Nú? Á ekki heimurinn að hafa myndast einhversstaðar við mikla sprengingu. Ég hélt að sá staður væri miðjan. Annars veit ég að staður án nokkura einda er ekki beint staður, nema í hæsta lagi í huglægum skilningi. Er það það sem átt er við?

Eitt sinn sagði vitur maður mér að Seltjarnarnesið væri nafli alheimsins, þó að ég viti ekkert um trúverðugleika þeirrar fullyrðingar.

Ég átta mig á því að afstæðiskenningarnar séu tvær. Hins vegar er oft vísað til þeirra beggja með orðinu í eintölu (og með ákveðnum greini ef Einsteins er ekki getið), þ.e. afstæðiskenning Einsteins eða afstæðiskenningin. Þannig hefur til dæmis komið út á íslensku Afstæðiskenningin eftir Einstein (smelltu á titilinn til að lesa um bókina hjá útgefanda). Þess má geta að í þessu riti tekur Einstein sjálfur dæmi um menn sem kasta bolta um borð í lest sem er á ferð (ef ég man rétt). Það dæmi hefur að vísu ólíkan tilgang en spurningin hér um manninn í flugvélinni en er samt um margt afar líkt.

Svarið mitt við spurningunni hér að ofan byggir á þeirri hugmynd að það fari eftir því við hvað er miðað hvort hlutur sé á hreyfingu eða ekki. Þetta er höfuðatriði í afstæðiskenningu(m) Einsteins en er það ekki í newtonskri eðlisfræði (Hér kemur m.a. fram að "[Newton] taldi að það hvort atburðir gerðust á sama tíma og lengd atburða í tíma væri óháð afstöðu við þá og að tímalengd milli atburða væri óháð afstöðu hluta í heiminum.“).

Það er vitaskuld rétt að það þarf ekki að grípa til afstæðiskenningarinnar (sem fjallar ekki um menn í flugvélum) til að svara spurningunni, enda gerði ég það ekki (ég gat fyrst um skyldleika svars míns og hennar þegar minnst var á eðlisfræði). En svarið mitt er samt sem áður ekki á newtonskum forsendum heldur á forsendum afstæðiskenningarinnar. Þess vegna sagði ég seinna að svarið ”byggði" á afstæðiskenningunni (þótt ég hefði ekki beint beitt henni til að svara spurningunni) enda byggir svarið á þessari grunnhugmynd kenningarinnar um að það sé hvorki til algildur tími né algilt rúm. Og spurningin er einmitt þannig orðuð að besta svarið við henni felst í að benda á að það fari eftir við hvað er miðað hvort sitjandi maður í flugvél er á hreyfingu eða ekki.