gthth fyrir 23 árum, 3 mánuðum Fjöldi lestra: 284

Ætti að kenna heimpeki í grunnskólum?

Hvað finnst Hugum um heimspekikennslu barna? Er heimspekin þroskandi, eða rænir það ef til vill æskunni af börnunum að beina athygli þeirra að vandamálum heimspekinnar og kenna þeim að spyrja spurninga sem fáir geta ef til vill gefið þeim fullnægjandi svör við? Eða er það kannski mannskemmandi og heftandi að gefa fróðleiksþyrstum börnum aldrei neitt krefjandi að fást við? Er heimspekin of krefjandi? Eða er hún, æfing í gagnrýnni hugsun, kannski hin eina sanna kennsla í “lífsleikni”? Hversu gömul ættu börn að vera þegar þau byrja að læra heimspeki? Er 10 ára of ungt? En 8 ára? En 6 ára? En 4 ára? __________________________
Aut tace aut loquere meliora silentio.

___________________________________

kokos fyrir 23 árum, 3 mánuðum

jább, heimspeki í grunnskóla, strax í 1.bekk ;) En það verður nottla að miða kennsluna við þroskastig barnanna, talið er að börn geti ekki farið að beita fullri rökhugsun + abstakt hugsun fyrr en snemma á unglinsárum..þannig að það eru litlar líkur á að ung börn skilji einhverjar hevý heimspekikenningar.

Rænir þau æskunni? njeee.. tilheyri það ekki frekar æskunni að spurja heimspekilegra spurninga hvaða barn spyr ekki,-er heimurinn endalaus, er þetta draumur, af hverju er ég ég, osfr.
því miður eru oft svörin sem þau fá; “hættu þessari vitleysu krakki”.

Mér finnst þú ættir að setja þessa spurningu líka inná Börnin okkar..færð eflaust betri svör þar..

Kókos

Fyrra álit

[Notanda eytt] fyrir 23 árum, 3 mánuðum

Það er þá heldur ekki nóg að kenna börnum heimsspeki … foreldrar þyrftu líka að fá einhvers konar fræðslu, a.m.k. um það, hvað börnin séu að læra í heimspekinni. Annars gæti sem best farið svo að krakkar sem koma heim, uppfull af nýrri vitneskju, verði mætt af vanskilning og/eða áhugaleysi foreldra.

En að kenna heimspeki strax í grunnskóla? Jahá, það væri mun betra en t.d. “Að ná tökum á tilverunni”, sem var óhemju leiðinlegt, og fólst ekki í samræðum heldur einræðu kennarans og leiðandi spurningum hans.

Fyrra álit

gthth fyrir 23 árum, 3 mánuðum

Einmitt, “að ná tökum á tilverunni” og þetta allt… þetta er ekki the real thing, the genuine article, er það? __________________________
Aut tace aut loquere meliora silentio.

___________________________________

Fyrra álit

kokos fyrir 23 árum, 3 mánuðum

Oh no, held að fletir hafi áttað sig á því núna vonandi:)

Fyrra álit

Popcorn fyrir 23 árum, 3 mánuðum

Það er bara gott mál að leyfa börnum að spjalla saman
og reyna á toppstykkið. Heimspeki er ekki alltaf spurning
um að læra, stundum er nóg að skilja. Þetta gæti jafnvel
verið eitthvað sem börnin sjálf hafa áhuga á. <!–Allt hefur í lífinu tilgang
-fyrir utan lífið sjálft.–>
<!–Appearance below function–>
<!–Function above appearance–>
Even a stopped clock gives the right time twice a day.

