Miðgarður:

OK, við höfum tvö mengi, annað mengið er mengi oddatalna hitt mengi sléttra talna. Gott og vel.

Við getum reiknað hvaða líkur eru á því að útdráttartölurnar tilheyri aðeins öðru menginu.
Við getum einnig reiknað út líkurnar á því að útdráttartölurnar tilheyri báðum mengjunum.

En þetta kemur því ekkert við hvaða einstöku tölur eru líklegastar að vera dregnar í hvert skipti.

Ef að um væri að ræða bekk í skóla, hver nemandi hefur nafn, janmargir nemendur eru stelpur og strákar.

Ef fimm nemar af 38 eru valdir af handahófi, til að fara í stríð og deyja, til að nefna dæmi.

Hvaða nöfn væru kvennmanns eða karlmanns nöfn myndu gilda einu í útreikningi á líkum þess hvort að td, Sigga, Gunna, Jói, Þórdís og Gylfi, yrðu fyrir valinu.

Ef lottó úrdrátturinn er fullkomlega óreglulegur, sem hann er ekki (ekki fullkomlega) en þó nógu mikið, þá munu allar tölur verða dregnar álíka oft, og samröðun hinna fimm talna, sem dregnar eru í hvert skipti, einnig fullkomlega óregluleg. Á þessu byggir líkindareikningur.

Þú ert á villigötum, eða þá að ég er ekki að fatta hvað þú ert að reyna að segja.

Nei líkur á að upp komi talnaruna oddatalna eru 11628/501942, því fjöldi oddatöluröðum er 11628 og heildarfjöldi talnaraða er 501942.

Ef þú værir að spila í Lottói, þá skiptir engu hvaða talnaröð þú velur, líkurnar á að hún komi upp eru 1/501942.

Ef borgaður væri út vinningur fyrir flokkana, þ.e. ef maður veldi bara oddatölur (bara einhverja af 11628 mögulegum oddatöluröðum) og upp kæmu bara oddatölur og maður fengi vinning fyrir vikið, þá ætti maður t.d. frekar að velja röð með 4 oddatölur og 1 slétta, því líkurnar á að þannig röð komi upp eru talsvert meiri.

Snúum okkur að Pókernum. Það eru jafnar líkur á að fá á hendi litaröð (10 upp í ás) í hjarta og að fá 4 tvista og laufagosa. Hins vegar snýst Póker ekki um að fá nákvæmlega þessar hendur. Möguleikar á að fá hæstu litaröð eru 4, því litirnir eru 4. Möguleikar á að fá fernu eru 13*48 = 624, því við getum valið lit fyrir fernuna á 13 vegu og aukaspilið á 52-4 = 48 vegu. Við sjáum þá að það er 156 sinnum ólíklegra að fá hæstu litaröð en fernu. En spilið snýst um það, en ekki að fá t.d. nákvæmlega 4 tvista og laufagosann, því laufagosanum getum við skipt út og fengið jafngóða hönd með t.d. fjórum tvistum og tígulgosa.

Það sem ég er að segja með þessu er að ef maður ætlar sér að kaupa eina röð í Lottói, þá skiptir engu hvernig þú velur hana, því allar raðir hafa jafna möguleika á að koma upp. Í Lottói fær maður vinning fyrir að hafa nákvæmlega eins röð og upp kemur en í Póker tilheyrir hver hönd einhverjum flokki og inniheldur hver flokkur mismunandi margar mögulegar hendur.

Þú spurðir: “Ef svo er, er þá ekki óskynsamlegra að velja talnaröð þar sem eingöngu koma fyrir oddatölur (eða sléttartölur), en talnaröð sem er valin af algjöru handahófi?”

Nei, eins og ég sagði áðan, þá hafa allar raðir jafnar líkur á að koma upp, því í Lottói, ólíkt Póker, skiptir máli hvaða tilteknu röð við fáum, ekki hvaða flokki hún tilheyrir.