Copu/paste

Er Erpur Eyvindarson Steinn Steinarr nútímans?
8. Mars 2002

Miðað við hvaða grein hegningarlaganna hann hefur verið kærður fyrir að brjóta þá virðist svo vera, Erpur hefur verið kærður fyrir að smána Bandaríkin með tilvísun í sömu (eða svipaða) grein og Steinn var dæmdur fyrir að brjóta þegar hann svívirta hakakrossfána í félagi við nokkra menn, Erpur fleygði hins vegar bensínsprengju á bandaríska sendiráðið. Ekki alveg sambærilegt, kannski að Erpur verði jafn heppinn og Steinn sem þurfti ekki að fara í fangelsi þó dómurinn hefði kveðið á um það.

Félagar Erps ættu samt að vera hræddari þar sem félagar Steins þurftu víst að stija af sér dóminn.

95. grein almennra hegningarlaga:

[Hver, sem opinberlega smánar erlenda þjóð eða erlent ríki, æðsta ráðamann, þjóðhöfðingja þess, fána þess eða annað viðurkennt þjóðarmerki, fána Sameinuðu þjóðanna eða fána Evrópuráðs, skal sæta sektum [eða fangelsi allt að 2 árum. Nú eru sakir miklar og varðar brot þá fangelsi allt að 6 árum.]1)]2)

[Sömu refsingu skal hver sá sæta, sem smánar opinberlega eða hefur annars í frammi skammaryrði, aðrar móðganir í orðum eða athöfnum, eða ærumeiðandi aðdróttanir við aðra starfsmenn erlends ríkis, sem staddir eru hér á landi.]

(- tekið af Vísi, tek það fram þó þeir hafi líklega bara tekið þetta beint upp úr lögunum)

Mig minnir nú að það hafi verið einhvern tímann verið talað um að kæra Jónas Kristjánsson fyrir að svívirða Jeltsín, kalla hann fyllibyttu eða eitthvað álíka. Ég skil nú ekki hvað rök eru fyrir því að kæra þá félaga fyrir að smána Bandaríkin, ef það á að gera eitthvað þá að fara heiðarlegu leiðina og kæra þá fyrir skemmdarverk og jafnvel fyrir að stefna lífum í hættu, þessi leið er bara kjánaleg.

Hve illa sem mér er við Bandaríkin þá finnst mér einfaldlega ekki réttlætanlegt hjá Erp og félögum að nota svona aðferðir gegn fólki sem hefur ekki (svo ég viti) komið á neinn hátt nálægt stefnumótum Bandaríkjanna. Erpur er enginn Steinn Steinarr þó hann sé kærður á svipuðum forsendum. Hann hefði kannski átt að beina spjótum sínum að fána Bandaríkjanna í anda Steins. Skyrsletta er líka góð og gild íslensk mótmælaaðferð og það hefði verið meira viðeigandi. Erpur hefði samt líklega átt að halda við það sem hann gerir best, að afhjúpa fólk í þætti sínum með því að láta eins og bjáni, það hefði nú verið snjallara á allann hátt.