Nú hef ég stundað nám í heimspeki við Háskólann og hef tekið próf þar og hef líka skoðað vandlega gömul próf, farið yfir próf, meira að segja samið próf, og ég þori að fullyrða að fyrri spurningin þín, “Er þetta spurning?” hefur aldrei komið <i>í þessu formi</i> á próf í háskólanum. En málið er samt ekki svona einfalt. Það hefur vissulega verið spurt hvað spurning er á prófi, en bara ekki svona. Heldur var þessi sígilda spurning í þekkingarfræðinni í mörgum liðum, t.d.: Hvað er a) þekking, b) skoðun, c) að vita, d) að kunna, e) spurning …o.s.frv. Og þessi spurning með öllum sínum liðum hefur aldrei verið meira en helmingur eða kannski þriðjungur af prófi sem gildir 50%. En ég held að það sé alveg víst að það hefur aldrei verið próf með einni svona spurningu: “Hvað er spurning?” Og það er líka goðsögn að einhver hafi fengið tíu fyrir að svara “Ef þetta er spurning þá er þetta svar!”.

Varðandi tréð í skóginum er kannski fróðlegt fyrir þig að lesa <a href="http://visindavefur.hi.is/?id=300“>þetta</a> svar Eyju Margrétar Brynjarsdóttur, heimspekings, á vísindavefnum. En taktu eftir að spurningin sem hún er að svara er pínulítið öðruvísi orðuð.

Annars hafa gárungar breytt þessari spurningu á ýmsa lund. Ein útgáfa hennar er svona: ”If a stealth bomber crashes in a forest, will it make a sound?" :)<br><br>____________________________________
<b>Aut tace aut loquere meliora silentio.</

Ég er nokkuð viss um að þetta hefur aldrei komið fyrir <i>svona</i> á prófi í háskólanum og enn vissari um að það hefur ekki fengist tía fyrir þetta. Ég hef sjálfur farið yfir fjöldan allan af prófum í heimspeki í háskólanum og ég myndi ekki gefa tíu fyrir þetta svar og enginn kennari sem ég þekki.

Þetta er ekki einu sinni það gott svar. “Ef þetta er spurning þá er þetta svar” er skilyrðissetning. Þegar þú segir eða skrifar þessa skilyrðissetningu þá ertu ekki nauðsynlega að halda því fram að skilyrðið sé uppfyllt (þ.e. (í þessu tilviki) að þetta hafi verið spurning) og ert langt frá því að vera búinn að gefa lesanda þínum gagnlegar upplýsingar um það hvað spurning er.

Maður gæti alveg eins spurt: “Hefur einhver maður einhvern tímann stigið fæti á tunglið?” Auðvitað væri þetta þá lélest svar: “Ef Neil Armstrong steig færi á tunglið þá hefur einhver maður stigið fæti á tunglið”. Þetta er vissulega satt og rétt en samt er þetta ömurlegt svar. Af hverju er svarið lélegt? Jú, vegna þess að það missir bara einfaldlega marks; lesandinn er engu nær um það hvort Neil Armstrong eða einhver annar maður hefur stigið fæti á tunglið. Spurningunni er tæknilega séð enn ósvarað.

Það er til fullt af svona goðsögum um heimspekinám í háskólum. Ein er sú að kennari hafi á prófi beðið nemendur um að rökstyðja að kennaraborðið fyrir framan þá væri ekki til. Einn nemandi hafi svo fengið tíu. Hann skrifaði: “Hvaða borð?”. En þetta er bara goðsaga.

Ég þori að fullyrða að þessi spurning hafi ekki komið fyrir svona á prófi í háskólanum og að það hefur ekki fengist tía fyrir þetta svar. Sönnunarbyrðin er nú á þeim sem halda samt að þetta hafi gerst. Mér þætti gaman að vita í hvaða námskeiði og hvaða ár þetta á að hafa komið fyrir og hvaða kennari hafi gefið tíu fyrir.<br><br>____________________________________
<b>Aut tace aut loquere meliora silentio.</