Tjally fyrir 20 árum, 6 mánuðum Fjöldi lestra: 623

Hræðslupúki í leit af öðrum !!!!

Hæ allir !
Ég er hérna ein í smá vanda. Þannig er mál með vexti að ég er ný komin með hest hérna í Víðidalinn, alveg svakalega rólegan og góðan. Og vandinn er eiginlega sá að ég þori ekki að vera á honum nema inni í gerði og þá gengur ágætlega. Um leið og ég er ein á honum fyrir utan gerðið þá fer hann að láta svona frekjulega og fer bara heim. Og ég hræðslupúkinn þakka bara fyrir að lifa ósköpin af. En greyið hesturinn er ekki með nein læti bara röltir heim með mig ræfilin á bakinu skelfingulostna. Það sem mér datt allt í einu í hug væri að ef ég finndi svipaðan ræfil eins og mig sem væri hálf óörugg líka og á ætti kannski í sama vanda hvort ekki væri betra að vera í slagtogi því þá mundu hestarnir mikið frekar nenna að fara smá túr og um leið fengjum við meiri öryggi. Er þetta ekki rökrétt ? Þannig að ég auglýsi hér með eftir kvenkyns reiðfélaga sem er ekki í stökk hugleiðingum allavegana ekki alveg strax. Endilega ef einhver hefur góð ráð líka varðandi svona hræðsluvandamál þá væri ég líka voða fegin að fá smá leiðsögn og ekki væri nú verra ef sá aðili hefur lent í að vera hræddur og hvernig yfirvinna má svoleiðis líðan.

Hlakka til að heyra frá ykkur :)
Tjally

Exciting fyrir 20 árum, 6 mánuðum

Hæhæ, ég á reyndar ekki við þetta vandamál að stríða en ég skal reyna að hjálpa þér.

Oftast þegar að knapar eru hræddir er það eftir langt hlé eða slæmt atvik. Ég hef ekki hugmynd um hvort að annað hvort þetta á við þig en kannski að það skipti ekki öllu.

Hugarfarsbreytingar er það eina sem að þú getur gert í þessu og að hesturinn snúi við heim er bara merki um það að það er í rauninni hann sem stjórnar núna (og fyrst að hann röltir bara heim í rólegheitunum er það merki um að hann rjúki ekki)
Þú ert semsagt með traustan hest og það er fínt að þú reynir að fá kjarkinn aftur á svoleiðis hesti.

Þegar þú stígur í hnakkinn, hvað hugsaru..
Ertu að hugsa um hvað gæti gerzt?

Nákvæmlega það er eitthvað sem þú þarft að breyta því maður getur alltaf hugsað svona því þá yrði maður í raun hræddur við lífið..

Næst þegar að þú leggur á skaltu hugsa um hvað þú nákvæmlega ætlar þér að gera en ekki hvað gæti gerzt.

Það er nefnilega svo tilgangslaust að hugsa þannig..

Hversu leiðinlegt væri ef að í hvert skipti sem maður sætist í bíl myndi maður hugsa um að maður gæti lent í bílslysi ?

Það sama gildir um þegar að þú ferð á hestbak.

Að fá kjarkinn aftur er líka eitthvað sem kemur með tímanum, farðu rólega í byrjun en gerðu svo aðeins meiri og meiri kröfur á sjálfa þig hægt.

ef það eru einhverjar spurningar þá máttu hafa samband!

Gangi þér vel með þetta.

Með kveðju:
Exciting

Með bestu kveðju:

Fyrra álit

Tjally fyrir 20 árum, 6 mánuðum

Hæ Exciting !
Takk kærlega fyrir að svara mér. Ég er ein af þessum óheppnu þar sem hestamennskan byrjaði vægast sagt ill því fyristu 6 skiptin mín á baki datt ég eftir að hestarinr fældust og í eitt skiptið dróst í ístæðinu. Ég hef síðan reyndar dottið einu sinni enn af baki en þá varð ég ekki mjög hrædd því ég var á reiðnámskeiði og ég datt af því ég náði ekki jafnvægi á stökki en ekki af því að hesturinn væri að tryllast eins og í hin skiptin. Eftir mjög erfiða byrjun sem var þegar ég var bara barn 10-15 ára að þá tók ég mér bara
algert hlé og fékk martraðir um hestaferðir mínar.
En áhugi minn var samt engu minni. Ég hef alltaf átt mér þennan draum um gott samband milli mín og hests og ég þrái það svo heitt að komast yfir hræðsluna og geta átt góðan hest sem ég treysti.
Þegar ég kynnstist manninum mínun fyrir 7 árum (pabbi hans á hesta) þá þorði ég ekki inni í hesthúsið hjá pabba hans en maðurinn minn sýndi mér þvílíka þolinmæði og fór oft með mig í hesthúsið að gefa þeim brauð og svona eitthvað að vesenast. Tengdapabbi minn tók mig síðan að sér og við fórum bara skref fyrir skref. eftir nokkra mánuðu þorði ég loksins að kemba þeim og setja út og svoleiðis en hræðslan kom strax og eitthvað fór úrskeiðis. Þá á ég við að einhver hesturinn sýndi einhverskoðar hegðun sem ég þekkti ekki frá honum þá fór traustið um stund. Ég þarf líka mikinn tíma til að treysta hverjum og einum hest. En svo kom að því að fara á bak þá fór í verra því þá fór kjarkurinn sem annars var orðin mikill miðað við mig. Síðan flutti ég í bæin og fór þá á reiðnámskeið til Bjarna alveg heilan vetur og leigi nú hest sem ég hef verið mikið á og treysti vel en samt eru hlutirnir svona núna.
Ég veit að þetta hljómar sjúklegt og er það en eins og ég segi ég vil ekki gefast upp þetta er draumurinn minn frá því ég var barn.
Það sem ég hugsa einmitt þegar ég fer á bak “ en ef hann brjálast og ég dett og…..”
Ég ætla að prufa að hugsa jákvætt næst þegar ég fer á bak og sjá hvort það tekst.
Ég hef heyrt um einhverja Sigrúnu sem er sérfræðingur í svona hesta hræðslu hefur einhver hugmynd hvar hægt er að ná í hana ?

1000 þakkir :)
Tjally

Fyrra álit

nanga fyrir 20 árum, 6 mánuðum

hehe.. ég var einu sinni svona;)

Fyrra álit

Shimotsuki fyrir 20 árum, 6 mánuðum

Ef ég hefði verið með hest í Víðidalnum þá hefði ég nú alveg geta boðist til að fara með þér, en svo er því miður ekki.

En ég hef þó lent í því að verða hrædd, þá aðallega við að hestarnir sem ég var á stykkju með mig niður brekkur. Ég lenti nefnilega í því að hestur hljóp með mig niður bröttu brekkuna í Rauðhólunum (fyrir þá sem hana þekkja ;)) og þó svo að ekkert hafi gerst, varð ég svona líka rosalega stressuð eftir þann atburð. Til að gera langa sögu stutta þá tók það mig um ár að geta hætt að finnast eins og ég væri að panikka ef ég gat ekki fetað niður nánast allar brekkur (sem er ekki það auðveldasta hérlendis! ;)). Það tók mig mjög marga reiðtúra, ákveðni, og mikið af stressi.

Þú ert samt mjög heppin að vera á hesti sem að þú virðist treysta (er það ekki annars rétt?). Það var fátt jafn stressandi fyrir mig og að þurfa að reyna vinna bug á minni hræðslu á mörgum mismunandi hestum, mörgum hverjum sem voru afar taumstífir og hreinlega leiðinlegir.

Þú verður líka að reyna að passa upp á að láta hestinn sem minnst vita af þinni hræðslu. Þessi grey eru nú einu sinni þannig úr garði gerð að þau líta upp til leiðtoga síns og ef að þeir finna að hann er stressaður þá túlka þeir það að þeir hljóti því líka að eiga að vera á varðbergi ef eitthvað skyldi nú gerast. Og hvað gerist þá? Jú, knapinn finnur að hesturinn spennist og spennist því ennþá meira.

En það ætti vonandi ekki að vera vandamál ef þinn hestur er nógu rólegur. Þú ættir því að nýta þér það og reyna að slaka sem mest á (jafnvel þótt það geti verið alveg rosalega erfitt) og byrja á hægt. Gefðu þér líka nógu mikinn tíma og vertu góð við sjálfa þig, þér liggur ekkert á. :)

Gangi þér bara rosalega vel, og vonandi finnur þú einhvern sem gæti farið með þér. =^.^=

Fyrra álit

Tjally fyrir 20 árum, 6 mánuðum

Hæ Hæ Shimotsuki!
Frábært að heyra að gefa sér nógan tíma í þetta því ég er oft að gagnrían sjálfan mig fyrir að taka þessu of rólega. Ég fer alltaf í gerðið og finnst ég voða dugleg að fara nokkra hringi og setja hina hestana í húsinu út og inn og mér líður eins og heimsmeistara fyrir vikið. Auðvitað er þetta engin keppni.

