Sko, það að hafa og halda graðhest er allt annað en að hafa gelding og það er ekki eitthvað sem þú skalt hugsa um nema þú hafir annað hvort aðstöðuna eða sért ágætlega vel staddur fjárhagslega. Það eru miklir fjármunir sem liggja í því að vera með graðhest, hann verður alltaf að vera í graðhestagirðingu með öðrum graðhestum (eða tittum), Þú þarft að vera með graðhesthelda stíu og svo verður þú í raun að láta fagmann temja hann fyrir þig og sýna og er í raun ekkert víst að þú fáir mikið að vera með hendurnar í þessum hesti ef þú ætlar að reyna að gera þetta vel. Það eru alls ekki allir hestar sem geta eða ættu að vera graðhestar, og þessir hestar eru mjög verðmætir ef allt gengur upp. Það er þó alls ekki þar með sagt að hann muni verða topp graðhestur og mikil ásókn verði í hann og gæti því allt eins farið svo að fjármuninnir gufi upp án þess að þú fáir eitthvað til baka. Það er ekkert að því að leyfa honum að halda kúlunum þar til að hann er komin t.d. á þriðja vetur og láta einhvern sem hefur reynslu og vit skoða hann fyrir þig. Þeir hestar sem fá að halda kúlunum aðeins fram eftir geta oft grætt á því í þroska en það er ýmislegt sem þú skalt hugsa um.

kveðja zheelah

Ég held að ógeldir hestar séu skapmeiri, án þess að ég fullyrði neitt um það, en það eru allavega mín kynni af graðhestum. Voða stælar og sýningarháttur þegar maður er að reyna að ná þeim, og svo þegar maður er búinn að ná þeim geta þeir verið ljúfir eins og lömb!

Mín reynsla af ógeldum hestum er ekki mikil en það ætti að næja að geta haft hann í sér stíu og ekki úti í gerði með öðrum hestum. Það er ekki alltaf sem þeir eru erfiðir þó að það sé sagt að þeir róist við geldinguna. Einn uppáhalds hesturinn minn er ekki geldur og ljúfari (grað)hestur finst varla :)
Kv. Regí

Ég á graðhest og það er ekkert erfiðara við að eiga graðhest enn gelding svo lengi sem að graðhestarnir séu geðgóðir, minn er rosalega geðgóður og fer alltaf út í gerði með geldingunum og er bara að leika við þá of svoleiðis.
Þar sem ég hef mikla reynslu af því að temja graðhesta og geldinga mundi ég segja að það er ekkert erfiðara að temja graðhesta það fer bara alveg eftir skapgerð hestsins, eina sem er að maður má ekki detta af graðhest því að þá fer hann á næstu meri sem hann sér enn betra er að byrja að temja þá á veturnar.
Ég mæli með því að halda honum gröðum fyrst að foreldrarnir eru svona góðir og liturinn líka. Þegar að hann verður 4 vetra geturu séð hvort hann sé með góðar hreyfingar og dæmt það út frá því hvort þú viljir halda honum gröðum eða ei.
Ekki halda eins og margir að graðhestar séu brjálaðir á húsi og ómögulegir úti í gerði með öðrum ef graðhestur er þannig í skapinu er einhvað að honum í geðslaginu og ekki á að halda honum gröðum.

Gangi þér vel með folann.