Haha, auðvitað er ólöglegt annað en að gangast við reglunum, tilhvers að skrifa lög ef svo væri ekki?
Til hvers að skrifa lög?
Ég sé ekki ástæðu til þess að hafa lög um það hvaða peninga fólkið sem býr á þessari stóru eyju má nota. Ríkið á ekkert að skipta sér að því hvernig yfirmaðurinn minn vill borga mér og hvernig ég vil fá greitt.
Já peningaprentun, hvað með hana? Hvað er svona mikil “svindl”
Vegna þess að það er verið að rýra verðgildi eigna fólks. Ég get verið heilt ár að vinna mér inn eina milljón, en ef Seðlabankinn tvöfaldar peningamagnið í umferð þá breytist verðgildi þessarar milljónar í 500.000kr. Verðbólga og peningamyndun er ekkert annað en falin skattlagning. Þetta er alveg eins og hreinlega stela eignum fólks.
Sem ríkið má reyndar gera… löglega… svo lengi sem það kallar þjófnaðinn “skattlagningu”
Upplýst, sanngjörn viðskipti eru “aldrei” ólögleg.
Víst. Ég má ekki versla með vímuefni, fjármagn, matvörur, vinnuafl eða aðrar vörur eins og ég vil þó svo að allir sem taki þátt í viðskiptunum séu upplýstir og finnist viðskiptin sanngjörn. Ef svo væri þá væri frjáls markaður á Íslandi, en hann er langt frá því.
Með svartri vinnu ertu að svindla á heilli þjóð. Meira svindl og fyrirlitlegra svindl fyrirfinnst varla. Ef manneskja borgar ekki skatta á hún að hætta að nota vegi, rafmagn, vatn eða hita frá ríkinu, nema náttúrulega hann hafni hugmyndinni um eignarétt alfarið, en það gera mjög fáir sem vinna svart.
Mér finnst skrýtið hversu harkalega þú tekur á því að ég vilji einfaldlega ekki taka þátt í þessu samstarfi. Með því að vinna vinnu fyrir annan aðila og fá greitt frá honum er ég ekki að svíkja þig á neinn hátt. Það ert þú sem ert að heimta hluta af laununum mínum og hótar mér ofbeldi, fjársektum og frelsissviptingu ef ég læt þig ekki fá peningana sem ég vann mér inn sjálfur.
Auðvitað ætti fólk ekki að fá að nota hluti ef það borgar ekki fyrir þá (gefið að einstaklingurinn sé fjárhagslega sjálfstæður) en þú virðist gleyma því að allt það sem þú taldir upp er starfsemi sem Ríkið hefur einokun á. Ef Ríkið gefur vegagerð, orkumál, menntamál og heilbrigðismál frjáls og lætur einkaaðila keppast um á frjálsum markaði við að útvega þessa þjónustu fyrir íbúa landsins þá skil ég vel að menn ættu að greiða fyrir þjónustuna. En á meðan Ríkið er með einokunarrétt á þessum sviðum, setur lög og reglugerðir og bannar öðrum að útvega þjónustuna á lægra verði þá sé ég ENGA ástæðu til þess að taka þátt í kerfinu eða virða reglur Ríkisins.
1. Samráð verða ekki á frjálsum mörkuðum. Samráð verða bara á mörkuðum sem á liggur þungt regluverk og innganghömlur sem gera samkeppni dýra og tryggir þar með fáum aðilum fákeppnisaðstöðu, líkt og eldsneytismarkaðir á Íslandi og trygginga og heilbrigðisstarfsemi í BNA. Ef markaðirnir væru frjálsir er engin ástæða til þess að halda að verðsamráð geti myndast til lengdar.
Og nei, íslenskir bændur eru ekki samkeppnishæfir bara vegna þess að Ríkið tekur af okkur peningana okkar og lætur þá í vasann hjá bændum. Það kallast ekki að vera samkeppnishæfur, það kallast að njóta forréttinda. Síðan setja þeir tolla á samkeppnishæfa aðila frá útlöndum. Annars skil ég ekki um hvað þú ert að tala í síðustu línunni í þessum lið.
2. Það var enginn að tala um konungsdæmi. Ég spurði þig í myndmáli hvort tilgangurinn helgaði virkilega meðalið. Þú réttlættir Ríkið með því að segja að yfirlýstur tilgangur þess væri að segja okkur hvað sé okkur fyrir bestu og taka stórar ákvarðanir í lífi okkar.
Er þá allt í lagi að ég labbi hús úr húsi, taki helming eigna fólks í hverjum mánuði og hóti þeim ofbeldi ef þau láta mig ekki fá peningana, svo lengi sem ég lofa að nota peningana eins og ég tel að sé þeim fyrir bestu?
En annars vil ég bara vitna í skytturnar:
Ég gef skít í allt sem kallast lýðræði
Lýðræði og einræði hér lifir það bæði
Einræðisherrar sem eru fjöldanum háðir
Ég er einn af fjöldanum en hverju fæ ég ráðið?
3. Af hverju viltu þá taka þessa áhættu á öðrum mörkuðum? Ef þú ætlar að vera samkvæmur sjálfum þér þá ættiru einnig að vilja Ríkiseinokun á iðnaðarmönnum, pípulagningarmönnum, málurum og bifvélavirkjum.
En eins og ég sagði þá er það lítill hluti heilbrigðiskerfisins sem tekst á við lífshættuleg vandamál. Langstærsti hluti kerfisins gengur ekki út á það að taka skyndiákvarðanir þegar sjúklingurinn er meðvitundarlaus og á skammt eftir.
Ókosturinn við opinberan rekstur er skortur á hvatningu til hagræðingar eða skortur á hvatningu til að reka sig vel
Sem lagast einungis með samkeppni. Hvernig veistu hvort hægt sé að hafa heilbrigðiskerfið ódýrara en samt sem áður betra ef enginn fær að prófa sig áfram?
Annars þá er þetta bara kjaftæði hjá þér í endan. Fólk er bara fólk og það að læknar séu undir miklu álagi í miðri skurðaðgerð segir EKKERT um almenna starfsemi heilbrigðiskerfisins.
Og gróðinn er ekki vandamálið, heldur einokunin. Á fullkomnum markaði þá mun hagfræðilegur gróði fyrirtækja ávallt stefna á núllið þar sem þau reyna stanslaust að hagræða í rekstri og undirbjóða síðan samkeppnisaðila. Gróðinn sem þú tala um hjá einokunarfyrirtækjum er ekki vandamálið. Vandamálið eru ekki háu verðin sem eru rukkuð, heldur að of lítið er selt af þjónustu.
Einokunaraðilar selja minna af þjónustu en hagkvæmt er til þess að geta rukkað hærra verð.
Og það að segja að enginn gróðahvati sé hjá Ríkinu er bara bull. Helduru að Ríkið geti rekið sig með 20% halla á ári endalaust? Helduru að Ríkið rækti peningatré í Alþingisgarðinum?
Nei, allt kostar þetta peninga og heilbrigðiskerfið fylgir lögmálum framboðs og eftirspurnar rétt eins og allir aðrir markaðir.
Ef þú hefur það í ríkiseigu, lætur þriðja aðila borga fyrir þjónustuna og hefur enga samkeppni þá endaru með rándýra þjónustu sem fáir hafa efni á. Það að segja að “allir hafi rétt á henni” leysir engan vanda… þá þurfa þeir bara að fara aftast í biðröðina og því miður drepast allt of margir þar.
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína.