Málið er að útlimirnir eru ekki “ónothæfir”. Kenningin um hvernig fuglar þróuðu með sér flug hljómar einhvernvegin svona, ef ég man þetta rétt. Eðlur sem klifruðu upp í tré og stukku milli þeirra, þróuðu með sér hæfileika til að svífa á milli trjánna ( svipað og stökkíkornar ( held ég að þeir séu kallaðir ) í dag ). Þetta svif á milli trjáa þróaðist svo smátt og smátt í lengra svif og að lokum flug. Á þessu þróunartímabili var svifeðlan sem síðar varð fugl, bara að fullkomna eiginleika sinn til að svífa lengra og lengra. Í millitíðinni breyttist hreistur heinnar í fjaðrir og önnur gagnleg einkenni ( fyrir svífandi eðlur ) komu fram.

Og það er mikilvægt að þróun þarf ekki að gerast öll í einu stökki ( þó hún geti gert það ( og ég held að kenningar séu uppi um það að þróun gerist oftast í stökkum ) ) heldur þarf afkoma “hæfari” einstaklingana einfaldlega að vera betri miðað við aðra einstaklinga sem hún keppir við.

Einhvernvegin svona er þetta, ef ég man þetta ( og skil þetta ) rétt.

Ég er ekki beint með svarið við því sem þú ert að spyrja, en mér finnst fólk oft gleyma því að þróun er ekkert hætt. Við erum ennþá að þróast, en við erum ekki eitthvað lokastig í þróun frekar en við vorum fyrir 10 milljónum ára síðan.

Annars þykir mér mjög leiðinlegt að þú skulir trúa þróunarkenningunni.

Fæturnir (eða aðrir útlimir) ákváðu bara ekki allt í einu að verða að vængjum.

Tökum smá dæmi. Þetta eru allt lífverur af sömu tegund.

Lífvera X er með fullkomlega eðlilega útlimi sem hentar henni ágætlega þar sem hún leitar fæðu á jörðu niðri, lífvera Y hefur tekið upp á því að klifra aðeins upp í trén fyrir æti, hún er með pínu fit á milli útlima og búks (stökkbreyting), það gerir henni kleift að stökkva hærra og svífa lengra en lífveru X. Lífvera Z er afkomandi lífveru Y, hún er með pínu fiður á útlimunum, hún getur stokkuð enn lengra og nær því í enn meiri fæðu en lífvera Y. Og svo framvegis, yfir milljónir ára þangað til fremri leggirnir eru algerlega orðnir að vængjum, og jafnvel hættir þetta ekki þá.

Af hverju lærðirðu þetta ekki í skóla? Farðu á wikipedia og leitaðu á netinu, á youtube og svona. Munt fatta þetta almennilega á endanum.

Ekki gleyma að fyrstu landverurnar voru afkomendur fiska, og það er frekar stutt frá uggum yfir í vængi. Kannski þróuðust flugeðlur útfrá eins konar flugfiskum? En flugfiskarnir þróuðust af því að þeir fiskar sem gátu stokkið hæst upp og verið lengst yfir yfirborðinu gátu frekar forðað sér frá ránfiskum, síðan hefur það kannski þróast þannig að hæfustu flugfiskarnir voru þeir sem gátu flogið uppá land og verið þar í smá stund. Það veit ég ekkert um, sjálfur er ég enginn fornleifafræðingur og veit mest lítið um hana, en ég hef leitt hugan að aðstæður þar sem hendurnar eða uggarnir voru ekkert gangslausar á meðan þróuninni stóð, svo kenningunni verður ekki haggað með þessum þræði einum.