Refur98 fyrir 23 árum, 5 mánuðum Fjöldi lestra: 344

Fleiri tegundir til landsins?

Það er víst best að byrja þetta fína áhugamál á einhverju róttæku….

Það er nú mikið gert af því að flytja íslenska hestinn út, en afhverju hefur enginn viljað flytja inn erlend hross. Þó ekki væri nema færeyskan smáhest! Ég er svo sem ekkert svakalega fylgjandi hestainnflutningi til landsins, en finnst þetta umhugsunarefni. Mér fyndist ágætt að fá hingað fleiri tegundir, eins og t.d. Thoroughbread, Shire eða jafnvel einn arabískan….

Auðvitað koma upp mörg vandamál við svona innflutning. Geta erlendir hestar ráðið við íslenskt veður? Ég veit að í Svíþjóð eru allra þjóða hestar, en þar er líka breitt teppi yfir flesta þeirra ef byrjar að rigna! Það er hætt við að Arabískir gæðingar þyrftu mikla umönnun ef þeir kæmu hingað. Þeir þyrftu pottþétt að vera inni allan veturinn, og hvaða gaman er þá hægt að hafa af þeim?
Svo er það auðvitað spurning um sjúkdóma. Íslenskir hestar eru sem betur fer lausir við marga sjúkdóma sem herja á evrópsk hross. Með innflutningi skapast auðvitað hætta á að ýmsar hestapestir komi til landsins þannig að nauðsynlegt væri að setja hrossin fyrst í sóttkví (Hrísey?)

Svo er það auðvitað aðaláhyggjuefnið, hverfur þá ekki íslenski hesturinn burt? Blandast hann ekki of mikið? Ég held ekki. Alvöru hrossaræktendur vilja að sjálfsögðu hafa sína hesta af sem bestum ættum og vilja enga blöndun við sinn hestastofn. Auðvitað verða nú slys, en atvinnumennirnir passa sitt.
Mér finnst þetta vera nokkuð áhugaverð hugmynd, svona innflutningur, en býst við því að það verði 10 sinnum erfiðara að fá þetta í gegn en innflutning á t.d. norskum beljum. Fyrst bændum þykir svona vænt um íslensku kýrnar sínar, hvað finnst þeim þá um “þarfasta þjóninn”?
íslenskt, játakk
Refu

Að sigra heiminn er eins og að spila á spil

Liza fyrir 23 árum, 5 mánuðum

Mér finnst íslenski hesturinn svo sérstakur-ég myndi ekki vilja að hann missti sérstöðu sína hérna.

Fyrra álit

hvurslags fyrir 23 árum, 5 mánuðum

Ég held að það séu svona fáar(engar) tegundir á landinu aðrar en sá íslenski út af því að það nennir enginn hreinlega að standa í því! svo geta þeir ekki tölt,þannig að maður þarf að hristast á brokki alla leið bara til að sýna að maður á arabískan gæðin! nei takk.

Fyrra álit

Zaluki fyrir 23 árum, 5 mánuðum

Ég myndi ekki vilja sjá nein önnur kyn hérna nema okkar íslenska.
Þúsund ára einangrun hefur gert það að þetta hestakyn er með þeim elstu í heiminum, og ég vil endilega halda þeirri sérstöðu. Og jafnframt held ég að önnur kyn myndu ekki þola veðurfarið né landslagið hérna.

———————————————–

Fyrra álit

AstaV fyrir 23 árum, 5 mánuðum

Íslenski hestastofninn hefur verið einangruður í um það bil þúsund ár. Hann hefur hlutfallslega næstum enga af þeim sjúkdómum sem er að finna annars staðar í heiminum. Algengustu sjúkdómarnir sem herja á íslenska hestinn er hægt að rekja til umhverfisvalda, eins og fæði og þjálfunarvenjur.

Auðvitað eru einnig aðrir sjúkdómar og þið munið eflaust eftir hóstaveikinni sem var hérna fyrir stuttu og dró nokkra hesta niður. Sem betur fer var sá sjúkdómur auðveldur í meðhöndlun. En þið getið rétt svo ímyndað ykkur hvernig þetta yrði ef fleiri hestakyn væru hér á landi.

Fyrir utan það að við höfum lélega sóttkví aðstöðu hérna og það svarar ekki kostnaði að byggja nýja. Sérstaklega þar sem hestar geta verið berar þó þeir séu ekki sjálfir sýktir og það yrði soldið flókið ferli að tékka á þessu öllu. Sérstaklega þar sem það svarar alls ekki kostnaði eins og ég sagði rétt áðan.

Flestir “serious” hestamenn hér á landi hafa nóg með sína íslenska hesta og hafa engan áhuga á því að flytja inn ný kyn þar sem þeir vita hvað það mun kosta, bæði fjárhagslega og fyrir íslenska hestinn.

Fyrir utan það að þeir sem eru nógu efnaðir og áhrifamiklir vilja alls ekki gera þetta þar sem þeir eru hliðhollir íslenska hestinum og myndu ekkert vera að græða á því að búa til samkeppni.

En ég hef sjálf áhuga á öðrum hestakynum en ég er ekkert að sjá fram á þetta í nánustu framtíð. Kannski eftir svona hundrað ár eða eitthvað… Þangað til verður fólk bara að flytja út ef það vill eignast öðruvísi hesta..

Fyrra álit

stoa fyrir 23 árum, 5 mánuðum

Mér finnst bölvuð vitleysa að vera að flytja inn erlend hross. Sérstaða íslenska hestsins er svo ótrúleg og áhugi túrista á þeim, sem er ein stærsta tekjulind ferðamannaiðnaðarins á Íslandi, myndi auðvitað minnka strax jafnvel þó atvinnuhrossaræktendur gætu haldið þeim hreinum. Að halda e-m hluta stofnins hreinum myndi vera gífurlega erfitt um leið og einhver hlutir hans byrjar að blandast auk þess sem hrossamenningin myndi breytast, varðandi kynbótadóma og fleira slíkt. (auðvitað þarf það ekki að vera neikvætt…) Fyrir utan það að sjúkdómar MYNDU smitast og íslensku hestarnir yrðu ekki eins hraustir, sérstaklega ekki til lengdar. Ísland er ekki stórt land og það er þegar sagt að hér séu of mörg hross, það væru mistök að flytja hér inn fleiri. Þau er vel hægt að finna í útlöndum!

Fyrra álit

[Notanda eytt] fyrir 23 árum, 5 mánuðum

það á ekki að flytja aðrar tegundir inn það koma bara upp vandamál.

Fyrra álit

Hestar

Hestar

Ofurhugar

Stjórnendur

Hverjir eru inni

Greinar

Fleiri tegundir til landsins?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi