Þetta er náttúrulega alveg óleisanlegt mál og báðar skoðannir jafngildar. Því einhver verður hænan að hafa verið til að verpa þessu blessaða eggi, en hænan var náttúrulega einhverntíman egg sjálf. Þeim sem tekst raunverulega að leysa þessa gátu, byggi sennilega yfir nógu mikilli visku til að leggja undir sig heiminn.

Svona ráðgátur eru ævafornar. Til dæmis, ef að þú setur egg nákvæmlega á mitt hvolflaga húsþak, hvoru megin myndi það renna niður? (butséð frá vindi og öðrum náttúrufyrirbrygðum.)

Hvernig er það annars; verður hænuegg ekki að koma úr hænu? Ef “frum-hæna” verpir eggi, þá er það “frum-hænuegg”, en ekki hænuegg, jafnvel þótt að út skríði ungi sem mun síðar teljast vera hæna en ekki “frum-hæna”.

Ég verð að viðurkenna að ég hef oft velt þessu fyrir mér, og komist að svipaðri niðurstöðu og Iceberg, það er að eggið hafi komið á undan hænunni.

Einu sinni fyrir langa löngu var til fuglategund sem við skulum kalla “bæna”. Hún var frábrugðin hænunum sem við þekkjum í dag að því leiti að hún gat ekki melt korn. Að öðru leiti var hún alveg eins. Augljóslega var þetta ekki hagstætt fyrir aumingja bænuna að geta ekki melt korn, því mikið var um korn á hennar slóðum. Og bændurnir sem ræktuðu bænurnar á bænubúunum sínum reyndu og reyndu að fóðra bænurnar á kornum (það var jú mjög mikið af korni til þarna og ekki hægt að selja það allt) en allt kom fyrir ekki. Flestar bænurnar dóu bara úr næringarskorti. Svo fór það ótrúlega að gerast. Það fæðist bæna sem hafði þann eiginleika að geta melt korn! Að sjálfsögðu var þarna ekki um neina venjulega bænu að ræða, heldur er þarna komin inn á sjónarsviðið fyrsta hænan. Samkvæmt náttúrulögmálinu sörvæval of the fittest dó bænan smám saman út og hænan tók við. Mun hagstæðara bæði fyrir hænuna að þurfa ekki að deyja, og fyrir bóndann sem gat losað sig við kornið.

Það sem þið hafið verið að velta fyrir ykkur er, hvort að bænueggið teljist sem fyrsta hænueggið því að hæna skreið úr því, eða hvort það sé bara síðasta bænueggið og fyrsta hænuegginu verði verpt af hænunni. Mér finnst rökréttara að bænan hafi verpt fyrsta hænuegginu, því hænan skreið úr því. Hænan þróaðist inní egginu, hefði þetta verið venjulegt bænuegg hefði bæna augljóslega skriðið úr því, en þar sem þetta var ekkert venjulegt bænuegg skreið hæna úr því, því tel ég að eggið hafi komið á undan hænunni.