Ég vil vekja athygli á tveimur nýjum atburðum hér á heimspekiáhugamálinu, Hádegisfundi á vegum Heimspekistofnunar Háskóla Íslands annars vegar og Huggun heimspekinnar hins vegar.

Huggun heimspekinnar er umræðuvettvangur fyrir áhugafólk um heimspeki. Fyrsta fimmtudag hvers mánaðar hittist áhugafólk um heimspeki á Celtic Cross og hlýðir á stutta framsögu um heimspekilegt efni sem er fylgt eftir með umræðum. Kristín Sætran mun að þessu sinni fjalla um heimspekina í framhaldsskólunum.

Á hádegisfundi Heimspekistofnunar að þessu sinni mun ítalski Carlo Penco tala um Bertrand Russell, Albert Einstein og heimspekina eftir árið 1905.