Ég get vel sagt þér að hross á hestaleigum er einfaldlega ekki riðið rétt (fullt af óvönum túristum sem kunna ekkert í íslenskri hestamennsku). Þeim er leyft að lulla… og ef það var eitthvað varið í þá eru þeir eyðilagðir þannig. Ég veit að þegar ég og frænka mín vorum litlar var okkur ekki treyst fyrir tölturum vegna þess að við gætum gert þá að lullurum og ein meri sem tölti mjög glæsilega í denn, lullar bara í dag, henni var leyft að lulla.(Ekki mér að kenna.) En svo þurfa þessi hross alltaf að fara sama leiðilega hringinn á sama leiðilega túninu, aftur og aftur og aftur og aftur og aftur… Auðvitað verða þeir leiðir og bældir. Ég veit það að ef ég fer alltaf sömu leiðina þegar ég fer í reiðtúra, hleypi engri spennu í hrossin og ef ég er með mörgum og allir þurfa að hanga í halarófum…. þá get ég lofað þér því að ég hef ekki mjög skemmtileg hross út úr því.
Ég ætla ekki að fullyrða neitt í sambandi við asnaleg ráð… Ég hef bara farið einu sinni á hestaleigu og ég fékk sæmilega viljuga meri (vegna þess að ég var vön). Ég segi ekki að þetta hafi verið einhver gæðingur en hún var ekki löt, að vísu lullaði hún.
En spáðu aðeins í það, þeim er riðið illa af óvönum (mjög oft krakkar), þeir þurfa að fara sama leiðilega hringinn aftur og aftur og aftur, þeim er leyft að lulla. Ef það var skemmtilegt hross á leigunni er það orðið leiðilegur lullari eftir smá tíma. (Áttu hross, fyrst þú leigðir hest? Þú virðist stunda hestaleigur??)
Kv. Animal

Í langflestum tilvikum vita túristarnir nákvæmlega ekki neitt um hesta. Þeir rykkja í taumana og setja hælana í hestana sem vita ekki neitt hvaðan á þeim stendur veðrið. Svo hefur fólkið ekkert jafnvægi og á endanum stífna þessi hross upp og byrja að lulla, verða taumstíf og hætta að taka eftir ábendingum. Þetta eru hross sem er einfaldlega riðið niður af lélegum knöpum. Mörg þeirra hafa án efa verið prýðileg reiðhross áður en þau enduðu uppi á hestaleigu.

Einnig langar mér að benda þér á að maður á ekki að nota hælana. Ef hestinum hefur verið riðið rétt þá átt þú bara að þurfa að nota kálfann. Það veit ég og ég veit líka hvað getur gerst ef túristi rekur hælana í hestinn, það þekki ég alveg nógu vel af eigin raun. Þú notar frekar písk ef hestur er ekki viljugur. :)

Ég var að vinna á hestaleigu í sumar og ég komst að því að það eru alls ekki allir hestaleiguhestar algjörlega latir lullar. Það er nátturulega meiri hlutin og það fer líka algjörlega eftir hvaða hestaleiga maður fer á. Ég hef farið nokkrum sinnum á hestaleiguna Íshestar og það var alltaf ömurlegt. Maður endar með að fá ömurlega hægan og latan hest þótt maður biður um hest fyrir vana.
En í sumar var ég að vinna á hestaleigunni Laxnes í Mosfells sveit og þá gerðum við mikið af því að þjálfa lata hesta og þá urðu hestarnir mun betri og meiri sjálfstætt tölt í þeim, og þá er það mun þægilegra fyrir túristanna.

En ég mæli með því að koma á hestaleiguna Laxnes og þá er ég algjörlega vissum að þú færð góðan hest með nokkurn vilja.
kveðja horsegirl

Ég hef verið að ríða út frá því ég var fimm ára og aldrei farið á hestaleigu, en maður hefur séð túrista á hestbaki og það er hræðilegt. Ég veit um hross sem var keypt til einkanota af hestaleigu, og það hross er sko enginn gæðingur. Því hefur verið riðið á lulli og feti allann “hestaleigutímann” og þegar ég fór einu sinni á bak því og reyndi að láta það tölta, brokktölti það og lullaði til skiptis! Svo kom líka í ljós að hrossið er spattað… kannski vegna ofnotkunar??? hestaleiguhross eru nebbnilega stundum ofnotuð. Frændi minn á hest sem hann lánaði til hestaleigu, og viti menn, þegar hesturinn kom heim, var hann haltur og þurfti um 6 vikna hvíld. Hann er stór og mjög duglegur, og það sýnir að honum hefur greinilega verið riðið MJÖG MIKIÐ því hann var algjörlega búinn á því greyið. Þetta er það sem ég hef að segja um hestaleigurnar. Í raun eru þær nútímakolanámur hestanna.

Ég vann úti í Svíþjóð eitt sumar við að temja og á sama stað var hestaleiga. Allir hestarnir sem voru á hestaleigunni voru draumahestar allra, þægir hágengir töltarar, einn hesturinn var meirað segja Dofri sem var einu sinni graðhestur sem Aðalsteinn Aðalsteinsson var með og hann hlaut 8.90 fyrir hæfileika, núna er hann allur úti í exemi og er að bara túrista. Málið er að hestarnir voru ljótar bykkjur undir þessu fólki, þetta var bara sorglegt. Þess vegna finnst mér ekki skipta máli hvort að hesturinn lyftir upp fyrir skítin á sér eða er góður sem að eru á hestaleigum því að þeir verða hvort eð er skemmdir.
Einnig seldi ég íshestum ágætan hest sem þeir eiga enn þetta var hinn fínasti hestur enn núna lullar hann bara undir börnum.

á hvaða hestaleigu fórstu