Það er gott að fara í haga eða þvíumlíkt þar sem eru miklar þúfur og láta hestinn brokka þar í gegn. Það er líka rosalega gaman (ef þú ert í stuði til að blotna) að fara í vatn og hjá bakkanum og brokka þar í gegn, með vatn svona upp að hnjám á hestinum eða einfaldlega ár sem þú finnur ;)

Einnig er gott að setja hlífar á stundum og stundum (ekki allt of oft) til þess að fá meiri framgöngu í hestinn og oft verður hann svifmeiri ef hann er að hafa fyrir því að brokka hágengt…

En vatns og þúfuaðferðirnar virka best myndi ég segja, þó líka sé hægt að láta hann brokka yfir svona spýtur eins og er notað sem undirbúningur fyrir hindrunarstökk….=)

Nota æfinguna “að lækka” kenna hrossinu hana á ferð, vinna svo hestinn smátt og smátt í höfuðburð á brokki, gott ef maður kemmst í hringgerði, að láta hrossið brokka sveigt hvort sem er utan eða innan hringgerðisinns.

Eins getur það hjálpað mikið að taka hrossið í tvítaum, en það borgar sig ekki ef fólk kann það ekki. En þá er tengt í “v” og þannig hjálpað hrossinu í góðan höfuðburð. Rennitaumur gerir sama gagn en borgar sig ekki heldur að nota ef fólk kann ekki á hann, þarf mikla næmni frá knapanum ef þetta á að gera gagn.

En þegar hesturinn er farinn að brokka slakur með höfuðið í lóð, þá held ég að annað komi að mestu að sjálfum sér.

Nota stígandi ásetu.