Já það er hollt að pæla og það allt en það felur svo sannarlega ekki í sér að maður eigi að snúast gegn öllu sem telst “hefðbundið” og stimpla það eitthvað verra og ódýrara en hið óhefðbundna. Sókrates hefði örugglega horft á Friends og South Park og gengið um í Armani-jakkafötum ef hann væri meðal vor. Passaðu þig á að beina pælingum þínum í uppbyggilegan jarðveg og sýna tillitssemi til fólks sem ef til vill hefur ekki ákveðið að búa í tunnu og íhuga allan daginn.

Ok. Mér hefur oft liðið svipað..
Mér finnst ég oft hafa betri skynjun á mörgum hlutum en aðrir, en þó ekki meiri gáfur, eða hraða hugsun.
Æ, ég veit ekki.
Ég er á 18 ári núna. Bý úti á landi (elska það) og finnst Rvk vera suddalegur staður, nema þegar ég geng um rólegar þröngar sólríkar götur á rólegum degi.. (Þið hljótið að kannast við tilfinninguna.)
Mér finnst ég vera sér, því ég drekk ekki og djamma á helgum en er frekar mikið nörd, en hvað finnst einhverjum sem drekkur og djammar um helgar um okkur, og finnst þeim þeir vera sér.. Þeir halda kannski um okkur það sem við höldum um þá…
Ég held að öllum finnist þeir vera sérstakir, og það er líklega í sjálfu sér rétt, því líkurnar eru fáránlega litlar á því að maður hitti eins manneskju og sig.
Þessi grein hljómar soldið eins og þú sért yfir hina hafinn, en þó á hún ekki að vera það. Ég held að ég fatti hvað þú átt við.

Ég veit ekki um þetta með þetta pakka-dæmi. Það er eitthvað sem tengist samt líklega þroskastigi..
Mér finnst ég vera þokkalega þroskaður á mörgum sviðum. Ég hlusta á klassíska tónlsit og spila mikið á pianó, því mér finnst það skemmtilegt. Þannig finnst mér ég hafa yfirkomið tónlistarstig sem flestir jafnaldrar mínir hlusta á (FM tónlist). Ég veit alveg til þess að sumum finnst það skemmtilegt að setja 5tu sinf. Beet á fullt, en ég fíla bara rómantísta tónlist frá um 1900. En þó held ég að ég hafi bara ekki upplifað lífið þannig að ég fylgi krökkunum. Var með gleraugu þegar ég var lítill og var soldið fyrir utan vinsælu krakkana, meira úti í nördahópnum. Auk þess sem ég var alinn upp við klassíska tónlist.
Svo er ég ekki mikill íþróttamaður, en vinn núna mikið með öðru fólli (leikstjóri), en mér finnst ég samt ekki alveg passa inn í þetta nútíma þjóðfélag, þá á ég við samfélagslega.
Mér finnst ég oft ekki passa inn í hópinn sem hengur saman og kjaftar og hlær. Jú ég kem oft með aulahúmor og fyndin djók, en ég er samt ekki einn af þeim..

Ég efast samt ekki um að einhverjir munu kannski halda að við höldum að við séum betri en þau. Maður getur bara ekki dæmt fólk, frekar það að fólk þarf að dæma sjálft sig. Það er eins Sókrates sagði.
Ef ég hugsa “Ég er betri en hinir sem djamma.” þá hugsa ég á eftir “En ég get ekki verið betri en þeir með því að vera svona hrokafullur” þá hugsa ég “En samt er ég það” o.s.frv.
Maður þarf bara soldið að finna sjálfur hvernig maður er. Ég veit að ég er ekki enn búinn að finna það alveg út..

Jæja.. Ég vona að þetta hafi ekki farið úr böndunum hér, og að ég hafi haldið mig innan marka umræðuefnisins, en endilega kommentið á það sem ég sagði.
Öll gagnrýni er af hinu góða, annars bætir maður sig ekkert.

alltaf á morgnanna þegar ég nenni ekki að fara frammúr fer ég að “pæla”

Þetta myndi ég kalla heilbrigðar pælingar og ég vildi óska að fleiri í þjóðfélaginu okkar tæku sig til og hugsuðu svona, þá myndi litla landið okkar kannski ekki vera yfirfullt af hálfvitum. Ég nenni ekki að fara út í smáatriði til að útskýra þetta með hálfvitana, því ég var að vakna og heilinn ekki vaknaður ennþá, en þið hljótið að skilja mig (FM hnakkar, wanna-be viðskiptajöfrar, kellingar í Bónus sem leggja vagninum sínum þvert yfir gangveginn á meðan þær eru að kjafta við vinkonuna, pólitíkusar (don't get me started) ofl.).

Maður verður bara að passa sig á því að vita hvar maður stendur sjálfur og geta sett sjálfan sig í samhengi við umhverfið, geta séð sig með augum annarra. Þá eru minni líkur á því að verða utanveltu og maður lendir síður í því að fara að efast sjálfan sig, sem gæti gerst ef maður hugsar of mikið.

Keep up the good work!!! :)

P.S. Ég tel það vera hollt að loka sig stundum inni án þess að hlusta á tónlist, þó hún sé yndislegt listform, því þá er maður einn með sínum hugsunum og neyðist til að hlusta á þær, maður þroskast bara af því, svo lengi sem maður hugsar til enda.

