Babl fyrir 21 árum, 7 mánuðum Fjöldi lestra: 528

Því er?

“Að vera, eða ekki að vera” kjarnaspurning hjá Shakespeare ekki satt?

Allt frá því ég man eftir mér hef ég undrast yfir því að vera til og að það sé það að vera til! Og þannig held ég að sé hjá flestum öðrum þó margir kjósi að halda viti og sönsum með því að velta þessu ekki fyrir sér.

Því er?

Hvernig getur á því staðist að yfirleitt sé nokkuð til og í þokkabót verundir sem gera sér grein fyrir því að þær eru?

Ég er ekki að velta fyrir mér eðlis og efnafræðilegum upplýsingum, kosmogonískum eða kosmologískum þeóríum því þær falla inn í vangaveltuna sjálfa og eru til.

Því er?

Það er gersamlega ómögulegt að ímynda sér að ekkert sé til, í þeirri merkingu sem maður leitar því alltaf er ekkertið enn til staðar í þeirri hugsun og inniheldur sjálft sig.

En er ekki eðlilegra að hugsa til þess að aldrei hefði nokkurt verið, hvorki ekkertið né allt sem á eftir ekkertinu kemur, ekki myrkur né ljós, ekkert efni né andefni, enginn alheimur né alheimar.
Og er ekki eðlilegra að hugsa sér að aldrei hefði vitund vaknað til verundar og farið að skoða sjálfan sig og umhverfið eða að undrast um hvað, hvar, hvenær og hvert?

Það að vera er magnaðra fyrirbæri en orð fá lýst. Sem barn horfir maður á fjallið og hugsar með sér að eftir að maður er allur og er ekki lengur, þá er fjallið. En sú hugsun hefur einnig leitt hugann að því hvað það er að vera?

Það að vera er að gera sér grein fyrir því að maður er, það gerir fjallið líklega ekki, og að þeim sökum er fjallið ekki fjall með sjálfi sér.

Að sama skapi er sólkerfið eða vetrarbrautin og allur alheimurinn ekki verund í sjálfi sér, eða hvað?

Það að vera virðist ekki samkvæmt minni skoðun vera bundið líkama eða því sem við skilgreinum sem efni en inniheldur þó allt sem við skilgreinum sem efni í sjálfi sér.

“Að vera eða ekki að vera” er spurningin því hin spurningin “því er” virðist ósvaranleg. Allt er því það er og getur ekki annað.

Það er, það er í mér og ég er í því. Ég er, ég er í því og það er í mér. Það og ég/ég og það, erum eitt!

Sá grunur læðist að, að verundin sé algildi og ómæld, að verundin sé ekki hlutbundin og því ekki persónulegt sjálf eða egó. Vitundin er væntanlega egó en þó sonur verundarinnar og af henni komin.

“Að vera” er líklega ekki okkar sérkenni og hefur væntanlega ekki af tegund okkar, “að vera” fæðist ekki.

“að vera ekki” er að öllum líkindum sérkenni tegundar okkar því tegund okkar fæðist og deyr.

Þá er það blessuð vitundin, sálin, egóið, sonur verundarinnar. Ef sálin er verund á svipaðan hátt og dropi er vatn, þá má leiða að líkum að sálin fæðist og deyr, hvenær hún fæðist og hvenær hún deyr vil ég lát liggja á milli hluta, en aðalatriðið er að hún er í eðli sínu sprottin af verund og upplifir “ég er”.

Og á sama hátt og frumefni líkamans hafa aldrei sagt skilið við þann heim sem þau eru komin af og við dauða þá umbreytist formið og frumefnin samlagast uppruna sínum, á sama hátt má leiða líkum að því að sálin sem í eðli sínu er verund og hefur aldrei sagt skilið við uppruna sinn mun samlagast verundinni þegar hún umbreytist.

Verundarinnar verður ekki leitað í moldinni, verundin er.
Sálarinnar verður ekki leitað í frumefninu, sálin er.

“Ég” er verund.

“að vera eða ekki að vera” ja, ég er, en!

“Því er” það er nú spurningin?

Babl

Notoriuz fyrir 21 árum, 7 mánuðum

Þetta eru ágætar hugleiðingar, en það er útbreiddur misskilningur að Hamlet hafi verið að velta fyrir sér djúpri grundvallarspurningu um tilvist mannsins, heldur var hann í raun að velta því fyrir sér hvort hann ætti að binda endi á líf sitt, eða halda áfram að lifa kvalinn á sálinni.

