Ef þú vilt bara almenna umfjöllun um Platon og heimspeki hans þá mæli ég með heimspekisögubókum. Í <i>Heimspekisögu</i> eftir Gunnar Skirbekk og Nils Gilje (Háskólaútgáfan, 1999) er einn kafli um Platon. Sú bók er líka töluvert betri en <i>Saga heimspekinnar</i> eftir Bryan Magee (Mál og menning, 2002), en þar er einnig að finna kafla um Platon.

Nokkur af verkum Platons hafa verið þýdd á íslensku og á undan þeim er yfirleitt góður inngangur. Í bókinni <i>Síðustu dagar Sókratesar</i>, þar sem er samræðurnar <i>Kríton</i> og <i>Fædon</i> ásamt <i>Málsvörn Sókratesar</i>, er inngangur eftir Sigurð Nordal þar sem hann fjallar um samband Sókratesar og Platons. Í inngangi að <i>Gorgíasi</i> fjallar Eyjólfur Kjalar Emilsson um ævi og störf Platons almennt og í inngangi að <i>Ríkinu</i> fjallar hann um frummyndakenninguna sérstaklega. Eyjólfur hefur einnig þýtt <i>Samdrykkjuna</i> og fjallar í inngangi að henni um það verk og áhrif þess á nýplatonista eins og Plótínos (205-270 e.Kr.) enda fylgir í þeirri bók þýðing á ritgerð Plótínosar um fegurðina. Allar eru þýðingarnar gefnar út af Hinu íslenzka bókmenntafélagi.

Svo er mjög góða og skýra umfjöllun um stjórnspeki Platons að finna í tveimur ritgerðum í bók Atla Harðarsonar, <i>Vafamál: ritgerðir um stjórnmálaheimspeki og skyld efni</i> (Hið íslenzka bókmenntafélag, 1998).

Í bókinni <i>Tilraunir handa Þorsteini</i> (Heimspekistofnun/Háskólaútgáfan, 1994) er líka að finna alla vega tvær ritgerðir um Platon. Önnur er eftir Einar Loga Vignisson og heitir “Skáldið staðnæmist við eldinn”; hin ereftir Gunnar Harðarson og heitir “Óðs manns æði? Um afstöðu Platóns til skáldskapar”. Þá er líka þriðja ritgerðin eftir Eyjólf Kjalar Emilsson sem heitir “&#928;&#949;&#961;&#953; &#949;&#960;&#953;&#963;&#964;&#951;&#956;&#951;&#962;” (þ.e. um þekkingu), sem fjallar um þekkingarhugtak Platons og Aristótelesar beggja.

Gott ef ég hef ekki líka skrifað eitthvað um Platon hér á Huga :)

Annars mæli ég eindregið með að þú lesir samræður Platons sjálfs og byrjir á <i>Menoni</i> og <i>Gorgíasi</i> en farir síðan yfir í <i>Fædon</i>, <i>Ríkið</i> og <i>Samdrykkjuna</i> :)<br><br>____________________________________
<b>Aut tace aut loquere meliora silentio.</