Ég gæti sjálfur smíðað vélmenni á stuttum tíma sem lokar augunum og segir “ég er hér”. Það er einhver ákveðinn sveigjanleiki sem við búumst við af meðvitund sem er erfitt að skilgreina með einföldum hætti, þótt Damphir vísi hérna í útfærslu á Turing prófinu til að skera úr um það. Það próf er sjálft heldur almenn leið og aðstæðnaháð til að dæma um tilvist meðvitundar. Raunar erum við sjálf ekkert voðalega góð í að dæma um hvort hún sé til staðar, til dæmis ef við lítum á dýr. Er meðvitund svo af/á ástand eða stigskipt? Hafa rollur smá meðvitund og apar aðeins meiri? Hafa bara menn meðvitund, eða eru menn mismeðvitaðir? Hversu fullur eða geðheftur má maður vera og enn teljast meðvitaður? Það eru alveg sumar manneskjur sem myndu bregðast á Turing prófinu í samanburði við aðrar manneskjur, þeirra eigin heimsku eða þroskahömlun vegna. Og svo framvegis.

Ég sagði líka að tölvan myndi teljast greind ef hún gæti, að meðaltali eftir margar tilraunir, platað menn svoleiðis að þeir gætu ekki gert greinarmun á tölvunni og öðrum manni í samskiptum. Til þess þyrfti hún mikla þekkingu á mannlegu tungumáli. Hins vegar er ekki ljóst hvenær hún verður meðvituð, meðal annars vegna þess að það er óljóst hvað átt er við með meðvitund. Svo ekki nóg með það er afar erfitt að mæla meðvitund eða gera greinarmun á stigum meðvitundar. Í skyndihjálp er manni kennt að ef einstaklingur svarar engu áreiti sé hann meðvitundarlaus, en svo eru nokkur stig meðvitundar, til dæmis getur hann brugðist við sársauka en svarar ekki spurningum eins og: “Er allt í lagi?”. Þetta er svo bara bráðabirgðamat og hægt er að ganga mun lengra í greiningu meðvitundar. Hvernig ætti að yfirfæra slíka mælingu á tölvu? Hún þyrfti örugglega að vera huglæg og slík útfærsla yrði mjög flókin.

Maður slekkur ekki á heilanum þegar maður sefur. Mér finnst líklegt að svefn sé gagnlegur til að taka sér skynboðapásu og flokka innbyrðis upplýsingar og melta þær. Hvort sem hugsunin er lífræn eða vélræn þyrfti þannig flokkun. Reyndar bendir lögmál Moore til þess að við gætum, þegar við náum að smíða tölvur jafnfærar fólki í hugsun, fljótt tekið framúr okkar hugsanagetu með þeim vélum, svo kannski mætti smíða vélarnar þannig að þær þurfi ekki svefns við. Ég er hérna meira að spá í hvort mætti henda vélmenninu, eyðileggja það eða drepa á því endanlega.

Ef þú ert mikið að spá í svona hlutum mæli ég með bókunum The Mind's I og Gödel, Escher, Bach.

Taka eftir einhverju

Nei ég hugsa oft sjálfstætt en þetta hljómar frekar basic fyrir mér. Persónuleikinn = Forritun með líkindareikningi, “Líf” = rafmagn

Bætt við 28. febrúar 2011 - 15:28
Myndi náttlega bara vera slökkt á allra þessari persónu án rafmagns.

http://www.hugi.is/tilveran/threads.php?page=view&contentId=7316992#item7317283