Fyrra álit

Babl fyrir 21 árum, 7 mánuðum

Mikið rétt, enda er ég frekar að lesa eigin hugleiðingar í orðin frekar en að túlka Hamlet. Það vill svo bara til að Shakespeare gerði þessa grunvallarspurningu ódauðlega hver svo sem dýptin er að baki hugleiðinganna hverju sinni.

Fyrra álit

ukulele fyrir 21 árum, 7 mánuðum

vinur minn, Paul Lydon, gerði líka tilvistarkenningarkreppuCamusHamletinnantómu0rðræðuGeve ikinnar ódauðlega með nafni á lagi sem hann samdi:

do you be?

lífið er ekkert ljúft, þí að Bubbi haldi það.

lífið er heldur ekkert ,,too good'', þó að Sykurmolunum hafi fundist það flott.

lífið - er.

þú orðar þetta allt svo faglega, - og ljóðrænt:

,,… frumefni líkamans hafa aldrei sagt skilið við þann heim sem þau eru komin af …''

en ég held að þessi frumefni - eða meinta alvald öllu ofar - séu ekkert að stressa sig eitthvað rosalega á útúrtsöbdjekktívum afstæðum eins og hvort tilvist þeirra sé góð eða vond …

-Hc

Fyrra álit

Tigershark fyrir 21 árum, 7 mánuðum

já ég hugleiddi þetta oft þegar ég var lítill
en það er ekkert svar við þessu (þetta er líka hver er tilgangur lífsins? af hverju erum við til?)
ég fæ bara hausverk við að leit að svari við þessu

Fyrra álit

[Notanda eytt] fyrir 21 árum, 7 mánuðum

“Ég” er verund.

ég hugsa og því er ég.
rené deskartes sagði þetta og meinti.

alheimurinn hugsar og gerir í kjölfar. alvitund sem að snerist í margar milljarða í vangaveltum sínum hvernig heimurinn ætti að vera, svo gerði hún. nú er hún umbreytt í hugsjón sína, sá gamli skarfur sem að stundum er kallaður guð.

þess vegna er, hálviti

Fyrra álit

[Notanda eytt] fyrir 21 árum, 7 mánuðum

Fyrra álit

isarlogi fyrir 21 árum, 7 mánuðum

Descartes var í raun að reyna að finna útgangspunkt fyrir frumspeki sína og þekkingarfræði… púkinn gat blekkt hann um allt; nema þetta. Á þessum punkt gat hann reist “hús” sitt; eðlisfræði, ljósfræði, sagnfræði og allt hitt. Verst var að hann þurfti að enda sem social-problem hjá Olof Palme í Svíþjóð… að gleymdi stjörnufræði (kannski felst það í “allt hitt”!?!).

Fyrra álit

[Notanda eytt] fyrir 21 árum, 7 mánuðum

“Það að vera virðist ekki samkvæmt minni skoðun vera bundið líkama eða því sem við skilgreinum sem efni en inniheldur þó allt sem við skilgreinum sem efni í sjálfi sér.”

Ég er sammála :P

Sko, það sem ég vildi sagt hafa er að þó þessi spurning sé skiljanleg þá veit hver og ein hér að svarið við spurninguni er ekki handan við hornið.
Þegar þú ferðast eftir vegi ferðu beint eftir honum en veist ekki hvað er næstu 100km fyrir framan þig. Þessi spurning er á undan sjálfum sér því að við höfum einfaldlega ekki “gáfur” til að skilja það og munum ekki í bráð. Auðvita geturu spurt endalaust en þú færð ekki svar, alveg einsog við skiljum ekki heilan okkar, getum við ekki útskýrt hann. Einsog einhver sagði ; “ef heilinn á okkur væri nógu einfaldur til að við skildum hann, þá skildum við ekki heilan á okkur.” Ég einfaldlega vil benda á að helling af spurningunum hér eru einfaldlega “leiðinlegar” því að ég veit við vitum ekki svarið. Ég get allt eins spurt hvað er fyrir utan geiminn? En enginn getur svarað. Ég skil að þið spurjið, þessvegna lærum við, en erum við ekki að fara á undan okkur í því sem við þurfum að vita?

