Að fara í hóptíma er bara bull. Annars er ekkert að því að læra sjálfur, þekki nokkra sjálfmenntaða gítarleikara og eru þeir allir mjög góðir og eru í raun skemmtilegri en lærðir gítarleikarar.
Svo eru líka nokkrir af bestu gítarleikrum heimsins sjálfmenntaðir t.d. Eric Clapton, Jimi Hendrix, Mark Knopfler og fl.

Þegar ég var að læra á bassa var þetta mjög frjálst, þetta var ekki í gegnum skóla heldur mætti ég bara heim til kennarans og ég gat mætt eftir samkomulagi við kennarann. Þægilegt og ekkert rosalega dýrt, minnir 25 þús. Annars er ég mest sjálfmenntaður.

Tja.. Ef þú ert að tala um rafmagnsgítar þá virkar sjálfmenntun. Maður getur farið á netið og fundið töb, keypt sér bækur, gripabók o.s.frv.

Klassíski gítarinn er hins vegar annað mál. Það er mun meiri tími sem fer í hann heldur en rafmagns.

Ef ég væri þú myndi ég hætta að leita að þessum hópnámskeiðum. Hef heyrt að það virki ekki sem skyldi. Einbeita mér bara að því að læra sjálfur ;)

Gangi þér vel.

Vinur minn sagði að það væri góður gítaR kennari einhverstaðar í Árbæ. Hann heitir Sigurjón eða Grjóni eða blabla og er víst geggað góður..veit ekki meira

hehe… þú ættir bara að flytja út á land :)
ég bý á Neskaupstað og þar er alveg frábær gítarkennari. 2 tímar(einkatímar) í viku frá september til júní og það er hægt að byrja nám í september eða janúar og ef maður er ekki í bænum á þeim tíma er því bara reddað(en ekki oft sem maður kemst inn í janúar því það er oftast fullt)
og svo kostar þetta ekki nema svona 12.000 frá september til jóla!(24.000 alveg til júní)

fara bara í GSÍ… ég er á 3.námskeiðinu mínu þar, og þar eru hvah.. 18 einkatímar að ég held á 30þús.
Ég er helvíti sáttur þar, og Magnús sem kennir mér er algjör snillingur :)

Ég er á 12 vikna námskeiði hjá GÍS - 1 kennslustund(40 mínútur) á viku, u.þ.b. 36þús ef ég man rétt. Einkatímar sko. Þeir eru ekki alveg jafn fastir í forminu og hefðbundnir tónlistarskólar svo þú gætir þurft örlítið meiri sjálfsaga en annars. Annars þykir mér þetta mjög fínt. Mjög vinsælir tímar. Ég er annars sammála þér í því að það mætti alveg hafa þetta á öðrum tímum líka, þ.e. sumarnámskeið.

Annað sem getur verið mjög sniðugt er að finna þér einhverjar gítarspólur(kennsluspólur), þá geturðu fengið einhverja sýnikennslu, sem er mjög hentugt, og kannski einn helsti kostur þess að vera í gítartímum. Þú getur líka fengið mjög góðar ókeypis gítarlexíur fyrir byrjendur á http://www.marshallamps.com - extras eða eitthvað þannig, nenni ekki að leita að þessu. Ég byrjaði bara með þessi blöð.

Ekki veit ég hvaða þú færð þessar tölur en það er greinilegt að þú hefur ekki talað við GÍS.

Ég er búinn að spila í 15 ár og er alveg ágætlega góður, skellti mér í einkatíma hjá GÍS núna í febrúar og það kostaði mig 32.000.
2x í viku og hjá meiriháttar kennara og er að læra alveg ótrúlega skemtilega hluti.

Mæli með þeim

ég skal taka þig í tíma í rafmagns/classic fyrir 500kall tímann bara ekkert mál ..:D

Mér finnst ótrúlegt að fólk hér sé virkilega að reyna að halda því fram að það sé jafnvel betra að fara ekki í tónlistarskóla. Læra bara sjálfur. Ég er ekki í menntaskóla. Ég er bara geðveikt mikið á Google.com að leita að “highschool learnig material” Og tel mig nú vera kominn á háskólastig. Eru þið einfaldir? Þó þið hafið ekki farið í tónlistarskóla og kunnið töb eða jafnvel nokkrar nótur er ekki þar með sagt að það sé eithvað verra. Þetta er virkilega hemiskulegt álit. Þú HLÝTUR að læra meira á því að fara til einhvers tvisvar í viku sem kann allt batteríið og æfa þig sjálfur þess á milli heldur en að gera það bara sjálfur. Leiðrétta og lagfæra.Er það ekki gjörsamlega augljóst?

Þú ferð ekki í hóptíma með fullt af öðrum gaurum hjá GÍS, það er svoleiðis hjá honum Ólafi Gauk. Þar veit ég ekkert hvað einkatímarnir kosta, en það gæti vel verið að þeir kosti um 50 þús.

