Ég hef mjög oft verið aðstoðarmaður á reiðnámskeiði.
Þau reiðnámskeið sem ég hef farið á hafa farið svoleiðis fram:
Við komum á staðinn, leggjum á, Förum á bak í stóru gerði og ríðum út. (um allt)
Ég hef bara farið á reiðnámskeið á einum bæ

Mitt fyrsta reiðnámskeið var á hrauni. Lagði grunninn að því sem ég veit núna. Var farið vel yfir flestallt, en vá, það var SVO leiðinlegt að skrifa allt þetta! ;) Þurftum að reka hestana af túni, leggja á og allt það. Vorum svo inní gerði og fórum í reiðtúra. Það var æðislegt :-)

Næsta námskeið var fyrsta árið hjá Þyrli. Svindlaði mér á Framhald II þegar ég var skráð á Framhald I. Þar lærði ég að tölta. Lærði ekki mikið annað, en það var æðislegt námskeið. Vorum í reiðtúrum allan daginn, svaka fjör.

Svo fór ég á vetrarnámskeið sem var ábyggilega skemmtilegasta námskeið sem ég hef farið á. Alltaf miklu skemmtilegra að vera með fullorðna fólkinu, myndast meiri stemning. ;)

Hef alltaf farið í fullt af reiðtúrum á öllum mínum námskeiðum. Held að það sé ekkert sem heitir “alvöru” reiðnámskeið. En það sem allir reiðkennarar vita eða ættu að vita er að það má aldrei fara fram úr þeim veikasta. Hvort sem það felur í sér að skipta upp hópnum eða fara bara hægar. En þegar maður er með mjög blandaðann hóp er algjör nauðsyn að skipta hópnum því hinir eiga alls ekki að líða fyrir vankunnáttu hinna.

Eitt það skemmtilegasta sem ég hef hins vegar gert með hópa voru brokkkappreiðarnar og að reka hrossin í gerði nokkru. Mikið rosalega held ég að kúrekarnir skemmti sér vel! :-P

Hvernig væri að fara að brydda uppá einhverjum erlendum keppnisgreinum? Þar sem fólk brosir kannski örlítið meira en í venjulegum keppnum? ;-)

Það er orðið geðveikt langt síðan ég hef farið á reiðnámskeið en þá vorum við látin vera í þessu pínupons gerði og látin fara hring eftir hring á feti. Ég man hvað það var ömurlegt!! Ég veit ekki með þessar keppnir ég hef aldrei keppt!! Ég hef verið í hestum síðan ég var 6 ára en ég hef aldrei keppt. Mér hefur aldrei fundist það neitt spennandi. Mér finnst mjög margir af þessum þekktari knöpum t.d. Danílel Jónsson vera svo uppfull af monti og þjást af mikilmenskubrjálæði. Fíla alls ekki svoleiðis fólk.
Mér þætti gaman að fá að vita hvort að e-r hefur farið á hestaleigur á Suðausturlandi og ef svo er hvaða og hvernig fannst þér?

Ég fór að svoan ÍTR námskeið uppi í Víðidal þegar ég var krakki. en þegar ég var komin með minn bandbrjálaða rokuhund þá fór ég að reiðnámskeið, skipulagt af Fáki. Mig minnir að Tommi og Robbi hafi kennt sitthvort námskeiðið sem ég fór á. Það var verulega gagnlegt þar sem ég var skíthrædd við hestinn, svo sem ekki furða, og mér var hjálpað að ná tökum á honum. En hann semsagt er bæði nautsterkur og fljótur og ég var bara lítið krakkaskott og hafði engannveginn kunnáttuna né kraftana til að ráða við þetta kjötflykki. Ég hefði örugglega drepið mig á klárnum, hefði ég ekki fengið þessa aðstoð.