Lull er gull ;)

Ætli þetta sé ekki persónulegt mat hvort þetta sé gangtegund eða ekki, alveg eins með lull. Hesturinn fer alveg áfram á lulli samt er það ekki gangtegund, sýnist hann bara skondrast áfram á þessu valhoppi.

það sem þú ert að benda á sem valhopp er í raun bara hægt stökk, fótahreyfingarnar eru að mér sínist þær sömu. oft er talað um valhopp hjá íslenskum hestum þegar þeir ganga ekki hreint og hoppa upp á fótinn, oft gerist það út af misstyrk, jafnvægisleysi eða bara vegna helti. Lull getur verið skeiðlagið tölt eða brokklagið tölt (oft einnig kallað brokktölt), oft getur það verið gott ef hestar sem illa hefur gengið að töltsetja byrja að lulla, það getur oft þýtt að töltið sé ekki langt undan og jafnvægið hugsanlega að bæta sig. hestar í lélegri þjálfun , jafnvægislausir oft barnahestar lulla oft mikið - þá aðalega skeiðlagið lull. oft er líka talað um lull sem letigangtegund - hestar sem eru ekki krafðir nægilega mikið venjast á það lulla stundum til að “fela” töltið..

Bætt við 20. júlí 2009 - 21:52
þetta er amk mín reynsla af lulli. og mín útskýring á þeirri reynslu.

Ég skil alveg hvað þú ert að meina, þar sem ég var erlendis á svona “dressage” búgarði í Bretlandi og þar var sagt að hrossin hefðu 4 gangtegundir, þ.e. fet, brokk, valhopp (“canter” á ensku) og svo stökk.

Þau segja að fótaröðunin sé önnur á “canter” heldur en á “gallop” svo að það sé ekki hægt að segja að canter sé hægt stökk (trúðu mér, ég rökræddi svo ótrúlega lengi við liðið og það tók það ekki í mál að valhopp væri bara hægt stökk), svo ég skil vel hvað þú ert að fara.

En… mín persónulega skoðun er sú að canter og gallop séu það sama…nema canter er bara hægt stökk og gallop bara venjulegt stökk.
Annars væri hægt að segja að hægt tölt og hratt tölt séu ekki sama gangtegundin, en á hægu tölti er hesturinn með 2-3 fætur á jörðunni, en á hröðu á hann ekki að vera með nema 1-2 fætur á jörðunni í einu… (sumir hestar eru með 1-3 fætur á jörðunni, en þeir kallast þrítakta og er það óhreint tölt)

Spegúlerið nú… ;)

Setjum þá lullið sem vanmetna gangtegund =) Í gamladaga var það kallað ferðaskeið á vissum stöðum =)

Sjálf kýs ég lullið frekar en lélegt brokk, þar sem brokk þarf að vera afburða til að ég hafi gaman að því fyrir nokkru þjálfaði ég mikið utan á hringgerði berbakt brokk í góðum höfuðburði á ÓÞokkanum mínum, aðallega þar sem hann var það hastur þannig að hann var varla sitjandi þannig í hnakk, fór þá að sitja brokk nokkuð vel, en eftir meiðsli óhestatengd í nóv þá hef ég ekki getað sitið það eins vel, hef allt of lítið farið á bak síðan, en vona að það fari að breystast.