Ekturius fyrir 23 árum, 2 mánuðum Fjöldi lestra: 557

Hvað merkir orðið skiljanlegt?

Ég var aðeins að velta mér fyrir þessu, hvað merkir það að segja að eitthvað sé skiljanlegt. Kveikjan að þessu er grein sem skrifuð var um hryðjuverkin í Bandaríkjunum. Það var einhver sem sagði að hún væri skiljanlegt út frá því sem Bandaríkjamenn hafa gert í utanríkismálum. Mér finnst það hinsvegar ekki skiljanlegt frá þessum forsendum. Þá er svarið að skiljanlegt merkir bara að þeir höfðu ástæðu og ekkert hægt að þræta um það, en hvað ef manni finnst ástæðan ekki nógu góð?

Tökum dæmi, lítið barn rænir af mér nammipoka. Í reiðiskasti myrði ég barnið. Er ákvörðun mín skiljanleg? Ég hafði vissulega ástæðu til að gera eitthvað, en voru viðbrögð mín skiljanleg?

Finnst mönnum það líka skiljanlegt að myrða afkomendur manns sem framdi glæp, eða fólks sem er í sama ríki og hann?

Er skiljanlegt að samtök í Bandaríkjunum myndi taka það að sér að ræna farþegaþotu í Palestínu/Afghanistan og brotlenda henni á þéttbýli þar? Það voru jú arabar sem stóðu fyrir þessum ódæðisverkum í Bandaríkjunum…en er það skiljanlegt?

Væri gott að fá svar við þessu.

Jezzybelle fyrir 23 árum, 2 mánuðum

Ég held að orðið skiljanlegt geti bara hver túlkað útaf fyrir sig, að þetta sé spurning um álit. Eitthvað sem ég tel vera skiljanlegt þarf ekki þér að þykja skiljanlegt þannig að þessu er frekar erfitt að svara að mínu mati.

Fyrra álit

jing fyrir 23 árum, 2 mánuðum

Í Bandaríkjunum eru til menn sem kallaðir eru profilers. Þeirra vinna er að finna út hvernig fjöldamorðingjar hugsa og reyna að skilja þá sem best svo hægt sé að ná til þeirra og stöðva þá. Með skilningi sínum á fjöldamorðingjum hafa þeir komið í veg fyrir mörg morð. Þessi skilningur réttlætir ekki eitt né neitt heldur er fyrirbyggjandi. Þeir afla sér þekkingu á þessu sviði og nýta sína þekkingu til að vinna úr þeim vísbendingum sem þeir hafa til að ná morðingjanum. Ég skil ekki allt frekar en hver annar en með aukinni þekkingu þá fer ég að skilja marga hluti betur. Það að þú myndir myrða barnið út af nammipoka væri mér illskiljanlegt en svo kæmi t.d. í ljós að þú ert haldinn mjög alvarlegum geðrænum sjúkdómi þá væri þetta strax orðið skiljanlegra. Ég gæti aldrei skilið nákvæmlega hvernig þér leið þegar þú drapst barnið nema upplifa það sama en upp að vissu marki gæti ég skilið af hverju þetta gerðist. Þá er hægt að nýta sér þær upplýsingar til að koma í veg fyrir að þetta gerist aftur. Þannig með auknum skilningi er hægt að læra af reynslunni, t.d. grípa fyrr inn í ef einkenni slíks sjúkdóms kæmi fram hjá öðrum aðila o.s.frv. Ég bara stórefast um að þessir menn sem gerðu þetta hryðjuverk séu mjög skilningsríkir og eigi auðvelt með að setja sig í spor annarra. Því ef þeir gætu það þá hefðu þeir sjálfsagt ekki gert þetta. Þeir voru blindaðir af sjálfum sér og sínum málstað. Ég held að það sem er skiljanlegt fyrir fólki fari eftir þekkingu þess og hvernig það vinnur úr þeim upplýsingum sem það hefur.

Fyrra álit

radical fyrir 23 árum, 2 mánuðum

Þetta er flott svar. Skilningur á á öllu mögulegu er það sem vantar í dag. Við lærum ekki neitt nema að skilja hlutina. Skilningur og framfarir haldast í hendur.

Til að reyna að bæta við svarið:
Áður en maður dæmir (tekur ákvörðun) þá er betra að hafa skilning á hlutunm og byggja dóminn á réttum forsendum. Bandaríkjamenn hafa verið með utanríkisstefnu sem hefur kostað mörg saklaus mannslíf. Það veldur reiði hjá þeim hópum sem verða fyrir barðinu á því, alveg eins og Bandaríkjamenn eru reiðir núna fyrir að hafa orðið fyrir “heiguls” árás eins og þeir segja.