Kannski maður ætti að pæla í öðru?

Ég veit ekki ég babla stundum ;P en sko ég vona að þú fattir mig, ég er ekki að setja útá spurninguna.

Fyrra álit

Babl fyrir 21 árum, 7 mánuðum

Þessi ábending hjá þer er væntanlega kjarni málsins, það er að svarið er ekki handan hornsins.

Þegar fjallað er um óhlutlægan veruleika eins og sjálfið eða verundina, þá er ekki hægt að mínu viti að leita svara hlutlægt. Þetta þýðir að hefðbundið hlutlægt svar byggt á formi, stærð eða orðlægum útskýringum, það fyrirfinnst ekki. Við getum notað orðskýringar og dæmi til að fjalla um hinn óhlutbundna veruleika en hann verður ekki skoðaður hlutlægt.

Hinsvegar lít ég svo á að íhugun og hlutlæg nálgun sé eins og hækja sem hjálpar manni að upplifa og snerta verundina, að gefa sér stund til að “vera” dvelja í “núinu”. Það sem er óhlutbundið verður einungis upplifað í verundinni. Eins og ég reyndi að skýra í einu svari að t.d. tónlist verður ekki krufin með því að kljúfa gítarstrenginn og rannsaka mólekúlin.

Ég er sammála þér margar spurningar og vangaveltur geta virðst leiðinlegar og þungar, jafnvel marklausar. En oftar en ekki eru þær skemmtilegar og gefandi ef manni tekst að brjóta skurnina og upplifa kjarnann í því sem reynt er að fjalla um. Að sjálfsögðu er það einstaklingsbundið hvort menn fái fróun úr heimspekilegum þönkum, margir hreinlega geispa áður en maður bryddar á einni heimspekilegri setningu.

Það sem mér leiðist persónulega er þegar sumir menn fara í mono stellingar og afneitunar stellingar eins og gerist of í umræðum sem þessum, ég er ekki að skjóta til þín heldur meina ég þetta almennt. Það er þessi tegund sem segir; Nei, sálin er ekki til! Eða; Nei, það er ekki hægt að búa til vél sem flýgur. Sú persóna sem sér allt sem mögulegt, það er að kannski sé sálin til og kannski ekki, eða kannski er hægt að búa til vél sem flýgur eða kannski ekki. Þessi týpa finnst mér skemmtileg því hún er týpan sem hefur alltaf opinn möguleika og mun rannsaka og uppgötva. En týpan sem segir að möguleikinn sé ekki fyrir hendi er frekar grá þar sem ekki verður leitað frekari svara.

En þetta var nú svona frávik frá efninu.

Þú segir: Hvað er fyrir utan geiminn?

Kannski það sem “er”, verundin ;-)

Jæja nóg af babli í bili.

Fyrra álit

[Notanda eytt] fyrir 21 árum, 7 mánuðum

Ég sko er með því að hugsun og sál sé til og að hún sé ekki hluti af líkamanum. Ég er mjög opin maður ;P en sko hitt er annað mál að mér finnst fólk fara oft á tíðum á undan eiginn samtíð. EKki að það sé alltaf vondur hlutur.

Spurninginn þín er alveg réttlætanlega ég skil þú viljir svar en veit þú vonast ekki eftir því því það er ekki “handan við hornið”.+

“fái fróun” veit hvað þú átt við en af einhverjum ástæðum fannst mér þetta hlægilegt ;D

Ég get alveg látið þig vita að ég tók mér 20 min af mínum fágætatíma og las þetta og hugleiddi…

Annars bara svona pæla, einsog flestir….

Fyrra álit

Babl fyrir 21 árum, 7 mánuðum

“fái fróun” veit hvað þú átt við en af einhverjum ástæðum fannst mér þetta hlægilegt ;D"

:-))

já það er einhvernvegin svipað að nudda heilann í huglægri fróun og ef fantasían er góð er von um andlega fullnægingu :-)

Annars er ég þakklátur fyrir að vita að til er fólk sem heldur vöku sinni við að hugleiða bablið í 20 mínútur :-)

Babl

Fyrra álit

Heimspeki

Heimspeki

Ofurhugar

Stjórnendur

Hverjir eru inni

Greinar

Því er?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi