cs-arar!

GGRN hefur alltaf, frá fyrstu tíð, barist gegn svindlum og má m.a. benda á NeF-Busterinn góða í því sambandi. Og má gjarnan ítreka, hér við þetta tækifæri, á þessari hátíðlegu stund, að klanið fordæmir svindl og ódrengilegan leik.

Nú hefur Zlave, sá virti cs-virtúós, tekið upp fánann og er það vel. Því hefur herráð GGRN ákveðið að sæma hann GGRN orðunni “Gullni haninn”. Hún er veitt fyrir upphafningu GGRN á heimsvísu og útbreiðslu hugsjónanna. Með þessari orðu fylgir sá réttur að setja stjörnu aftan við nafn sitt þannig að allir megi kenna að þar fer drengskaparmaður. Eini maðurinn sem hefur verið sæmdur þessari orðu er sjálfur Memnoch* og ekki óraði okkur fyrir því að einhver kynni að feta í fótspor hans. En sú er sem sagt raunin.

Til hamingju Zlave*!

Der Rooster