Aftur á móti mæli ég með GÍS, þar eru fyrst og fremst einkatímar en svo getur maður alveg farið með vini sínum í það ef maður vill.

Ég er búinn að spila á gítar ú 3/4 úr ári, byrjaði í lok síðasta sumars, og ég tel það hafa skilað góðum árangri. Þekki 2 gaura sem hafa æft á gítar (s.s. farið í tíma) í 4 ár, og ég er talsvert betri en þeir. Ekki það, ég væri alveg til í að fara og læra hljómfræðina í þessu (hvað sem þetta er nú kallað) því þegar maður hlustar á einhverja spekinga spjalla um gítara og og lög, þá koma alltaf raðir af orðum sem ég botna ekkert í :S. Líka bara gott að kunna það uppá þekkingu og skilning á gítarnum :).

mér finnst nú bara hálf-nauðsynlegt að fara í kennslu… þar lærir maður tónstiga, grip, tæknir og bara hvað sem er! þetta þarf ekkert endilega að vera nám á klassískum gítar. reyndar er klassískur gítar og rafmagns ekki mjög ólíkir. breiðari háls og sverari strengir(oftast) á kassagítar en annars mæli ég með því að byrja á gítar með sverum strengjum og fara í nám. það styrkir puttana betur að vera með svera strengi. Það er líka mikklu betra að kunna tónstigana því að sóló og öll lög eru byggð á tónstigum svo það er mikklu léttara að picka upp.

Ég æfi á gítar í tónskóla…kostar held ég 70 þús veturinn 2x í viku 30 mín og einn tónfræðitími.

Ég á heima á Höfn og það er ekkert mál að læra á gítar hér. Það eru eiginlega engir hóptímar nema maður biðji um það. Ég veit ekki nákvæmlega hvað þetta kostar en það er ekki mikið. Það er líka örugglega hægt að biðja um að birja á sérstökum tíma.

Ég þekki gítarleikara sem er búinn að læra lengi á gítar og kominn á 6 stig held ég. Hann er geðveikt góður. Hann er betri en annar maður sem lærði sjálfur og er búinn að spila miklu lengur.
Það er ekkert betra að læra sjálfur!

Þeir sem vilja fá almennilega kennslu ættu bara að fara í skóla úti á landi.

Það sem maður lærir í gítartímum getur verið mjög hjálpsamt, t.d. að kunna muninn á hljómum og getað auðveldlega breytt þeim. Tónheyrn er mjög góð til að hafa og það er hægt að fara í tíma fyrir það.

En til þess að komast í tíma er það fyrsta sem þú þarft að gera er auðvitað að hætta þessari íþróttavitleysu.
Þá ertu kominn með tíma sem þú getur notað í að vinna og að fara í gítartíma. ;)

Djös bull… ég fór á einka námskeið hjá GÍS og það kostaði eikkað 26-28 þúsund kr.

Hæ
Takk fyrir góða grein. Ég er líka eitthvað að glamra á gítar eftir eyranu án aðstoðar og gengur það bara vel. Enda hefði ég ekki tíma til þess að mæta í kennslu. En ef að þér finnast gítartímar dýrir get ég sagt þér að það kostar 90.000 kall árið í classískum hljóðfærum í mínum skóla. KLst. á viku í einkatíma hjá (yfirleitt) mjög góðum kennara, klst. og korter í strengjahljómsveit og klst. í raftónlist. Ekki finnst mér þa ðsvo dýrt, miðað við að ALLIR kennararnir hafa verið í endalaust löngu námi og verða nattla að fá sitt kaup. Sem er reynar glatað lágt.
Kv Hibi

Sko ég þekki einn besta gítarleikara í norður evrópu og hann heitir Kristinn Árnason minnir mig eða eitthvað, kallaður Kiddi og hann kennir í tónlistaskóla kópavogs, hann er ótrúlega hógvær og góður maður, ef hann nennti þá væri hann heimsfrægur. en já farðu endilega og tékkaðu á tímunum hjá honum, ég var hjá honum í 4 ár í klassísku námi og hann kenndi mér allt sem ég kann.

mæli með því að fara í gís. lærði grunninn þar og fór síðan aftur ári seinna í rafmagnsgítarnám og ég sé ekki eftir að hafa borgað 30þ á önnina

Ég er nú örugglega dálítið seinn að svara þessu en það verður að hafa það… here goes…

Ég hef verið að kenna á rafmagnsgítar í nokkur ár og hér eru nokkrir punktar sem að ég vill að komi fram í andsvari við þá sem telja að hægt sé að gera þetta bara allt sjálfur:

- Að læra að spila á gítar með því að skoða bara TAB kemur þér einungis illa til lengri tíma litið. Það er staðreynd og þið getið úthúðað mig eins og þið viljið varðandi þennan punkt. Ég hef séð of mörg dæmi um stráka sem koma í fyrsta tímann og við byrjum á að renna yfir skalana sem þeir segjast kunna. Þeir kunna kannski skalann en hins vegar er öll tæknin hjá þeim nær alltaf í tómu tjóni. Þeir gleymdu að hugsa um hægri hendina (pikkhendina) meðan þeir voru að læra alla skalana. Undantekningalaust fara fyrstu tímarnir hjá þessum strákum í að venja þá af vondum siðum sem þeir hafa tileinkað sér og athugið nú, EKKI af því að þeir eru vondir gítarleikar eða hafa ekki möguleikann á því að verða góðir, heldur af því að þeir vissu ekki að þetta ætti að vera einhvern veginn öðruvísi.

- Að læra tónlist með því að lesa bara af TABi, leiðir oftast til þess að menn verða háðir því og kunna ekkert að hlusta á hvað þeir eru að spila. Nema að þú hafir einstak tóneyra, þá ertu búinn að takmarka möguleika þína um allmikið að óþörfu.
Að verða háður því að lesa tónlist getur líka gerst hjá tónlistarmönnum sem læra nótur. Munurinn á nótum og TABi er hins vegar sá að nóturnar eru svo miklu innihaldsríkara kerfi sem segir þér nær allt sem þú þarft að vita. Nema hvernig tilfinningin á að vera. Hún kemur einungis með því að spila og hlusta og spila og hlusta. Sem dæmi veit ég um fjöldan allan af vel menntuðum klassískum tónlistarmönnum sem gætu varla spilað Gamla Nóa án þess að hafa það á blaði. Í klassík er áherslan nefnilega oft of mikil á fræðin en ekki á tónlistina sjálfa.
Þá hef ég séð í tímum hjá mér fjölmörg dæmi um að menn geti spilað af blaði í tímum og síðan þegar við ætlum að gera eitthvað sem er bein afleiðing tónlistarlega af því sem við vorum að læra, þá sést að lítið hefur lærst og vil ég kenna TABinu um það. TAB er leiðindarhækja sem enginn ætti að treysta á.

- Af hverju glósa engir nemendur í gítartíma? Ég veit að ég er að rekja uppúr mér gullmola í tímunum sem nemandinn ætti að safna til sín í stóran haug og gæta með lífi sínu!! Jafnvel þó að ég tali um það við nemendur, hvort að það væri nú ekki sniðug hugmynd að glósa, er enginn sem gerir það. Mér finnst það alltaf jafn magnað. Síðan þarf ég að endurtaka mig aftur og aftur. Glósið og farið reglulega yfir þær.

- Tónheyrn er stærsti hlutinn af því að vera tónlistarmaður. Að læra á hljóðfærið þitt er bara viðkomustaður þar til þú getur tjáð þig óhindrað með tónlist. Hins vegar eru ekki allir gæddir jafn miklum hæfileikum á því sviðinu, þ.e.a.s í tónheyrninni. Þá er hins vegar hægt að þjálfa. Því fyrr sem menn byrja á því, því betra. Það er einungis í undantekningartilfellum sem að einhver getur gert það á eigin spýtur. Það þarf næstum alltaf að ýta mönnum af stað og KENNA ÞEIM AÐ HLUSTA. Sá sem ætlar sér að vera tónlistarmaður en nýtir sér ekki þennan stökkpall er kjáni að mínu viti.
- Ég er sammála því að hóptímar eru ekki heppilegasta formið til að læra. Jafnvel þó að nemendur séu bara tveir, er strax komin samkeppni um athygli kennarans sem að leiðir til ýmissa vandkvæða. Einkatímar eru málið.

Minn punktur, ef hann skyldi ekki hafa komist til skila, er s.s. þessi: Í 99% tilfella þarf fólk á hjálp að halda er kemur að því að læra tónlist. Það eru til fjölmargar leiðir til þess að gera hlutina, margar af þeim eru réttar og enn fleiri eru rangar. Þú getur verið að gera rétt á einu sviði en kolvitlaust á öðru. Að mínu viti er það óskynsemi að fá ekki mann til þess að beina manni á rétta braut, bæði hvað varðar tæknilegu hliðarnar (því þær skipta jú mjög miklu máli) og tónlistarlegur hliðina.

Ég vona að ég hafi náð að varpa einhverju ljósi á muninn á því að læra hjá kennara eða að gera þetta bara sjálfur. Að minni reynslu er ekki hægt að líkja þessu saman. Kennsla á alltaf eftir að skila meiri árangri.

Auðvitað eru til undantekningar sem oft eru kallaðir undrabörn en varla væri mikið tekið eftir þeim ef við værum öll þannig.

Gangi öllum sem best…
goddog