Ef ég fer að hugsa of mikið þá verð ég hræddari við umhverfið og miklu varari um mig. Einu sinni var ég voða mikið að hugsa og mér leið eins og ég værio að kafna í marga daga. Það voru of flóknar pælingar til að koma á blað….. Semsagt stóóór hættulegt!

Kork:

Jújú, þetta kannast maður við.

Ég er enn ekki viss hvort þetta teljist blessun eða bölvun.

Akkúrat núna reyni ég ekki að hugsa neitt, bara vinna og vera til, þetta getur orðið svo lýjandi.

Gangi þér vel, ég veit ekki hvaða ráð eru rétt, eða hvort það séu til rétt ráð fyrir fólk eins og þig, fólk eins og mig, þannig að ég brosi bara til þín og bið þig velkominn í okkar ráðvillta hóp.

Kv.
VeryMuch

Hmmmm já ég hef bara tvennt að segja, fín grein hjá þér Gauti og svo að þið ættuð allit fyrst þetta eru svona miklir hálfvitar í kringum ykkur að hætta bara að pæla í þeim og beina hugsunum ykkar í jákvæðari farveg, ekki að þið séuð gáfaðari en allir aðrir, ekkert persónulegt nema bara það eer enginn æðri en annar þó hann hugsi eða viti meira

ég kannast við þessa hrokafullu tilfinningu, þegar maður lítur á nánast alla í kringum sig sem algjöra hálfvita vegna þess að þeir gera hitt og þetta sem maður lætur alveg vera. fyrir stuttu þá lét ég fáfræði og heimsku fara alveg rosalega í taugarnar á mér, en nýlega er ég farin að reyna að setja mig í þeirra spor og gera mér grein fyrir því að við mennirnir þroskumst misjafnlega hratt, jafn misjafnlega og við erum misjöfn.
ég var með mikla fordóma í garð fm-hópsins þar til ég fékk tækifæri til að ræða við nokkra að þessum “gæjum” og komst að því að meirihlutinn af þeim er frekar grunnhyggið fólk en það er alltaf hægt að finna hvítt lamb í svarta sauðahópnum.
við megum ekki dæma fólk fyrir heimsku, heldur reyna að leiða þau á rétta braut. mér finnst það flott hjá þér að hugsa mikið og leita þér að upplýsingum, því að upplýst fólk verður oftast víðsýnna og getur einnig miðlað þekkingu þinni til hinna.
í sambandi við drykkjuna þá gleður það mig að enn sé til ungt fólk sem snertir ekki áfengi, sjálf hef ég brennt mikið á “blessuðu” guðaveigunum.

og svona að lokum langar mig að vitna í hlunka-auglýsinguna;
Þú veist að þú ert sérstakur. Alveg eins og allir aðrir. :)

Ég er ekki frá því að þetta sé sammannleg þroskaganga sem flestir ganga í gegnum á milli tegtar og tvítugs. Ég er ekki frá því að á þessu stigi séum við að þroska samneyti okkar við menninguna öðru nafni mannsandann.

Ég held að flestir ef ekki allir andans karlar og konur hafi gengið í gegnum þroskastig einveru og íhugunar, þar sem þau hafa átt spjall við sjálfa sig og menninguna (lestur bóka, hlustun á tónlist osfrv). Þetta er ekki ósvipað því og þegar fræ er látið spíra í jarðvegi, eða þegar lifra púpar sig. Þarna fer fram ákveðin umbreyting sálarlífsins og persónuleikans.

Ég er heldur ekki frá því að nútíma sálfræði líti á þetta atferli sem óeðlilegt og að einstaklingar sem draga sig svona í hlé séu á einhvern hátt sjúkir og þá beri að lækna, gera þá félagslyndari. Vissulega má segja að einstaklingurinn gangi í gegnum ákveðna vá á þessu tímabili, það er stutt í brjálsemina, óttann og taugaveiklun. En hver er kominn til með að segja að könnun á lendum andans eigi að vera hættulausar. Þetta er landkönnun, þótt margir hafi farið þarna um árhundruðum saman þá verður hver kynslóð og hver einstaklingur að ganga þarna um sjálfur, einn. Þarna reynir á frumleikann og dirfskuna, æðruleysið og fyrirhyggjuna. Þetta er hættuleg vegferð, en það er þess virði að fara hana.

M.

Ju..eg hef lika verid mikid ad paela ..hef alltaf gert tad, en med timanum fara hugsanirnar ad verda dypri og snuast meira um ad finna svor sem eru beint fyrir framan nefid a ter og eftir tvi sem madur hugsar meira tvi vitrari verdur madur tvi tegar tu hugsar um hlutina ta um leid veistu meira um ta og getur hugsad um ta fra olikum og mörgum sjonarhornum….hehe vonandi ekki of flokid..
eg hef verid mikid ad hugsa..stundum sofna eg ekki :S en tad er ekki svo slaemt tvi eg skil meira og get velt staerri hlutum fyrir mer en vita samt oll smaatridin..skiuru nokk hvad eg meina? hmm kanski furdulega sagt hja mer :S dunno…