Ágætu counterstrikerar!

Enn og aftur tekur GGRN á þjóðþrifamáli því klanið hyggst á næstunni birta lista yfir klanhórur á Íslandi. Tilefnið er að nú um stundir eru miklar hreyfingar á cs-leikmönnum og renneríið milli klana er slíkt að menn ná vart að fylgjast með. Í sjálfu sér er ekkert við því að segja þó að menn vilji breyta til og reyna fyrir sér á nýjum slóðum. En því miður hefur þróunin orðið sú að hin stóru klön gleypa hæfileikaríka leikmenn með gylliboðum (engin nöfn nefnd en fyrsti stafurinn byrjar á ccp|, já og Love og auðvitað NeF). Ýmsir hafa orðið til að benda á að þessi þróun komi niður á heilbrigðri samkeppni og hafi þannig skaðleg áhrif á cs-heiminn íslenska. Hugtök á borð við stöðuglyndi og tryggð við uppruna sinn virðist ekki vera klanhórum ofarlega í huga.

Áður en lengra er haldið er rétt að glugga í Orðsifjafræði Fidels og skoða nánar hvað orðið klanhóra stendur fyrir:

“klanhóra: Óstaðfastur. Hugtak sem ekki skiptir miklu máli í leiknum sem slíkum en er afar mikilvægt í öllum ytri samskiptum. Er hér vísað til þeirra leikmanna sem skipta um klan oftar en sæmilegt þykir. Þykja K. óvirðingaverðar persónur og eru jafnvel, þegar hitnar í kolum, úthrópaðir. Þumalputtareglan er sú að ef menn hafa verið í þremur starfandi klönum innan árs, teljast þeir K. Reyndar hafa fyrrum félagar rétt á að kalla mann K ef hann hefur yfirgefið klan sitt sviplega. Orðið er stundum notað frjálslega vilji menn móðga enda er þetta stimpill sem enginn vill að festist við sig. Newbiear þurfa ekki að hafa miklar áhyggjur af þessu hugtaki, því það getur tæplega átt við þá eðli málsins samkvæmt.”

Einsog áður sagði hyggst GGRN birta klanhórulista sinn á heimasíðunni (www.ggrn.org) því einsog Megas sagði: “Til þess eru vítin, að vita um þau, til þess að geta varast þau.” GGRN sækist eftir þátttöku allra cs-spilara til að listinn verði sem ítarlegastur. Þeir sem vilja benda á klanhóru sendi tilnefningu á klanhorur@ggrn.org ásamt upplýsingum um í hvaða klönum viðkomandi hóra hefur verið í (örstutt sögulegt ágrip) og ekki væri verra ef mynd fylgdi. Þá munum við birta tilefninguna undirritaða af þeim sem var svo stéttvís og snar að benda á viðkomandi.

Með fyrirfram þökk og tökum nú höndum saman,

- Roosterinn