Takk æðislega fyrir svarið :)
Tjally

Fyrra álit

Thorin fyrir 20 árum, 6 mánuðum

“niður bröttu brekkuna í Rauðhólunum (fyrir þá sem hana þekkja ;))”

Jáh.. hún hefur oft verið tekin.

Fyrra álit

Sedna fyrir 20 árum, 6 mánuðum

Þú verður bara að slaka á á hestbaki, í öxlunum og allstaðar, þú ferð bara rólega og þetta kemur með tímanum. En heyrðu, ég vil bara láta þig vita, að ef þú ferð upp í Rauðhólana á hestbaki og ætlar niður stóru brekkuna, þá er önnur bara alveg við hana sem er ekki jafn brött, eða sko, það er nefnilega annar stígur niður sömu brekkuna enhann liggur meira á ská svo það er betra að fara þar niður. Farðu síðan bara með manninum þínum í útreiðartúra, hestinum finnst leiðinlegra að fara einn(allavega mínum) og er þá líklegri til að hlaupa heim til allra hinna hestanna. En allavega, þetta kemur með tímanum og æfingunni, þú þarft bara að fara á mörg námskeið á lötum bikkjum sem hlaupa ekki þó það kæmi kjarnorkusprenging, og með´tímanum kemur þetta. Ég hef samt ekki hugmynd um hvar þú getur fundið reiðfélaga, ég þekki bara krakka sem eru með svona hálfpartinn hræðslu.
Kv. Sungirl

Dance, my puppets! Dance! *Insert creepy-beyond-believe laughter here*

Fyrra álit

blaa fyrir 20 árum, 5 mánuðum

Hæ hæ
Ég skil alveg hvernig þér líður ég hef lent í þessu oftar en einu sinni og tvisvar það er að segja að vera hrædd á hestbaki það til dæmis kemur alltaf upp á hverju sumri þegar að grasið er byrjað að grænka og hestarnir vilja að fara að bíta að þá hendir hesturinn minn mér alltaf af en það er bara í eitt skipti og ekkert meira (hann gerir þetta í einhverju frekjukasti) en ég læt ekki deigan síga og fer aftur á með þrjóskunni (við erum bæði svo þrjósk ég og hesturinn q;oP) auk þess er ég svo heppin að ég og mamma mín förum alltaf saman og hún heldur alltaf í hann þegar ég er að fara á bak vegna þess að hann hefur alltaf hent mér þegar ég á eftir að komast í hitt ístaðið (hann er “lúmskur”) og að fara frá húsinu getur stundum verið streð skal ég segja þér. En þrátt fyrir þetta að þá tekst mér að komast yfir hræðsluna mína með hjálp mömmu minnar þannig að ég myndi ef ég væri í þínum sporum finna þér einhvern sem að þú treysti alveg til að hjálpa þér af stað og taktu bara þinn tíma það ert þú sem að ert í þessu til gamans og ert að gera þetta fyrir sjálfan þig en ekki fyrir einhvern annan reyndu bara að umbreyta hræðslunni yfir í ákveðni og láttu hrossið vita að þú sért þarna uppá og ég meina þegar þú breytir hræðslunni yfir í ákveðni og ferð að krefja hestinn um eitthvað að þá á hann eftir að vera svo hissa að hann gleymir að vera með einhverjar kúnstir plús það að hestum finnst miklu skemmtilegra að vera með knapa á bakinu sem að krefur þá um eitthvað heldur en að hafa bara farþega. Þannig að ef ég á að gefa þér einhver ráð þá er bara að herða upp hugann og fara að ríða hrossinu það reyni ég allavegna og það hefur gengið ágætlega hingað til.
Gangi þér vel og ég vona að hræðslan lagist eitthvað hjá þér.

KV.
Blaa

p.s. ég vona að þetta sé í einhverju samhengi.

Fyrra álit

Tinni99 fyrir 19 árum, 2 mánuðum

ef þú verður stressuð verður hesturinn stressaður:S:S:S

Fyrra álit

Hestar

Hestar

Ofurhugar

Stjórnendur

Hverjir eru inni

Greinar

Hræðslupúki í leit af öðrum !!!!

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi