VeryMuch fyrir 22 árum, 11 mánuðum Fjöldi lestra: 758

Völundarhús.

Ég sendi hér grein meira fyrir forvitnissakir. Ég fékk hugmynd sem ég vil bera undir ykkur, hér á heimspeki.

Þetta er ölluheldur kenning, sem ég er að setja fram. En það sem ég vil að þið segið mér, er hvort þið hafið séð þessa kenningu áður. Hvort hún er þegar komin fram. Það þykir mér reyndar líklegt.

—————————————————————–

Kenning/tilgáta: Hvernig á að komast í gegn um öll völundarhús, í tvívíðu rúmi. Algóriþmísk, algild aðferð, til að komast í gegn um völundarhús.

["Lausn": Að finna leið í gegnum völundarhús.]

(1) Völundarhús samanstanda af “úthlutum” og studnum “eyjahlutum”.

(1a) “Úthlutar/eyjahlutar” hafa samfellt yfirborð.

(2) “Úthlutar” eru alltaf jafn margir og út/inn-gangar völundarhúss. Gegna hlutverki við “lausn” völundarhúsa.

(2a) Yfirborð “úthluta” myndar ytri hluta völundarhúsa, aukþess að vera innra yfriborð völundarhúsa.

(3)“Eyjahlutar” eru stakar heildir inní völundarhúsi, þeas eyjar. Gegna ekki hlutverki við “lausn” völundarhúsa.

(3a) Yfirborð “eyjahluta” myndar sjálfstætt yfirborð, aðskilið “úthlutum”, myndar aðeins innra yfriborð völundarhúsa.

————————————————————–

Agoriþmísk lausn:

1. Greinum völundarhús í “úthluta” og “eyjahluta”

2. Við horfum framhjá (ignorum) “eyjahluta”, þar sem þeir skipta ekki máli við lausnina.

3. Við veljum inngang.

4. Við inngang mætast ávallt 2 úthlutar, við veljum þann hægri eða þann vinstri.

5. Við fylgjum yfirborði “úthlutans” sem við völdum, þar til hann leiðir að næsta útgangi. Líkt og við settum hendi á vegginn við innganginn, og tækjum hendina aldrei af veggnum.

6. Lausn er fundin.

——————————————————————

1.-5. Leiða alltaf til lausnar á völundarhúsi, í tvívíðu rúmi.

Á þennan hátt getum við allaf komist í gegn um völundarhús!

Ég sendi mynd með þessu, svo þig getið prufað þetta sjálf.

S.s. veldu þér hægri eða vinstri vegg, við inngang, og fylgdu yfirborði veggsins, og þú endar í útgangi! Halelúja! ;)

Þetta er í raun svo augljóst að það sannar sig sjálft. En ég sanna þetta kannski síðar.

En ef þú hefur heirt um þessa lausn áður, láttu mig endilega vita. :)

Það getur ekki verið annað en einhver sé búinn að setja þetta fram fyrir löngu.

Kveðja
VeryMuch

afnord fyrir 22 árum, 11 mánuðum

Sorry…ekkert er nytt undir solinni og thu ert ekki sa fyrsti sem kemur med thessa lausn…eg hef heyrt hana adu

Kveðja

Fyrra álit

gthth fyrir 22 árum, 11 mánuðum

Myndirðu vera svo vænn að segja okkur hvar? :)

___________________________________

Fyrra álit

krilli fyrir 22 árum, 11 mánuðum

ég sá þetta í Æskunni

(nema þetta var ekki svona flókið þá)

en flókið er betra eins og allir vita!

kökur eru góðar … en ég vill vita á hvaða forsendum!

-k-

Fyrra álit

[Notanda eytt] fyrir 22 árum, 11 mánuðum

Þetta er snilld!!!!

Ég hef aldrei heyrt um þetta áður… en þetta er gargandi snilld, vægast sagt.

Ég prófaði bæði hægri og vinstri hliðina og komst alltaf á leiðarenda, þetta er samt svo augljóst þegar maður fattar þetta.

Hversvegna var maður þá ekki búinn að fatta þetta, eða heyra þetta áður????

Fyrra álit

Xtreme fyrir 22 árum, 11 mánuðum

já stærðfræðu kennarinn minn sagði mér þetta einhvern tímann þetta er samt algjör snilld

est-ce que tu comprends?

Fyrra álit

VeryMuch fyrir 22 árum, 11 mánuðum

Damn! Það var svo sem auðvitað að maður er ekki fyrstur með svona hluti.

En ég sver að ég fattaði þetta sjálfur.

Mér datt líka í hug sönnun, eftir að ég sendi greinina inn.

Sönnun:
Völundarhús er alltaf samansett af “úthlutum” sem eru jafnmargir og inn/út-gangar.

Yfirborð “úthluta” er alltaf samfellt.

Yfirborð “úthluta” liggur alltaf utan og innan völundarhúsa.

Þal ef yfirborði “úthluta” er fylgt eftir, þá hlýtur það að leiða þig út úr völundarhúsinu, og ef haldið er áfram, inn aftur, og svo hring eftir hring.

Ss af því að “úthlutinn” er samfelldur, og liggur alltaf inni og úti.. hlýtur yfirborð úthluta að leiða þig í gegn um völundarhús, það er óumflýjanleg nauðsyn. Hananú og halelúja! og Q.E.D.!

Nú er þetta ekki legnur tilgáta né kenning, þetta er orðið lögmál! ;)

Fyrra álit

hallurha fyrir 22 árum, 11 mánuðum

… …þetta er eins og að fylgja veggjum inní hvaða húsi sem er…svo framarlega sem að maður fylgir ytri veggnum…kemst maður út :|

Klapp…klapp?

Fyrra álit

krilli fyrir 22 árum, 11 mánuðum

en sko völundarhús

æ nenni ekki að útskýra

en þetta er ekkert flókið, síðan hvenær þarf maður bara að labba einhverstaðar inn í það og einhverstaðar út úr því?

kannski er gúmmolaði einhverstaðar í miðjunni sem maður þarf að finna … hvað gerir maður þá? hm? ha?

(ehh já ég var að enda við að lesa harry potter 4 :P)

-k-

Fyrra álit

Froztwolf fyrir 22 árum, 11 mánuðum

Til að spæla ykkur ennþá meira, þá held ég að ég hafi séð þessa lausn fyrst í teiknimynd þegar ég var lítill. Alltaf beygja til vinstri.

kv.

Fyrra álit

Popcorn fyrir 22 árum, 11 mánuðum

Iss, ég fann þetta í andrésblaði :)

Fyrra álit

krizzi fyrir 22 árum, 11 mánuðum

Stórt húrra fyrir VeryMuch og þessari snild!

N/A

Fyrra álit

[Notanda eytt] fyrir 22 árum, 11 mánuðum

ekki neitt nitt bróðir minn kom einusinni með þessa kenningu þegar við vorum i ofvirkniskasti

Fyrra álit

Popcorn fyrir 22 árum, 3 mánuðum

Þetta er víst eldgömul grein en…

Eftir að hafa prófað þetta smá komst ég að því að
það sem þú heldur fram er fullkomlega rétt… ekki
er hægt að smíða völundarhús sem ekki er hægt að
fara í gegn um.

Þetta kom mér til að spá hvað “pointið” væri með
völundarhúsum yfirhöfuð, þar sem alltaf er hægt að
sleppa úr þeim.

En, viti menn! Sé fórnarlambið látið inn í miðju
völundarhússins er auðvelt að smíða völundarhús
sem engin örugg leið er til að sleppa úr.

Þetta sést þó ekki á myndinni hér.

Völundarhúsið þyrfti að innihalda veggi sem tengdust
sumir ekki hver öðrum. Svona eins og ferningur í
miðju völundarhúsinu sem tengist ekki neinu,
líkur fleka.

Sé hugmyndin um fleka útfærð og flækt kemur út
völundarhús sem, ef nógu flókið, ætti að geta
haldið manni föngnum að eilífu, að sjálfsögðu
með því skilyrði að hann sé ekki að ganga í gegnum
það, semst byrji ekki fyrir utan.

Fyrra álit

VeryMuch fyrir 22 árum, 3 mánuðum

Popcorn:

Hehe þú ert annsi öflugur þykir mér. :)

Jú, þú getur gert e-m annsi erfitt fyrir ef þú kemur honum fyrir inní völundarhúsi, þar sem hann veit ekki hvort veggirnir eru partur af “úthluta” eða “eyjahluta”.

En ss ef hann leggur hendina á annan vegginn, og fylgir veggnum, án þess að sleppa hendinni af honum, fer hann annaðhvort í hring, eða út úr völundarhúsinu.

Ss, ef veggurinn er yfirborð “eyjarhlutar” þá fer hann í hring. Þannig að hann verður að muna hvar hann byrjaði, og prufa hinn vegginn næst. ;)

Ef afturámóti veggurinn væri hluti af “úthluta” myndi veggurinn leiða hann út úr völundarhúsinu. (Ef hann héldi áfram að fylgja veggnum eftir að hann væri kominn út, myndi hann einnig enda á sama stað og hann byrjaði, eins og með “eyjahlutann”.

Ef aftur á móti báðir veggirnir tilheyrðu, “eyjahluta”, myndi málið vandast töluvert, og ferðalangurinn yrði að finna nýjan vegg, þe vegg sem hann telur gæti tilheyrt nýjum hluta, annaðhvort út- eða eyja-hluta. Svo gæti þessi áætlaði nýji veggur verið sami veggur og hann er að fylgja, eða veggur sem hann hefur áður fylgt. (Þeir gætu einnig í raun verið sami veggur. Bara til að benda á möguleikann.)

Það er alveg rétt hjá þér að það gæti orðið mun erfiðara að komast út ef maður stendur allt í einu inni í miðju völundarhúsi. En málið er að aðferðin virkar alveg eins vel og áður, maður velur vegg og fylgir honum. En í því tilviki þegar maður stendur við innganginn á völundarhúsi, hefur maður þekkinguna umfram, þe maður veit að sitthvor veggurinn sem myndar innganginn, hlýtur að vera partur af úthluta, þar sem þú stendur enn úti.

Mér þykir frábært að þú nennir að lesa þetta gamla dót og er bara soldið upp með yfir því að þú hafir lagt það á þig að skoða þetta. :)

Kv
VeryMuch

Fyrra álit

Popcorn fyrir 22 árum, 3 mánuðum

Þá gildir það væntanlega að fórnarlambið fer alltaf
í hring ef það lendir í eyjarhluta, og þannig gæti
aðferðin brugðist, nema hann veldi sér annan vegga
sem, ef heppnin er með leiddi hann út.

En ég var að spá í annarri lausn.

Hvað með að hugsa ekki um að fylgja veggnum heldur
fara alltaf í sömu átt, eða gefa áttum gildi þannig að:

Ef ég get farið upp: fara upp
annars ef ég get farið til vinstri fara til vinstri
annars ef ég get farið niður, fara niður
annars fara til hægri.

Þetta myndi væntanlega leiða mig, á endanum á
efsta stað völundarhússins, sem er úthluti.

Þannig kemst ég út.

Með þessu þyrftu eyja-hlutar ekki að gera þetta
neitt erfiðara.

Fyrra álit

VeryMuch fyrir 22 árum, 3 mánuðum

Popcorn:

Mér sýnist þessi aðferð koma eins út og að velja ss vinstri vegg og fylgja honum. Um það gildir það sama og að velja vinstri vegg og fylgja honum.

Þannig hvort nágunginn í völudnarhúsinu kemst út, fer eftir því hvort veggurinn á vinstri hönd, tilheirir úthluta eða eyjahluta. Ef hann er við innganginn þá fer hann inn í völdundarhúsið og út um næsta inngang sem þessi úthlutur myndar við annan úthlut.

En vandamálið er það sama eins og áður ef maðurinn er staddur inni í völudnarhúsinu og vinstri veggurinn er eyjahluti. Þar sem hann er í raun að fylgja vinstri veggnum, með sömu aðferð og ég lýsti, nema að hann hefur þegar valið að fylgja vinstri veggnum.

Málið er að hann beygir ss alltaf réttsælis, ss eins og klukkan gengur. (Nema auðvitað að veggurinn leiði hann til hægri, en að segir sig sjálft, þar sem hann neyðist að fylgja stefnu veggsins.)

Kv
VeryMuch

Fyrra álit

Heimspeki

Heimspeki

Ofurhugar

Stjórnendur

Hverjir eru inni

Greinar

Völundarhús.

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi