Sko, málið er að hestar geta lyft alveg hrikalega þegar þeir þurfa að ná yfir eitthvað, t.d. eins og þú segir, snjóskafl eða eitthvað. Aftur á móti þá er þetta ekki þeirra eðlis fótaburður og þú gæti aldrei þjálfað hestinn í þetta mikinn fótaburð nema þú bara með þungum hlífum í mesta lagi. En aftur á móti eru til margar góðar æfingar sem í raun auka fótaburð í mörgum hrossum og það er t.d. sniðgangur, einnig getur þú látið hestinn tölta á hringnum og látið hann víkja undan fæti út úr hringnum á tölti og einni og feti. Þessar æfingar losa mikið um hestinn. Einnig getur þú verið dugleg að hleypa honum upp á hægra og vinstra stökk, það losar um bógana á hestinum. Því lausari í bógum, því léttari og hágengari yfirleitt.

Byrjaðu á því að kenna hestinum vel að sleppa taumnum á feti, ríddu honum svo upp í brokk með taumsambandið á, ef hann töltir bara þá skaltu byrja brokkið með slökum taum. Það sem þú þarft þá að gera er að kvetja hestinn áfram án þess að hleypa honum hraðar (passa bara að hann missi ekki jafnvægið og fari að tölta). Ef það gengur ekki er aðal málið að hamla hestinum, ríða honum á hægu brokki og gefa honum örlítinn þrýsting á hægri og vinstri sitt á kvað, láta hann sveigja sig og halda létt við hann. Þetta er mjög góð aðferð til þess að kenna þeim að bera sig rétt.