Fyrra álit

gthth fyrir 23 árum, 3 mánuðum

Já það er rétt að svörin eru of oft “af því bara!” eða “af því að ég segi það!”. En þetta er samt sem áður ein gagnrýnin sem fram hefur komið á barnaheimspeki. Ætli það sé ekki frekar verið að meina spurningar um siðferði og tilgang lífsins. En við erum örugglega samt sammála um að það breyti litlu og þetta ræni þau alls ekki æskunni. :o)

Já það hefur verið rannsakað hvernig rökhusun barna þroskast og þau taka upp á því að nota mismunandi reglur tökfræðinnar á mismunandi stigum. T.d. taka flest öll börn upp á því að nota regluna modus ponens áður en þau læra að beita modus tollens, þ.e.a.s. þau ná fyrst valdi á a) ef x þá y, x / þess vegna y, og síðan valdi á b) ef x þá y, ekki y / þess vegna ekki x.

Svo er líka ólíklegt að ungir krakkar haldi einbeitingunni í gegnum heilan fyrirlestur um verundarhugtak Aristótelesar eða kenningu Quines um óákvarðanleika merkingar. En það er samt vel hægt að kenna þeim heimspeki eins og sannast með því að til er heimspekiskóli fyrir börn (á Íslandi). Spurningin er þá: ættu ekki öll börn að læra agaða og gagnrýna hugsun? __________________________
Aut tace aut loquere meliora silentio.

___________________________________

Fyrra álit

kokos fyrir 23 árum, 3 mánuðum

Einmitt, ung börn skilja líka hlutina bókstaflega, einsog orðalagið “vorum skuldunautum” í faðirvorinu skilja börn oft þannig að það sé verið að tala um naut.

En að fá að læra agaða, og sérstaklega gagnrýna hugsun ætti eiginlega að vera réttur hvers barns

Hefði það viðgengistí grunnskólum hefði sumt fólk á þessum vef hugsað sig tvisvar um þegar það fékk tölvupóst með þessum svokölluðu spádómun arrgh

Kókos

Fyrra álit

LalliOni fyrir 23 árum, 3 mánuðum

unglingadeild eða gaggó. <a href="http://kasmir.hugi.is/crap/“>UT-Death Knight</a>

”Life is hell, enjoy it"
(my philoshopy)

Fyrra álit

gthth fyrir 23 árum, 3 mánuðum

Er ekki unglingadeild og gaggó það sama?

En finnst þér þá ekki boðlegt að kenna yngri krökkum heimspeki? Af hverju ekki? __________________________
Aut tace aut loquere meliora silentio.

___________________________________

Fyrra álit

Sasya fyrir 23 árum, 3 mánuðum

Heimspeki er komin sem valfag fyrir 9. bekk í sumum grunnskólum. Ég veit ekki hvort það er ,,mögulegt" að kenna ungum krökkum, þá verður a.m.k. að aga þá fyrst… kennarar reyna oft að hrúga á þá verkefnum svo það verði ekki uppþot. Og í tímum sem maður á að tjá sig í eiga kennararnir það á hættu.

Ég er ekki sammála kennurunum um þetta, en svona er víst bara veruleikinn :( ….Seize the moment cause, tomorrow you might be dead….

….Seize the moment cause, tomorrow you might be dead….

Fyrra álit

gthth fyrir 23 árum, 3 mánuðum

Já ég hef nú kannski frekar í huga kennslu eins og er að finna í Heimspekiskólanum fyrir börn þar sem eru krakkar á aldrinum 6-12 ára. Ég held að það séu engir fyrirlestrar, bara samræður. Það þarf flinka kennara til að ráða við það og ég ber mikla virðingu fyrir þeim sem að Heimspekiskólanum standa. __________________________
Aut tace aut loquere meliora silentio.

___________________________________

Fyrra álit

gthth fyrir 23 árum, 3 mánuðum

Hérna eru nokkrir staðir á netinu þar sem fjallað er um barnaheimspeki :o)

Heimspeki með börnum:
http://www.islandia.is/~hskoli/hmb1986.htm

Heimspeki með börnum og unglingum:
http://www.islandia.is/~hskoli/hmb1992.htm

Lærum margt sem fullorðnir vita ekki:
http://www.islandia.is/~hskoli/DV191288b.htm

Ungir hugsuðir:
http://www.islandia.is/~hskoli/VIKAN94.htm __________________________
Aut tace aut loquere meliora silentio.

___________________________________

Fyrra álit

Bubbmaster fyrir 23 árum, 3 mánuðum

Ég hefði verið major til í að læra heimspeki í staðinn fyrir t.d. kristinfræði sem er ekki alveg nógu “sniðuglega” kennd.

Fyrra álit

gthth fyrir 23 árum, 3 mánuðum

Já auk þess em kristinfræði kennir hvað felst í kristni en virðir að vettugi önnur trúarbrögð. Og það er óviðunandi í trúfrjálsu landi. En heimspekin kennir mönnum það eitt að virða rök og hafa, svo ég noti gamla íslenska klisju, það sem sannara reynist. Það ætti að gera menn betri þjóðfélagsþegna í lýðræðisríki. Það er gott uppeldi. Og það er það sem við viljum, ekki satt? Ala börnin okkar vel upp. __________________________
Aut tace aut loquere meliora silentio.

___________________________________

Fyrra álit

Kjarrval fyrir 23 árum, 3 mánuðum

Mér finnst að það ætti að skipta heimspeki alveg út fyrir dönskuna eða að hægt er að velja á milli heimspeki og dönsku. Þegar krakkarnir byrja að læra heimspeki hætta þau að spyrja heimskulegra spurninga heldur reyna þau að finna út svarið sjálft og það ætti að hvetja þau til að leysa sín vandamál sjálf. Þá er aldrei að vita hvort þau verða afbragðs heimspekingar. —-$<a href="http://frami.svavarl.com“ target=”frami.svavarl.com“>Frami</a>$<a href=”http://fragman.svavarl.com“ target=”fragmanhomepage“>Fragman</a>——-
Það er eitt sem vefhönnuðir ættu að hafa í huga:
”The user is not designed for the page, the page is designed for the user“
-<a href=”http://fragman.svavarl.com“ target=”fragmanhomepage">Fragman</a>, 2001

Fyrra álit

gthth fyrir 23 árum, 3 mánuðum

Já, hætta að spyrja heimskulegra spurninga en byrja að spyrja gáfulegra spurninga. Hvort þau finna svarið sjálf má Guð vita. Kannski tekst einhverjum það eftir margra ára pælingar. En aðalatriðið er að fá þau til að pæla.

Ég er sammála þér með dönskuna. Ég er reyndar sannfærður um að það gagnist fólki mjög að læra tungumál. En það er brýnna að læra ensku vel og læra svo þýsku og frönsku (eða önnur mál). Svo ég tali nú ekki um íslenskuna sjálfa; það mætti eyða aðeins meiri tíma í að kenna hana betur. Dönum væri hins vegar nær að læra íslensku. Ég er nú samt ekki að segja að það eigi að leggja dönskuna niður. Eins og þú segir ættu menn að fá að velja.

Þetta með enskuna er eitthvað sem Íslendingar skilja almennt illa. Það er mjög erfitt að læra ensku. Hún er mjög erfið. Við höldum að við séum svo ógeðslega góð í henni að það þurfi næstum ekki að kenna hana hérna. En enska er það mál í heiminum sem auðveldast er að læra illa.

Annars ætti að taka upp á því að kenna latínu hérna. Það er nánast ómögulegt að útskýra fyrir þeim sem ekki hafa lært hana hve mikilvæg hún er til skilnings á nær öllum evrópskum málum. Maður getur aðeins bent þeim sem ekki hefur lært hana á yfirborðskennd atriði eins og það að 80% enskunnar er grísk-latneskir orðstofnar. En það er meira sem erfiðara er að útskýra. Auk þess sem sýnt hefur verið fram á að latínunám hjá 12 ára krökkum bætir árangur þeirra í stærðfræði!

En ég er löngu kominn út fyrir efnið… :) __________________________
Aut tace aut loquere meliora silentio.