Neiðin kennir naktri konu að spinna:
Þessir hópar sem hafa verið fyrir barðinu á Bandaríkjamönnum í mörg ár hafa engan her sem jafnast á við styrk Bandaríkjamanna. En þessir hópar vilja hefna alveg eins og Bandaríkjamenn vilja hefna núna. Gallinn við þetta allt er að báðum aðilum vantar skilning á hlutunum, og þá sérstaklega Bandatríkjmönnum, því það eru þeir sem eru að setja viðskiptabönn og allskonar höft á þjóðir sem þeim kemur bara alls ekkert við hvernig eru “reknar”. Einræðisherra ríkir kannski einhverju landi og misþyrmir þegnum sýnum, þá kemur USA og setur viðskiptabann á þjóðina. Hvað er eiginlega verið að reyna að áorka með því? Hvaða máli skiptir það einhvern einræðisherra hvort að þjóðin fá að éta ef hann er hvort sem er að misþyrma þeim? Og þar sem þjóðir heimsins “cutta” á allt getur Einræðisherran kennt þeim um allt hvernig allt er.. svo finnst fólki skrýtið hvað allir eru reiðir í garð Bandaríkjamanna. Það er bara ekkert skrýtið vegna þess að þeir hafa notað vitlausar aðferðir á vitlausan hátt á vitlausum stöðum. Utanríkisstefna Bandaríkjamanna er bara bull frá A til Ö, og það eru fullt af könum sem vita af því og fatta það.. þeir eru bara ekki nógu margir ennþá. Svo gerist þetta og allt verður vitlaust. Enginn skilur neitt því allir halda að Bandaríkjamenn hafa verið góðu gæjarnir frá upphafi alda. Þeir hafa gert mistök og mikið af þeim eins og allar aðrar þjóðir, þeir eru bara svo stórir og sterkir að það er erfitt fyrir þá að viðurkenna það.

Ég er samt ekki að verja þessar árásir á Bandaríkin, heldur skil ég afhverju þær áttu sér stað. Og ég held ekki með Bandaríkjamönnum né þessum sem gerðu þetta því báðir aðilar eru á villigötum að mínu mati. Þeim vantar báðum skilning á hlutum sem fáir virðast hafa. Þetta er erfitt mál og stórt og því kannski skiljanlegt að það sé erfitt að spá fyrir hvað muni gerast næstu daga.

friður
potent

Fyrra álit

Ekturius fyrir 23 árum, 2 mánuðum

En er ekki viðskiptabannið við Írak og stuðningur við Israel það eina sem veldur þessari “kúgun”, amk nú til dags? Það er hægt að rökstyðja báðar ákvarðanirnar hjá BNA. Ég get líka nokkuð fullvisst um það að þeir vilji ekki kúga Araba, en hafa kannski óbeint gert það með aðgerðum sem er samt hægt að rökstyðja. Árásir á þeirra fólk er allavega ekki leiðin, þar sem það gerir út um allar líkur að þeir hlusti á fólkið í Írak og Palestínu.

Fyrra álit

Tannbursti fyrir 23 árum, 2 mánuðum

Ég las nú ekki öll svörin en skiljanlegt (er eins og mörg önnur orð) eitthvað sem er túlkað mismunandi af hverjum og einum. Þessvegna verða líka oft deilur þegar einhver segir að eitthvað sé skiljanlegt því það er ekki á sama mælikvarða hjá öðrum (orðið þ.e.a.s.) þannig að sami glæpur er misslæmur fyrir fólki og ekki afþví fólk hefur mismunandi skoðannir heldur því það túlkar orðalag mismunandi. Skiljanlegt er orð sem fólk á að varast að nota það er á gráu svæði. Ég persónulega túlka skiljanlegt sem eitthvað sem þeir gera af ástæði (það eru einhver rök á bakvið hugsunina) en ekki að það sé réttlætanlegt eða því um líkt. Annars man ég ekki til þess að ég noti skiljanlegt nokkru sinni á ævi minni. (man)

Fyrra álit

Popcorn fyrir 23 árum, 2 mánuðum

Eða eins og gamalt kínverskt máltæki segir:

Segðu mér, ég gleymi.
Sýndu mér, ég man.
Leyfðu mér að reyna, ég skil.

Fyrra álit

ArabStrap fyrir 23 árum, 2 mánuðum

Tökum lítið dæmi:

Þú býrð í Breiðholtinu. Allt í einu ráðast hópur manna í blokkina þína og nauðga öllum kvenmönnunum, myrða börnin og að lokum segja að allir verði að flytja vegna þess að þessi blokk er heilög jörð.

Þú ferð til lögreglunnar en þeir gera ekki neitt vegna þess að borgarstjórinn sagði þeim að líta framhjá þessu og enginn hjálpar þér vegna þess að þú ert “heiðingi”.

Væri þá ekki skiljanlegt að þú reynir að fá fólk til að taka eftir þér og þínum málum þó það sé gert á afspyrnu heimskulegann máta?

-

P.S. Og nei, ég er ekki að réttlæta hroðaverkin sem framin voru í Washington & NY

Fyrra álit

kokos fyrir 23 árum, 2 mánuðum

Mér finnst á þér að þú viljir setja samansemmerki milli orðanna skiljanlegt og eðlilegt?

ég skil orðið “skiljanlegt” bara mjög bókstaflega..
þeas eitthvað sem hægt er að skilja

ég skil að 2+2 eru 4, og ég skil að þegar ég pikka á lyklaborðið mitt birtast stafir á skjánum..hvort það er eðlilegt veit ég ekki hehe

já ég held að það meigi skilja voðaverkin í USA..en ég skil þau hinsvegar ekki.

Kókos

Fyrra álit

Jusl fyrir 23 árum, 2 mánuðum

Skiljanlegt eða ekki, hroðaverk geta af sér hroðaverk! Ég skil ekki trúabragðastyrjaldir, en er ekki tilgangur trúabragða að iðka þau og hlýða Guði sýnum. Í flestum trúabrögðum er ákvæði um að myrða ekki. Mér er samt illskiljanlegt hvernig menn, eins og ég og þið, getið breytt orðum Guðs í að það er í lægi að myrða Bandaríkjamenn, Ísraela, Palestínumenn, Araba.

Hvort sem einhver kemur og stelur blokkinni þinni og nauðgar öllum, skipar öllum að fara og lýsir yfir heilögu stríði því blokkin er heilög jörð (Ísrael ekki satt) skil ég ekki. En þeir skildu það, Ísraelanir og þeir fengu leyfi til þess.

Skilningur minn er ekki skilningur þinn. Það er ekkert sem er gott, og ekkert sem er vont því það er persónulegt mat þó að lög og heilög rit gefa okkur oft góðan skilning er á hvað sé gott eða vont, skiljanlegt eða óskiljanlegt í þessum heimi.

Fyrra álit

Popcorn fyrir 23 árum, 2 mánuðum

Ef þú trúir einhverju, kemur ekki til greina að neinn sem
trúir ekki því sem þú trúir, hafi rétt fyrir sér.

Ef þú skilur þetta skiluru trúarbrögð kannski betur.

Þau er ekki álitamál, sérstaklega ekki frá sjónarmiði þess
sem trúir. Ef hann á annað borð trúir því, trúir hann því
einnig að hann hafi rétt fyrir sér. Annað getur ekki verið.

Sumir trúa því sem þeir trúa, svo heitt að EKKERT getur
sannfært þá um annað. Slíkt getur einnig vakið reiði hjá
þeim sem trúir, og hann getur trúað því að hans
viðbrögð séu það eina rétta.

Fyrra álit

gthth fyrir 23 árum, 2 mánuðum

“Ef þú trúir einhverju, kemur ekki til greina að neinn sem trúir ekki því sem þú trúir, hafi rétt fyrir sér.”

Ég er ekki sammála þér. Þetta á bara við um þröngsýnt fólk sem er trúað. Ég hef samt hitt trúað fólk sem játar að það sé möguleiki á að það hafi rangt fyrir sér og einhver annar rétt fyrir sér. Enda er það að trúa (hvort heldur sem er á guð eða hversdagslegum hlut eins og að Laugavegurinn sé ekki lokaður) að hafa eitthvað fyrir satt án þess að vita það.

___________________________________

Fyrra álit

Popcorn fyrir 23 árum, 2 mánuðum

Humm, reyndar, ég var aðallega að reyna að
átta mig á ofsatrúarmönnum.

Fyrra álit

gthth fyrir 23 árum, 2 mánuðum

Já það sem þú sagðir lýsir þeirra viðhorfi. Það skal ég taka undir :o)

___________________________________

Fyrra álit

[Notanda eytt] fyrir 23 árum, 2 mánuðum

Öll orð eru nú orðin þannig að þau gætu þýtt eitt en almenningur notar þau í öðrum skilningi. Afstætt er t.d eitt af þessum orðum sem fólk notar þrátt fyrir að skilja ekki merkingu orðsins.

Fyrra álit

midgardur fyrir 23 árum, 2 mánuðum

Hér má ekki rugla saman réttlætanlegt og skiljanlegt. Til að geta brugðist við einhverju á réttan hátt er nauðsynlegt að skilja það. Sem stendur eru hryðjuverkin í usa ekki skiljanleg þar sem engin veit hver framandi né heldur hver var tilgangurinn. Hins vegar getum við sett fram ýmsar tilgátur út frá atburðinum. Slík tilgátuprófun er hins vegar eingöngu getgátur einar.

Tilgátuspurningarnar í þessu tilviki geta verið:
1) Hverjir hafa skiljanlega ástæðu (motive) til að fremja slík voðaverk?
2) Hverjir beita mögulega svona aðferðum (profile)?

Líka getur verið mikilvæg að spyrja:
3) Hver er réttlæting þess að fremja slík voðaverk?

Þó svo við spyrjum spurningar 3) þá erum við á engan hátt að réttlæta verknaðinn en við verðum að spyrja svona til að átta okkur á verknaðinum og sýna réttu varnarviðbrögðin.

Fyrra álit

Heimspeki

Heimspeki

Ofurhugar

Stjórnendur

Hverjir eru inni

Greinar

Hvað merkir orðið skiljanlegt?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi