Leifur Jónsson a.k.a. Mc Crazy In Head fæddist þriðjudaginn 26. Janúar 1982 á Sjúkrahúsi Akraness, klukkan 10:50. Þá orgaði hann sitt fyrsta lag, lag lífsins svokallað.

Einkenndist þetta líf einfarans af mikilli sálarangist og harðri baráttu framan af. Sérstaklega sú barátta sem byrjaði undir lok seinasta áratugar, seinasta árþúsunds(um 1997). En sú barátta snérist um að halda á lofti “merki” sínu sem einstaklingur og frumkvöðull í sinni hugsjón um líf sitt og list.

Fyrstu sterku spor sín sem listamaður steig hann um haustið 2000 sem trymbill með hljómsveit sinni Búnaðarbanki Íslands í undankeppni fyrir hæfileikafólk í Fjölbrautaskóla Vesturlands á Akranesi. Því miður komust þeir ekki áfram og Leifur glataði hugsjón sinni og sköpunarkrafti algerlega í heilt ár, sökum vonbrigða í þessarri undankeppni. Leifur gerðist Hr. Vesturland árið 2000 og olli mörgu fólki í kringum sig vonbrigðum með því að glata sérstæði sínu sem listamaður og gerast tímabundinn andlaus aumingi og glimmerdrazl. Verður ekki tíundað meira um þetta mislukkaða tímabil í ævi listamannsins.

Ári síðar(2001) tókst félögum hans í Búnaðarbanka Íslands; þeim Ásgeiri Helga Reykfjörð Gylfasyni, a.k.a. Mc SmokeBay; Jóhanni Steinari Guðmundssyni, a.k.a. Mc Jury Stein; Einari Kristleifi Einarssyni, a.k.a. Mc Once-Twice-Slice-Dice; Jóni Frímannssyni, a.k.a. Mc Mythical God of Free, að sannfæra Leif(Mc Crazy In Head) vin sinn um að snúa aftur til baka og koma einhverju í verk með hljómsveit sinni. Tókst þeim að sannfæra drenginn á sitt band og tóku þeir til við að æfa af kappi. Nú var Leifur búinn að leggja allan trommuleik á hilluna og sá um alla prógrammeringu fyrir Búnaðarbanka Íslands og naut þar við dyggilegs stuðnings Jóns Frímannssonar.

Tóku þeir að þessu sinni þátt í hæfileikakeppninni með ágætis árangri. Náðu 4. sæti á eftir hræðilegu rapphljómsveitinni BusBoys(Rútufaggar), sem var með öllu eiginlega óskiljanlegt. Hinsvegar náðu Búnaðarbanki Íslands að stúta Rútudrengjum fyrir stemmningu salarins og lentu þar í 2. sæti, enda hafa meðlimir Búnaðarbanka Íslands alltaf verið þekktir fyrir að halda “Merki” sínu hátt á lofti og ötulir að ganga hart að fólki sem sótt hefur að þeim í gegnum tíðina.

Þó Búnaðarbanki Íslands hafi ekki fengið neinar medalíur að þá gerðu þeir myndband fyrir unglingaþáttinn At(@) sem sýndur var um skeið í Ríkissjónvarpinu og vakti mikla lukku, og aflaði Búnaðarbanka Íslands mikillar virðingar og símanúmera víðsvegar um hið stóra höfuðborgarsvæði.

Einnig hituðu tveir meðlimir Búnaðarbanka Íslands(Mc Mythical God of Free og Mc Crazy In Head) upp fyrir Bæjarins Bestu á hip-hop kvöldi í FB og má þar með sanni segja að þeir hafi fest nafn sitt til eilífðar á kort íslensks hip-hops.

Leifur vinnur dag og nótt við skipulagningu á endurkomu Búnaðarbanka Íslands innan íslensks tónlistarlífs. Ekki má gleyma að geta þess að hann er með sítt að aftan!