___________________________________

Fyrra álit

VeryMuch fyrir 23 árum, 2 mánuðum

Ef við sem þjóð eða mannkyn, viljum feta braut í átt til “þekkingar” eða “framfara”, þá ættum við að reyna að vekja einstaklinga sem fyrst til meðvitundar..
Heimspekin er tilvalin til þess..
En við verðum að gera okkur grein fyrir því álagi sem það veldur sumum sálum, sér í lagi þegar á líður og sýnin skerpist..
En ég er hlyntur “þekkingu” og “framförum”, jafnvel þó það geti valdið einstaklega ásækinni þráhyggju vangaveltna og pælinga..
Ég er ekki að vera sér lega skýr núna..
Það sem ég er að reyna að segja er: Heimspeki á háu stigi, hjá sumum viðkvæmum sálum, er ekki holl líkamlega eða andlega. En ég tel kostina vega gallana upp.
PS. ég ætti líklega að geta þess að ég var í áðurnefndum heimspekiskóla fyrir börn hér á Íslandi

Fyrra álit

gthth fyrir 23 árum, 2 mánuðum

Gaman að sjá þig aftur í umræðunni hérna, VeryMuch :)

Það er satt að heimspeki á háu stigi getur leitt til þráhyggju eða vanlíðunnar hjá sumum. En það verður hins vegar að segjast eins og er að eintóm eðlisfræði gertur gert það líka. Jafnvel líffræði. Tómleiki og kuldi fylgir því að læra að ástin sé hormónablanda númer 345, taugaboð í heilasellu 18 eða í geni YK92. Ég held að ef vel er haldið á spilunum sé hægt að sneiða hjá svona löguðu.

Kostirnir vega án efa gallana upp. Heimspekin þroskar fólk. Við viljum umgangast þroskað fólk og þroska sjálf okkur. Ég myndi segja að lífshamingjan velti á því (ekki taka þessu sem heimspekikenningu samt:)).

Það er svo merkilegt með þennan heimspekiskóla að ég hef engan hitt sem hefur verið í þessum skóla sem er óviðræðuhæfur hrokagikkur, allir sem ég hef hitt hafa verið frekar eftirtektarsamir, nærgætnir og skarpir, gagnrýnir og frjóir. __________________________
Aut tace aut loquere meliora silentio.

___________________________________

Fyrra álit

VeryMuch fyrir 23 árum, 2 mánuðum

Já gaman að sjá þig líka gthth…
Ég er sammála svari þínu..
Heimspekiskólinn hefur velt þungu hlassi hvað mig varðar. Ég var farinn að hugsa áður en ég fór í hann, en hann kenndi mér ef til vill að ég væri á réttri leið eða að það væri eitthvað fyrir handan þe markmið með þessu.. eða kannski kom það seinna ;) en þar er erfitt að skilja á milli.. þe óbeinna árhifa og beinna.. og eru óbeinu áhrifin ef til vill mest og merkust.. eða neistinn sem kveikti mikið bál..
Málið með mig er bara að ég er til búinn og reiðubúinn að deyja fyrir þetta ferli sem heimspekin er svo stór partur af.. þe þekkingar leit og framfarir..
Kannski má orða það svo að mér er svo andskoti mikil dauðans avara, án þess að vera alvarlegur í þeim skilningi.. Þetta er bara svo mikil ástríða að ég verð að kúpla mig út úr þessu til að springa bara ekki..
En að þessu leiti lifi ég til að deyja ;)
Ég vil þó alls ekki hljóma eins og rómatískur draum hugi, það dó fyrir löngu ;)
Ég vil ss grillast á hægum eldi þekkingar leitar, eða hvað sem þessi viðleitni getur kallast, mig grunar að sannleikurinn sé handan orða, kannski handan merkinar líka.. hver veit
Ég ætla áð hætta núna áður en ég fer að eltast við skottið á sjálfum mér.

Fyrra álit

Heimspeki

Heimspeki

Ofurhugar

Stjórnendur

Hverjir eru inni

Korkar - Heimspekilegar umræður

Ætti að kenna heimpeki í grunnskólum?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi