Ég veit það alla vega að ég læri ekki mikið ef ég reyni að gera það yfir sjónvarpinu. Annað hvort missi ég úr því sem ég er að horfa á af því ég er að læra eða ég sleppi því að læra af því ég er að horfa.

Ég hoppa ekki í rúminu mínu eða sófanum af þeirri einföldu ástæðu að ef það brotnar þá þarf ég að borga það. Þar sem það ert ekki þú sem myndir borga fyrir brotið rúm eða sófa heldur foreldrar þínir, þá finnst mér það bara mjög gáfulegt hjá þeim að banna það.

Hálftíma í tölvunni í einu er bara fínt til að maður verði ekki nærsýnn eða breytist í letingja og þetta með kl. 9, fer kannski eftir aldri en það er náttúrulega bara til að þú sért ekki úti að flækjast í vondum félagsskap og gera eitthvað slæmt. Annars ef allir aðrir mega vera lengur úti, þá geturðu náttúrulega talað um það við foreldra þína að þau tali við foreldra hinna krakkanna eða foreldrafélagið í skólanum og ákveði að hafa sama útivistartíma og allir aðrir.