Guð er hrikalega vítt hugtak. Ef manneskja hefði aldrei heyrt um Guð hefði hún örugglega spurt sjálfa sig “bíddu… ég á eftir að deyja og hérna er ég þá bara farinn að eilífu eða lifi ég áfram?”, og geta þá verið með trú.

Guð er aðeins þriggja stafa orð, trú líka. Þú skilgreinir meininguna bakvið orðin ekki léttilega.

Í bókinni um Kristófer Kólumbus héldu frumbyggjarnir að krókódílar væru guðdómlegar verur, sem dæmi. Held að ómenntaður einstaklingur myndi alltaf finna sér leið til að útskýra hið óútskýranlega(frá hans hlið) sem eitthvað kraftaverk.

Sammála þeim fyrir ofan, maður myndi frekar bara trúa á almætti og ekki vera að troða inn þar einhverjum reglum um hvað má og má ekki, o.s.frv.
Eins og mér finnst að trúarbrögð ættu að vera.

Öll trúarbrögð eru sprottin upp af sömu hugmyndinni um guð.

Guð virðist vera einhvers konar líking. Manneskjur valda breytingum á náttúrunni og þegar breytinga í náttúrunni varð vart sem ekki sást beinn orsakavaldur að, svosem þrumuveður, gæti verið að það hafi einfaldlega verið skrifað á þann orsakavald breytinga sem þekktastur var úr daglegu lífi, eitthvað manneskjulíki. Manneskjur gera hluti yfirleitt með ákveðin markmið í huga og flest trúarbrögð hafa leitað að slíkum markmiðum í tilgangslausri hegðun heimsins.

Það að dýr valdi líka eftirtektarverðum atburðum skemmir ekki þessa kenningu, enda er ógrynni dýraguða til í mannkynssögunni.

Svo það er vel mögulegt að fólk búi sér til guðlegt yfirvald úr lausu lofti. Það gæti raunar verið afdrifaríkasta falska líking sögunnar.

Fer svolítið mikið eftir því hvað annað manni væri sagt, tel ég.
Ef barn er frætt um heimin og þau vísindi sem liggja á bak við hann, en ekkert er minnst á trúarbrögð, þá tel ég að maður myndi ekki trúa á neitt slíkt.

En ef barni væri ekki sagt NEITT og það myndi vaxa upp í algjörri óvissu og með engar hugmyndir um heiminn nema þær sem það mótar sér sjálft út frá eigin reynslu tel ég að það myndi líklegast forma sér einhverja hugmynd um æðra vald, hugsanlega sólina eða einhvern náttúru-guð líkt og mannfólk til forna.