu gangandi. Síðan er allskyns tækni við að plokka strengina, bæði laust og mjúklega og síðan fast og harkalega, nota nögl og slamma. Allt þetta gefur mismunandi sánd. Síðan er líka hægt að fretta með pull off og hammer on auk fleiri aðferða. Til að hljómi vel þá þarf auðvitað að passa að hreyfa bara strenginn sem verið er að nota, ýmist eru hinir strengirnir mjútaðir með fretthöndinni eða plokkhöndinni. Þetta getur oft verið erfitt þegar spilað er hratt og skipta þarf oft á milli strengja. Bassinn er í grunninn kannski ekki flókið hljóðfæri en það krefst mikillar tækni að spila á hann svo vel sé og til að nýta alla möguleikana sem hann býður upp á.

“Slagverk: Haldatakti.co.uk Það er ógeðslega erfitt að halda takti á bassatrommu, kúabjöllu eða tambúrínu. Þú ert kannski að gera það saman í 50-100 takta og það er ei skemmtilegt. Þú getur hægt á allri hljómsveitinni! ekki sniðugt:Z”

það er best að verða ekkert psyched out og taka þessu bara rólega og einbeita sér.

ég segji að það sé Harmonikka sem að er erfiðast að spila á… ég hef lært á þónokkuð hljóðfæri…. Píanó.. gítar, trommur, bassa, túbu flautu og fleiri ásamt harmonikku og það hefur verið erfiðast fyrir mig.. veit ekki með aðra